Jeremías 26:2 - Bible in Tzotzil de Chenalhó with Deuterocanon

² jech i'albat: “Bat va'an aba te ta yamaq'uil ch'ulna. Scotol li c'usi chacalbote albo ya'yic scotol li achi'iltac ti chliquic tal ta lumetic ta Judá ti te chtal yich'icun ta muc' ta ch'ulna cu'une; mu me c'usi xamuc comel.

Bible in Tzotzil de Chamula

² “Ba va'ano aba ta yamaq'uil ti ch'ulnae. Scotol ti c'u s'elan laj calbote, albo ya'i scotol ti jnaclejetic ta xliquic talel ta jteclumetic yu'un Judá ti ta xtalic snijan xchiman sbaic li' ta ch'ulnae. Ma'uc me ti avo'nton no'ox sna'e.

Jeremías 26:2 Iomraidhean Croise

Jeremías 1:17

Lican, chapano lec aba; bat albo ya'yic scotol li c'usi chacalbote. Mu me xaxi' yu'unic, naca me toj ech'em ta xcac' nican ta xi'el te ta stojolic.

Jeremías 1:7

Pero li Muc'ul Diose jech laj yalbun: “Mu xaval jech ti queremot toe, yu'un ti bu chajtacot batele persa te chabat, xchi'uc persa chavalbe ya'yic scotol li c'usitic chacalbote.

Jeremías 19:14

Li Jeremiase iloc' batel ta Tofet yo' bu itacat batel yu'un Muc'ul Dios sventa chal li c'usi chc'ot ta pasele. Te c'ot sva'an sba ta yamaq'uil ch'ulna yu'un Muc'ul Dios, jech lic yalbe li cristianoetique:

Jeremías 23:28

Me oy jun j'alc'op ti chvaychine, ac'o yal ti tojol vaychil no'oxe. Me ja' laj ya'ay li c'usi chcale, ja' no'ox ac'o yal li c'usi laj cal ta melele. ¿Me co'ol oy stu li bec' trigo xchi'uc li ste'ele?

Jeremías 25:2

Li j'alc'op Jeremiase te lic yalbe scotol judaetic xchi'uc jnaclumetic ta Jerusalén c'usi i'albat yu'un li Diose, jech laj yalbe:

Jeremías 28:5

Vu'un li j'alc'op Jeremiasune jech la jtac'be li j'alc'op Hananías te ta stojol paleetic xchi'uc ta stojol li jteclum ti te oyic ta ch'ulna yu'un Muc'ul Diose:

Jeremías 36:10

Li Baruque ibat ta ch'ulna, te ic'ot ta muc'ta amac' ti te xlic ta svayab-na Gemarías xnich'on Safán, ja' li jts'ibajome, te ta nopol ti bu Ach' Ti'na sbi ta ch'ulnae. Te laj yapta ta stojol scotol judaetic li c'usi ts'ibabil ta balbil vun ti laj yal Jeremiase.

Jeremías 42:4

Li j'alc'op Jeremiase jech laj yal: —Lec oy, xu' ta jc'anbe vocol li Dios jech chac c'u cha'al chac'anbicune. Scotol c'usi chiyalbun li Muc'ul Diose ta xcalboxuc ava'yic scotol, me jutuc mu'yuc ta jmucboxuc ta co'nton jbeluc —xi.

Jeremías 7:2

“Bat va'lan te ta sti' jch'ulna, ja' jech xaval chac li'i: Jnaclumetic ta Judá, a'yo ava'ay acotolic c'usi chal li Muc'ul Diose, vo'oxuc ti cha'ochic tal, ti chtal avich'ic ta muc' li'i.

Jeremías 7:27

“Li vo'ote, Jeremías, albo ya'yic scotol li c'usi laj cale, ac'o me mu sc'an xch'unic; tsots xavapta, ac'o me mu xa stac'boxuc.

Ezequiel 3:10

Jech laj yalbun noxtoc: “Tuc'ulano lec ava'ay li c'usi chacalbote; comtsano lec ta ajol.

