Jeremías 24:1 - Bible in Tzotzil de Chenalhó with Deuterocanon

¹ C'alal chucbil xa'ox batel ta Babilonia yu'un ajvalil Nabucodonosor li Jeconías ajvalil ta Judá xnich'on Joaquime, xchi'uc li banquilaletic te ta Judae, xchi'uc li boch'otic oy lec sbijilic ta abtele xchi'uc li jtentaq'uinetique, li Muc'ul Diose laj yac'bun quil chib moch higo, te ac'bil ta stuq'uil ti'ch'ulna yu'un Muc'ul Dios.

Bible in Tzotzil de Chamula

¹ Ta ts'acal to, c'alal bec'bil xa ox batic ta chuquel yu'un Nabucodonosor ajvalil yu'un ti Babiloniae, ti Jeconías xnich'on ti Joacim ajvalil yu'un ti Judae, ti jmoj volbil loq'uic xchi'uc ti banquilaletic yu'un ti Judae, ti buch'utic sna' xabtelanic ep ta tos abtele, xchi'uc ti jten-taq'uinetique, ja' ti Dios une laj yac'bun quil noj ta icux chib mochetic ti oy ta ch'ulnae.

Jeremías 24:1 Iomraidhean Croise

2 Reyes 24:10

Ja'o yorail ital li svinictac ajvalil Nabucodonosor ta Babiloniae; c'ot setuic li Jerusalene.

2 Crónicas 36:10

C'alal yorail q'uepelaltic ta jabil le'e, li ajvalil Nabucodonosore laj yal mantal ti ac'o yiq'uic batel ta Babilonia li Joaquine xchi'uc scotol li c'usitic chtun te ta ch'ulna yu'un Muc'ul Dios ti toyolic stojole. Ja' la stic' ta ajvalilal ta Judá xchi'uc ta Jerusalén li Sedequías yuts' yalal Joaquine.

Isaías 13:1

Li Isaías xnich'on Amoze laj yalbe sc'oplal c'usi chc'ot ta pasel ta stojol li Babiloniae, yu'un jech i'ac'bat sna' yu'un li Diose. Jech laj yal:

Jeremías 13:19

Li lumetic ta Negueve setubilic xa; mu'yuc xa boch'o xu' chjelovic te. Scotol li judaetique ibatic xa ta yan banamil; chucbil ibatic, mu'yuc boch'o icom o.

Jeremías 27:20

ti mu'yuc laj yich' batel li Nabucodonosor c'alal la xchuc batel ta Babilonia li ajvalil ta Judae, ja' li Jeconías xnich'on Joacime, xchi'uc scotol li boch'otic ich'bilic ta muc' ta Judá xchi'uc ta Jerusalene.

Jeremías 28:4

Jech noxtoc ta xcac' suticuc tal li' ta banamil li Sedequías ajvalil ta Judá xnich'on Joaquime xchi'uc yantic achi'iltaquic ti co'ol chucbil ibatic ta Babiloniae, yu'un vu'un ta jc'asbe li yabtejeb vacax yu'un ajvalil Nabucodonosore’, xi li Muc'ul Diose —xi.

Jeremías 29:1

C'alal chucbilic xa'ox batel ta yan banamil li ajvalil Jeconías xchi'uc sme', xchi'uc j'abteletic yu'un, xchi'uc li banquilaletic ta Judá xchi'uc ta Jerusalene, xchi'uc li boch'otic oy lec sbijilic ta spasel c'usiuc no'oxe, xchi'uc li jtentaq'uinetique, li Jeremiase lic spas carta te ta Jerusalén yu'un tstac batel c'alal to ta Babilonia ta stojol li moletic, li paleetic, li j'alc'opetic xchi'uc li yantic judaetic ti te to cuxajtic ti c'alal ay yich'ic iq'uel batel ta Babilonia yu'un li ajvalil Nabucodonosore.

Jeremías 37:1

Li Nabucodonosor ajvalil ta Babiloniae la stic' ta ajvalilal ta Judá li Sedequías xnich'on Josiase; ja' la xq'uexolin li Jeconías xnich'on Joacime.

Ezequiel 17:4

Li sni' la sc'oc batele la slic batel ta yosilal jmanulajel jchonolajeletic; te c'ot sts'un ta slumal li jchonolajeletique.

Ezequiel 19:9

La xjochic batel ta xotxot taq'uin; la stiq'uic ta xchajchajtaq'uinal; laj yiq'uic batel ta stojol ajvalil ta Babilonia. C'ot sbajic lec ta snail, yu'un jech mu me xvinaj batel ta vitsetic ta yosilal Israel ti c'alal ch-avane.

Amós 3:7

Vu'un li Muc'ul Diosune, mu'yuc c'usi ta jpas ti me mu xcac'be sna' ba'yuc c'usi oy ta co'nton li j'alc'opetic cu'une.

Amós 7:1

A'yo ava'yic c'usi laj yac'bun quil ta jch'ulel li Cajvaltic, ja' li Muc'ul Diose: C'alal sbojoj xa'ox loq'uel sve'el xvacax li ajvalile ipul tal yan velta li ts'i'laltique, li Diose ja'o laj yac' ayinuc epal c'ulubetic.

Amós 7:4

Jech laj yac'bun quil ta jch'ulel noxtoc li Muc'ul Diose: Laj quil la stac tal tsatsal c'oc' sventa stojol mulil. Laj yules scotol li muc'ta nabe xchi'uc ic'ac' c'uuc smuc'ul li banamile.

Amós 7:7

Li Muc'ul Diose oy c'usi yan laj yac'bun quil noxtoc: Te va'al ta sts'el pac'benal na, yich'oj jun plomo sventa yabtejeb alvanil.

Zacarías 1:20

Li Muc'ul Diose laj yac'bun quil noxtoc chanib jtentaq'uinetic.

Zacarías 3:1

Li Diose laj yac'bun quil ta jch'ulel li banquilal pale Josuee te va'al ta stojol yaj'almantal Dios; jech ec li banquilal pucuje te va'al ta sbats'ic'ob li Josuee, yu'un ta stic'be smul.