Jeremías 24:2 - Bible in Tzotzil de Chenalhó with Deuterocanon

² Li jun moche puru lequil higo te oy, mero sba sat ti ta ba'yuc chyijube; yan li jun moche bats'i chopolic, mu stac' lo'el o.

Bible in Tzotzil de Chamula

² Ti jun moche, lequil sat icux tiq'uil ti yich'oj xa lec sta'ajemale. Yan ti june, naca chopol icuxetic tiq'uil, spajeb chopol, mi ja'uc xal o'ntonal ta slajesel.

Jeremías 24:2 Iomraidhean Croise

Isaías 5:4

¿Me oy to c'usi yan lec tsc'an ta jpas xana'ic ta ts'usubtic cu'une? ¿Me oy c'usi mu'yuc lec la jpas chava'yic li vu'une? Li vu'une la jmala ti ac'o yac' chi'ic sate, pero ¿c'u yu'un ti puru pojic isatine?

Isaías 5:7

Li ts'usubtic yu'un Muc'ul Dios ti ech'em svu'ele, ja' li smomnich'nab Israele; ja' li jnaclumetic ta Judae, yu'un ja' la sts'un stuc, toj lec sc'anoj. La smala ti ac'o ch'unbatuc smantaltaque, pero puru milvanej no'ox la spasic; la smala ti ac'o spasic c'usi tuq'ue, pero puru oq'uel avanel no'ox ivinaj ta scojic.

Jeremías 29:17

‘Jech chal li Muc'ul Dios ti tspas ta mantal scotol te ta vinajele: Ta jtacbeic tal muc'ta c'op, vi'nal, xchi'uc tsatsal chamel. Ja' jech ta jcomtsanic jech chac c'u cha'al higo ti c'a'em, ti mu stac' lo'el oe.

Oseas 9:10

Jech chal li Diose: “C'alal la jta li Israel ta vo'onee, toj xcuxet no'ox co'nton, jech chac c'u cha'al boch'o tsta sat ts'usub ta xocol banamil. Li amoltotaquic ta vo'onee ja' jech laj quilic jech chac c'u cha'al sba sat higo ti ba'yuc chyijube. Pero c'alal ibatic ta stojol Baal-Peore, laj yac' sbaic o ta q'uexlal ta stojol li c'usi mu'yuc stue. Toj chopol laj quilic o, jech chac c'u cha'al li c'usitic laj yich'ic ta muq'ue.

Miqueas 7:1

Ay, toj abul jba, yu'un ja' jechun jech chac c'u cha'al boch'o chbat xc'uxc'ulta li c'usi tulbil xae, ti chbat to sq'uel me oy to tsta li ts'usub ti c'alal tulbil xa'ox sat, ti c'alal pits'bil xa'ox ya'lele, pero mu'yuc xa jta jchojuc; me jbejuc sba sat ti ja' tsc'an co'ntone mu'yuc la jta.

Nahúm 3:12

Li tsatsal coraltonetic avu'une ja' jech chc'ot jech chac c'u cha'al yunin sat higo; ti xlilet no'ox yalel me laj yich' lilinele.

Números 18:13

Scotol li sba sat c'usi chloc' yu'unic achi'iltac ti chiyac'bicun jmotonine, ja' avu'unic. Boch'ouc no'ox avalab anich'nab ti lecubtasbilique xu' tsve'ic.

San Mateo 5:13

“Li vo'oxuque xco'laj xchi'uc ats'am c'otemoxuc. Pero me ch'ayem xa xchi'il li ats'ame, ¿me xu' to ta xchi'um yan velta? Mu'yuc xa stu o. Ja' xa no'ox ta xich' jipel batel, te chlaj ta pech'el ta teq'uel yu'un li cristianoetique.