Ezequiel 33:7

“Ja' yu'un, li vo'ote xnich'on cristiano, la jva'anot ta toyol q'uelub osil sventa chachabi li smomnich'nab Israele. A'yo me ava'ay li c'usi chloc' ta quee, jech me xavalbe ya'yic ta jventa li achi'iltaque.

Ezequiel 40:4

La sc'opanun li vinique, jech laj yalbun: “Vo'ot xnich'on cristiano, q'uelo lec avil ta asat; a'yo lec ava'ay ta achiquin; ac'o lec ta avo'nton scotol li c'usi chacac'bot avile, yu'un ja' sventa chacac'bot avil ti laj avich' iq'uel tal li'i. Scotol li c'usi chavile albo ya'yic scotol li smomnich'nab Israele”, xiyutun.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

San Lucas 19:47

Li Jesuse scotol c'ac'al te ichanubtasvan ta ch'ulna. Pero li banquilal paleetique xchi'uc li boch'otic lec xchanojic smantal Diose xchi'uc li banquilaletique, la snopilanic c'u x'elan xu' ta smilic li Jesuse.

San Juan 18:20

Itac'ov li Jesuse: —Li vu'une lec ta satilal la jc'opan scotol li cristianoetique. Te lichanubtasvan ta nail tsobobbailetic xchi'uc ta ch'ulna yo' bu stsobobbailic scotol li judioetique. Mu'yuc bu ta mucul lichanubtasvan.

San Juan 8:2

Ta sob yoc'omal ibat yan velta ta ch'ulna. Te la stsob sbaic tal ta stojol scotol li cristianoetique, jech ichoti li Jesuse lic chanubtasvanuc.

Hechos 20:20

Yu'un mu'yuc la jcomtsan yalel li c'usi lec jtunel avu'unique. Jamal laj calboxuc ava'yic ta stojol cristianoetic xchi'uc ta naetic.

Hechos 20:27

Yu'un jamal laj cal scotol c'usi oy ta yo'nton li Diose. Mu'yuc bu la jmuc ta co'nton.

Hechos 5:25

Ja'o ic'ot j'almantal, jech c'ot yal: —Li viniquetic ti laj atiq'uic ta chuquele te xa oyic ta ch'ulna. Te xa ta xchanubtasic li cristianoetique —xi c'otel.

Hechos 5:42

Muc scomtsanic xcholbel sc'oplal li Jesucristoe. Scotol c'ac'al ichanubtasvanic ta ch'ulna xchi'uc ta naetic.

Deuteronomio 12:32

“Pasilanic me scotol c'ac'al li c'usitic laj calboxuc ava'yique. Mu me xabolesic, mu me xach'ayesic.

Deuteronomio 12:5

Ja' yu'un ta st'ujboxuc junuc yav te ta atojolic ti jaychopoxuque; ja' yav yich'ubil ta muc' ta xc'ot o. C'alal me la st'ujboxuque, ja' no'ox xu' te chbat avich'ic ta muc'.

Deuteronomio 4:2

Mu me xavepajesic, xchi'uc mu me xach'ayic li mantaletic chacalboxuc ava'yique. Ja' me ch'unic c'usi chal li mantaletic yu'un Muc'ul Dios li' chacalboxuc ava'yique.

Josué 8:35

Scotol li mantaletic laj yal Moisese laj yapta scotol ta stojol xchi'iltac li Josuee. Laj ya'yic c'alal ta vinic, ta antsetic, ta ololetic, xchi'uc c'alal ta yanlum cristianoetic ti te nacajtic xchi'uquique. Me jbeluc mu'yuc la scomtsan.

Apocalipsis 22:19

Jech noxtoc li boch'o tsloq'ues c'uuc yepal li c'op li' ts'ibabil ta vun ti chal c'usitic chc'ot ta pasele, ja' jech ta sloq'uesat yu'un Dios ec. Mu'yuc ch-ac'bat slo' li sat te' sventa cuxlejale, xchi'uc mu x'aq'ue ochuc ta ch'ul lum jech chac c'u cha'al chal li' ta vune”, xi li Jesuse.