Jeremías 26:12 - Bible in Tzotzil de Chenalhó with Deuterocanon

¹² Li Jeremiase lic c'opojuc ta stojol li banquilaletic xchi'uc ta stojol li jteclume, jech laj yal: “Ja' Muc'ul Dios la stacun ti jech chic'opoj ta sventa ch'ulnae xchi'uc ta sventa li lum li'i, jech chac c'u cha'al laj ava'yic laj cale.

Bible in Tzotzil de Chamula

¹² Ti Jeremiase laj stoy batel sat ta stojol ti banquilaletique, xchi'uc ta stojol ti jteclume, ti xi laj yalbe ya'iique: “Ti c'u s'elan lic'opoj ava'iique, ja' laj stacun talel ti Dios ta yalel ti c'usi q'uelel ta stojol ti ch'ulna li'e, xchi'uc ti jteclume.

Jeremías 26:12 Iomraidhean Croise

Jeremías 26:15

Pero na'o me ava'yic, me chamilicune, vo'oxuc chcom ta abaic xchi'uc jteclum xch'ich'al li jun vinic ti mu'yuc smule, yu'un ta melel tacbilun tal yu'un Muc'ul Dios ti tal cal ava'yic ta jamal li c'usi chc'ot ta pasele”, xut.

Jeremías 26:2

jech i'albat: “Bat va'an aba te ta yamaq'uil ch'ulna. Scotol li c'usi chacalbote albo ya'yic scotol li achi'iltac ti chliquic tal ta lumetic ta Judá ti te chtal yich'icun ta muc' ta ch'ulna cu'une; mu me c'usi xamuc comel.

Ezequiel 21:7

C'alal me jech chasjac'boxuque: ‘¿C'u yu'un ti ep cha'oq'ue?’, me xayutoxuque, jech xatac'beic: ‘Yu'un laj ca'ay ti oy c'usi tsots chc'ot ta pasele. C'alal me la sta yoraile, scotol cristiano ta xc'unib yo'ntonic, ta xat yo'ntonic, ta x'alub yoc sc'obic. Jutuc xa sc'an xc'ot ta pasel, yu'un jech laj yal stuc li Muc'ul Diose’, uto”, xiyutun.

Amós 3:8

Me oy xlaquet jcot leone, toj xi'bal sba cha'yic. Me chic'opoj vu'un li Muc'ul Diosune, persa chalic li j'alc'opetique.

Hechos 4:19

Pero li Pedro xchi'uc Juane jech la staq'uic: —Nopo ava'yic bu junucal tsots sc'oplal ta ch'unel. Me ja' xjelov sc'oplal amantalic li vo'oxuque, me ja' yamal sc'oplal smantal li Diose.

Hechos 5:29

Itac'ov li Pedro xchi'uc xchi'iltaque: —Ja' tsots sc'oplal ba'yuc ta jch'unbecutic smantal Dios; mu ja'uc tsc'an ba'yuc ta jch'unbecutic smantal cristiano.