Jeremías 24:8 - Bible in Tzotzil de Chenalhó with Deuterocanon

⁸ “Yan li Sedequías ajvalil ta Judá, xchi'uc li banquilaletic, xchi'uc li yantic israeletic ti li' chcomic ta avosilalique xchi'uc li boch'otic chbat naquiicuc ta Egiptoe, ja' jech chquilic jech chac c'u cha'al li chopol higo ti solel mu stac' lo'ele.

Bible in Tzotzil de Chamula

⁸ “Ja'uc ti Sedequías ajvalil yu'un ti jteclum Judae, xchi'uc ti banquilaletique, xchi'uc ti jlom jnaclejetic ta Jerusalén ti comic ta lum li'e, xchi'uc ti buch'utic laj yac' sjolic naquiic ta Egiptoe, ja' jech ta xquilic jech c'u cha'al ti chopol sat icux ti mu stac' lo'el ta scoj ti mu'yuc leque.

Jeremías 24:8 Iomraidhean Croise

1 Crónicas 3:15

Li Josiase ja' Johanán sbi li sba xnich'one, li xchibale Joaquim, li yoxibale Sedequías, li xchanibale Salum.

Jeremías 13:7

Jech te libat ta uc'um Éufrates; la jtsac loq'uel li jchuque, pero c'a'em xa, me jutuc mu'yuc xa slequil.

Jeremías 21:10

Yu'un jnopoj xa o ti chcac'be tal svocol li lum li'i; mu'yuc lec c'usi chtal ta stojol. Yu'un ta ono'ox x'och ta sc'ob li ajvalil ta Babiloniae; ta xchic' ta c'oc'’, xi li Muc'ul Diose.

Jeremías 24:2

Li jun moche puru lequil higo te oy, mero sba sat ti ta ba'yuc chyijube; yan li jun moche bats'i chopolic, mu stac' lo'el o.

Jeremías 24:5

“Jech chcal vu'un li Muc'ul Diosun, vu'un li Diosun yu'un Israele: Li judaetic ti chucbil iloq'uic batel cu'un li' ta banamil ti i'ic'atic batel ta yosilal caldeaetique, ja' jech chquilic jech chac c'u cha'al li higo toj ven lequique. Mu'yuc chopol chquilic.

Jeremías 37:10

Ac'o me chatsalic scotol li soldadoetic yu'un caldeaetique, pero oy to ono'ox boch'o cuxul ta xcomic ti yayijemic xa avu'unique; ja' ta xliquic tal te ta scarpanaic, ja' chtal yac'beic sc'ac'al li lum li'i’, xi li Muc'ul Diose”, xut batel li j'almantaletic yu'un ajvalile.

Jeremías 37:17

Li ajvalil Sedequiase laj yal mantal ti ac'o yiq'uic batel te ta spasubmantal li Jeremiase. C'alal ic'ot ta stojol ajvalil li Jeremiase, li ajvalile te lic sjac'be ta mucul stuc, jech laj yalbe: —¿Me oy c'usi yaloj li Muc'ul Diose? —xut. Itac'ov li Jeremiase: —Oy. Ta ono'ox xa'och ta sc'ob li ajvalil ta Babiloniae —xut.

Jeremías 43:1

C'alal ilaj yo'nton ta yalbel xchi'iltac Jeremías li c'usitic laj yal Muc'ul Dios ta sventaique,

Jeremías 44:1

Li Jeremiase ital c'opanatuc yu'un Dios ta sventa c'usi chc'ot ta pasel ta stojol li judaetic ti te xa nacalic ta yosilal Egipto, te ta lum Migdol, Tafnes, Menfis, xchi'uc ta yosilal Patrose. Jech i'albat: