Jeremías 24:3 - Bible in Tzotzil de Chenalhó with Deuterocanon

³ Li Muc'ul Diose jech laj yalbun: “¿C'usi chavil, Jeremías?”, xiyutun. Jech la jtac'be: “Higoetic, bats'i lequic ta jyalel; pero oy toj chopolic ta jyalel; solel mu stac' lo'el o”, xcut.

Bible in Tzotzil de Chamula

³ Va'i un, ti Diose xi laj sjac'bune: “Jeremías, ¿c'usi laj avil?” Xichi laj jtac'bee: “Icux ta xquil. Ti bu lequique, jun yutsil ta j'ech'el. Yan ti xchopolile, spajeb mu'yuc lec, mi ja'uc xal o'ntonal ta lajesel.”

Jeremías 24:3 Iomraidhean Croise

Jeremías 24:4

Jech laj yalbun noxtoc li Muc'ul Diose:

Jeremías 29:17

‘Jech chal li Muc'ul Dios ti tspas ta mantal scotol te ta vinajele: Ta jtacbeic tal muc'ta c'op, vi'nal, xchi'uc tsatsal chamel. Ja' jech ta jcomtsanic jech chac c'u cha'al higo ti c'a'em, ti mu stac' lo'el oe.

Amós 7:8

Jech la sjac'bun: —Amós, ¿c'usi chavil? —xiyutun. —Ta xquil jun plomo sventa yabtejeb alvanil —xcut. Jech laj yalbun: —A'yo ava'ay, vu'un ta xcac'be plomo li smomnich'nab Israele yu'un jech chvinaj ti mu'yuc xa tuc' jech chac c'u cha'al pac'bel na mu'yuc tuq'ue; mu xa xu' cu'un ta jts'icbeic.

Amós 8:2

Jech laj yalbun: —Amós, ¿c'usi chavil? —xiyutun. —Ta xquil jun moch noj ta sat te'etic, lec xa yijic —xcut. Jech laj yalbun: —Ja' jechic li israeletique, iyijubic xa. Ic'ot xa sc'ac'alilic; mu xa xu' cu'un ta jts'icbeic.

Zacarías 4:2

Jech la sjac'bun: “¿C'usi chavil?”, xiyutun. Jech la jtac'be: “Ta xquil jun candelero pasbil ta bats'i c'anal taq'uin, xchi'uc jun yav aceite ta sjol, xchi'uc vucub scandilaltac, xchi'uc vucxol sbe aceite ta sventa li slusaltaque.

Zacarías 5:2

Li j'almantale jech la sjac'bun: “¿C'usi chavil?”, xiyutun. Jech la jtac'be: “Ta xquil jun balbil vun li' xvilet tal. Ja' baluneb metro snatil; ja' o'lol yo'bal metro sjamalil”, xcut.

1 Samuel 9:9

(Li israeletic ta vo'one c'alal oy c'usi chbat sjaq'uic ta stojol Diose, jech chalic: “Bat jq'ueltic li bijil vinique”, xiic. Yu'un ta vo'onee “bijil vinic”, xi sbi yu'unic li j'alc'op li' ta orae.)