Jeremías 24:5 - Bible in Tzotzil de Chenalhó with Deuterocanon

⁵ “Jech chcal vu'un li Muc'ul Diosun, vu'un li Diosun yu'un Israele: Li judaetic ti chucbil iloq'uic batel cu'un li' ta banamil ti i'ic'atic batel ta yosilal caldeaetique, ja' jech chquilic jech chac c'u cha'al li higo toj ven lequique. Mu'yuc chopol chquilic.

Bible in Tzotzil de Chamula

⁵ “Ti vu'un Ajvalilune, Diosun yu'un ti Israele, xi ta xcal ava'ie: Jech c'u cha'al jun lequil sat icux ta xquil steclumal ti Judae, ti laj cal mantal ti bec'bil loq'uicuc ti bat c'alal to muc' ta lum yu'un ti caldeoetique. Staojic ti lec xquilique.

Jeremías 24:5 Iomraidhean Croise

Salmos 119:67

C'alal mu'yuc to'ox chquich' bic'tajesel ta scoj vocole, ch'ayemun to'ox ta be, pero li' ta orae ja' xa ta jch'un li ac'ope.

Salmos 119:71

Toj lec ti jech libic'tajesat ta scoj vocole, yu'un jech la jchan lec li amantaltaque.

Jeremías 24:4

Jech laj yalbun noxtoc li Muc'ul Diose:

Jeremías 29:11

Vu'un jna'oj jtuc li c'usi chapal cu'un ta aventaique; chapal cu'un sventa alequilalic, ma'uc sventa avocolic. Ts'acal chacac'boxuc li c'usi amalaojic ono'oxe.

Jeremías 29:20

Ja' yu'un vo'oxuc ti la jloq'uesoxuc batel li' ta Jerusalén ti la jtacoxuc batel ta Babiloniae, ich'ic ta muc' li c'usi chcale’, xi li Muc'ul Diose.

Jeremías 29:4

Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chayalboxuc: “Acotolic vo'oxuc ti la jloq'uesoxuc batel li' ta Jerusalén ti laj cac'oxuc batel ta chuquel ta Babiloniae, jech chacalboxuc:

Ezequiel 11:17

Jech xavalbe noxtoc: ‘Jech chal li Muc'ul Diose: Vu'un ta xlic quiq'uic sutel tal ta yantic lum ti bu la jpuquic batele; ta jtsobic sutel tal scotol; ta xvul cac'beic yan velta li yosilal Israele.

Ezequiel 11:20

Yu'un jech xu' chlic xch'unic li c'usitic caloje, jech xu' chlic spasic li mantaletic cu'une, jech xu' chc'ot ta pasel yu'unic scotol. Ja' jteclumal chc'otic o, vu'un Diosun yu'unic chic'ot.

Levítico 26:44

“Ac'o me jech chc'ot ta pasel, ac'o me te oyoxuc ta yosilal li avajcontraique, muc j'ech'eluc ta jipoxuc o ta co'nton, xchi'uc muc j'ech'eluc ta jbajoxuc o, mu'yuc ta xculesoxuc o ta jyalel, yu'un mu xcac' ch'ayuc c'usi la jchapan jchi'uc li amoltotic ta vo'one, vu'un li Muc'ul Diosun avu'unique.

Nahúm 1:7

Li Muc'ul Diose toj lec yo'nton. Ja' stsatsal co'ntontic ti c'alal yorail oy tsots jvocoltique; ja' chchabi li boch'o ja' spatoj yo'ntonic ta stojole.

Zacarías 13:9

Li boch'o cuxul to chcomique ta jtic' ta c'oc'. Ta xcunijes jech chac c'u cha'al saquil taq'uin; ta jchic'be loq'uel yic'ubal ta c'oc' jech chac c'u cha'al chich' lecubtasel c'anal taq'uin. Ta xlic sc'anbicun vocol ta jtojol, jech ta xca'ibe sc'opic ec. Jech chcalbeic: ‘Vo'oxuc jteclumaloxuc’, xcut. Jech chiyalbicun ec: ‘Vo'ot Muc'ul Diosot cu'uncutic’, xiic”, xi li Diose.

San Mateo 25:12

Jech itac'batic: ‘Melel li c'usi chacalboxuque, mu xacotquinoxuc’, x'utatic.

San Juan 10:27

Li jchijtaque cha'ibicun li jc'ope xchi'uc xcotquinan, jech chists'aclinicun batel.

Romanos 8:28

Ja' yu'un, scotol li boch'otic sc'anojic Diose, ti ic'bilic ta sventa ti jech oy ta yo'nton stuque, ta jna'tic ti ja' sventa slequilalic scotol li c'usi chc'ot ta pasele.

1 Corintios 8:3

Li boch'o sc'anoj Diose x'otquinat lec yu'un li Diose.

Gálatas 4:9

Pero li' ta orae laj xa avotquinic li Diose, o ja' lec chcal ti xayotquinoxuc xa li Diose. ¿C'u yu'un ti chac'an chbat atamic ta be yan velta li c'usi mu xcoltavane, ti altic no'oxe? ¿Me yu'un chac'an chasmozoinoxuc yan velta noxtoc?

Deuteronomio 8:16

Xchi'uc ja' laj yac' manavaj ave'ic te ta xocol banamil ti mu xavotquinique, me ja'uc li amoltotaquic ta vo'onee mu xotquinic ec. Yu'un tsc'an ti ac'o bic'tajanique xchi'uc tsc'an tsq'uelboxuc c'u x'elan avo'ntonic ta stojol, pero ja' sventa alequilalic ic'ot ta ts'acal.

2 Timoteo 2:19

Ac'o me tsc'anic ac'o chibajuc yo'nton li boch'otic xch'unojique, pero jbel sc'oplal c'usi yaloj li Diose. Jech ts'ibabil: “Li Cajvaltique xotquin li boch'otic yu'untaque”, xi. Jech ts'ibabil noxtoc: “Scotol li boch'otic yich'ojic ta muc' Cajvaltique, ta xcom yu'unic c'usitic chopol”, xi ts'ibabil.

Apocalipsis 3:19

Li boch'otic lec jc'anoje ta jtaq'ui, ta xcac'be nucul. Tsotsanic me cha'e; suteso me avo'ntonic.