Jeremías 24:7 - Bible in Tzotzil de Chenalhó with Deuterocanon

⁷ Ta jelbe yo'ntonic, yu'un jech chlic c'otuc ta yo'ntonic ti vu'un Muc'ul Diosune. Ja' jteclumal chc'otic o, jech vu'un Diosun yu'unic ta xc'ot ec, yu'un ta sutic tal ta jtojol ta scotol yo'ntonic.

Bible in Tzotzil de Chamula

⁷ Ta xcac'be lec snopbenal yu'unic yo' jech ta xiyojtiquinic ti vu'un Ajvalilune. Ti stuquique ta xc'otic ta jteclumal, ta xic'ot ta Dios yu'unic un, ja' ti sjunul xa yo'ntonic ta sutic talel ta jtojole.

Jeremías 24:7 Iomraidhean Croise

2 Crónicas 6:38

Yu'un me ta scotol sjol yo'nton tsutes yo'ntonic ta atojol yan velta te ta banamil ti bu chucbilic batele, me chlic sc'opanicot, me tsq'uelic tal bu stuq'uil li banamil laj avac'be jmoltot jyame'cutic ta vo'onee, xchi'uc stuq'uil li lum at'ujoje, xchi'uc li ch'ulna la jpasbote,

Salmos 119:2

Xcuxet no'ox yo'ntonic li boch'otic tsc'an cha'ibeic smantaltac Muc'ul Diose, ti scotol yo'ntonic ta sa'ilanique,

Isaías 51:16

Vu'un la jlich'an batel li vinajele; vu'un la jnacan lec li banamile. Vu'un laj cac'bot ta ave noxtoc li jc'ope; vu'un la jchabiot, la jventainot lec. Vu'un noxtoc ti jech laj calbe li Sione: ‘Vo'ot jlumalot’, xcut”, xi li Muc'ul Diose.

Jeremías 11:4

Ja' li c'usi jchapanoj ono'ox ta sventaic li amoltotic c'alal la jloq'uesic tal ta Egipto banamile, ja' li lum ti xco'laj xchi'uc horno sventa yunijesbil taq'uine. Jech laj calbeic: A'ibicun li jc'ope, ch'unic li c'usi chacalboxuque; pasic me scotol, jech jteclumaloxuc chac'otic o, jech vu'un Diosun chic'ot o avu'unic ec.

Jeremías 29:10

“Jech yaloj li Muc'ul Diose: ‘C'alal me its'aqui li lajuneb xchanvinic (70) jabil te ta Babiloniae, ta xlic jcoltaoxuc, ta xcac' c'otuc ta pasel li jc'op ti laj cal ti chaquic'oxuc sutel tal li' ta banamile.

Jeremías 3:10

C'alal jech la spas li jbajmantal Judae, muc xa ta scotoluc sjol yo'nton isut tal ta jtojol. La scuy sba no'ox, spasel no'ox yu'un. Vu'un jtuc Muc'ul Diosun ti jech chcale”, xiyutun.

Jeremías 30:22

Vu'un Diosun yu'unic chic'ot; ja' jnich'nab chc'otic ec”, xi li Muc'ul Diose.

Jeremías 7:23

Ja' no'ox jech laj calbeic chac li'i: Ch'unic me li c'usi chacalboxuque, jech vu'un Diosun o avu'unic, jech vo'oxuc jteclumaloxuc o chac'otic ec. Ja' me pasic scotol li c'usi laj calboxuque yu'un jech lec chabatic, xcutic.

Ezequiel 11:17

Jech xavalbe noxtoc: ‘Jech chal li Muc'ul Diose: Vu'un ta xlic quiq'uic sutel tal ta yantic lum ti bu la jpuquic batele; ta jtsobic sutel tal scotol; ta xvul cac'beic yan velta li yosilal Israele.

Ezequiel 14:11

yu'un jech mu teuc ta xch'ayilanic o ta be li smomnich'nab Israele, xchi'uc jech mu teuc tsbolibtas sbaic o ta scoj li smulique. Jech ja' jteclumal chc'otic o, vu'un Diosun yu'unic chic'ot”, xi li Muc'ul Diose, ja' li Cajvaltique.

Ezequiel 16:62

Ta sventa ti j'ech'el chcac' c'otuc o ta pasel ta atojol li c'usi jchapanoje, jech chlic ana' ti vu'un Muc'ul Diosune.

Ezequiel 37:23

Mu'yuc xa chlic sbolibtas sbaic ta yich'el ta muc' li sloc'obaltac sdiosique; mu'yuc xa chlic spasic scotol li c'usitic yan chopole. Vu'un ta jcoltaic ta sventa scotol li smulique, ta jpocbeic loq'uel scotol li xchopolilique. Ja' jteclumal chc'otic o, vu'un Diosun yu'unic chic'ot ec.

Ezequiel 37:27

Te chinaqui o ta stojolic; vu'un Diosun yu'unic chic'ot, ja' jteclumal chc'otic o ec.

Ezequiel 39:22

Ta sc'ac'alil le'e ja' yorail chlic sna'ic o batel scotol israeletic ti vu'un Muc'ul Diosun yu'unique.

Oseas 2:22

Li banamile ta stac'be sc'op ec li trigo; li ya'lel ts'usub xchi'uc li aceitee jech ta stac'beic sc'op ec li Jezreele.

Zacarías 13:9

Li boch'o cuxul to chcomique ta jtic' ta c'oc'. Ta xcunijes jech chac c'u cha'al saquil taq'uin; ta jchic'be loq'uel yic'ubal ta c'oc' jech chac c'u cha'al chich' lecubtasel c'anal taq'uin. Ta xlic sc'anbicun vocol ta jtojol, jech ta xca'ibe sc'opic ec. Jech chcalbeic: ‘Vo'oxuc jteclumaloxuc’, xcut. Jech chiyalbicun ec: ‘Vo'ot Muc'ul Diosot cu'uncutic’, xiic”, xi li Diose.

Zacarías 8:8

Ta xlic quiq'uic tal ta Jerusalén; te ta xvul naquiicuc. Ja' jteclumal ta xc'otic, jech vu'un Diosun yu'unic chic'ot. Jun co'nton o ta stojolic; tuc' c'usi ta jpas ta stojolic”, xi li Diose.

Romanos 6:17

Pero coliyal li Diose, ac'o me smozooxuc to'ox li mulile, pero ta sventa ti laj ach'unic ta scotol avo'ntonic li sc'op Dios la'albatique,

Hebreos 11:16

Pero mu jechuc, yu'un ja' la sc'anic ti bu toj leque, ja' li vinajele. Ja' yu'un li Diose mu xq'uexov ti “vu'un Diosun yu'unic” xie, yu'un smeltsanoj xa li jun muc'ta lum bu chac' naquiicuque.

Hebreos 8:10

Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque; ta jts'ibabe ta yo'ntonic. Vu'un Diosun yu'unic chic'ot; ja' jteclumal chc'otic o ec.

1 Samuel 7:3

Ja' yu'un li Samuele jech laj yalbe scotol li israeletique: “Me ta melel scotol avo'nton chasutic tal yan velta ta stojol li Muc'ul Diose, loq'uesic ta atojolic li yantic diosetic avu'unique xchi'uc li sloc'obaltac Astarote. Ja' no'ox ac'o avo'ntonic ta stojol li Muc'ul Diose; ja' no'ox stuc xavich'ic ta muc', jech chascoltaoxuc loq'uel ta sc'ob li filistaetique”, xut.