Jeremías 23:8 - Bible in Tzotzil de Chenalhó with Deuterocanon

⁸ Ja' xa jech chavalic: ‘Ja' ta sventa Muc'ul Dios iloq'uesatic tal ta norte banamil xchi'uc ta yantic lumetic ti bu laj yich'ic puquel batel li israeletique’, xachiic. Jech te chlic naquiicuc ta yosilal stuquic”, xi li Muc'ul Diose.

Bible in Tzotzil de Chamula

⁸ Le'e, c'ajomal xi ta xlic sva'an sbaic ta yalele: ‘Ta sventa cuxul ti Dios ti laj stsob talel snitilultac ti Israel ti tanijemic batel ta jteclum ti oy ta stuq'uil yolon ti yolon xocon sloq'ueb c'ac'ale, xchi'uc ta yan jteclumetic ti tanijemic batel yu'une.’ Le' tana une, ta xlic nacliuc ta yosil sbanomil stuquic.”

Jeremías 23:8 Iomraidhean Croise

Ezequiel 34:13

Ta xquiq'uic loq'uel tal ta yantic lumetic; ta jtsobic sutel tal ta yantic banamil ti bu spucoj sbaic batele. Ta xquiq'uic sutel tal ta yosilal stuquic, te ta xvul cac' ve'icuc ta vitsetic yu'un Israel xchi'uc ta bebevo'tic xchi'uc ta scotol yosilalic ti bu oy yajvale.

Sofonías 3:20

Me la sta li sc'ac'alil le'e, ta xquic'oxuc sutel tal, ta jtsoboxuc sutel tal; ta xcac' pucuc ac'oplalic, ta xcac'oxuc ta ich'el ta muc' ta stojol scotol cristianoetic ta banamil, chavil ta asatic chacac'boxuc yan velta li alequilalique”, xi li Muc'ul Diose.

Ezequiel 39:28

C'alal me laj xa'ox jloq'uesic tal ta yantic banamil ti bu chucbil ibatic cu'une, me laj xa'ox quiq'uic tal ta yosilalique, me mu xa junuc la jcomtsanic ta yantic banamile, jech chlic sna'ic o ti vu'un Muc'ul Diosun yu'unique.

Ezequiel 37:25

Te chlic naquiicuc o ta yosilalic ti bu laj ono'ox cac'be li cajtunel Jacob ta vo'onee, ja' ti bu inaquiic li amoltot ayame'ique. Te chlic naquiicuc o xchi'uc xnich'nabic xchi'uc smomnich'nabtaquic. Ja' banquilal chc'ot o yu'unic li smomnich'on cajtunel Davide.

Ezequiel 36:24

Vu'un jtuc ta xquic'oxuc loq'uel tal te ta stojolic; ta jtsoboxuc loq'uel tal ta yantic lum, ta yantic banamil. Ta xquic'oxuc sutel tal ta avosilalic.

Jeremías 23:3

Vu'un jtuc ta jtsob sutel tal scomelal jchijtac te ta yantic banamil ti bu laj caq'uic batele, yu'un ta xcac' suticuc tal ti bu ono'ox nacalique; te chlic ch'iicuc, te chlic bolicuc.

Isaías 14:1

Ta melel, li Muc'ul Diose c'ux ta yo'nton o li Jacobe. Staoj yav t'ujbil o yu'un li Israele. Jech ta xac' suticuc tal ta naclej ta yosilalic li israeletique. Li yantic lumetique ta xnopaj tal ta stojolic; jun chc'otic xchi'uc li yalab xnich'nab Jacobe.

Jeremías 8:3

Ti c'u to yepal cuxul chcomic li chopol cristianoetic le'e, mu xa sc'an ti cuxulique, ja' xa no'ox tsc'an xchamel slajelic te ta banamil ti buyuc no'ox ta jpuquic batele. Vu'un chcal jtuc, vu'un li Muc'ul Diosun ti ta jpas ta mantal scotol te ta vinajele”, xi.

Jeremías 16:15

Ja' xa no'ox jech chavalic: ‘Ja' ta sventa stsatsal Muc'ul Dios iloq'uic tal ta norte banamil ta yantic banamil yo' bu laj to'ox yich'ic puquel batel li smomnich'nab Israele’, xachiic. Yu'un ta to xquiq'uic sutel ta yosilalic ti bu cac'ojbeic ono'ox li amoltot ayame'ic ta vo'onee.

Jeremías 29:14

Ta xcac' ac'o ataicun, yu'un ta xcac' sutanic tal ti bu chucbiloxuc batele. Ta jtsoboxuc sutel tal ti buyuc no'ox la jpucoxuc batel ta yantic lum xchi'uc ta yantic banamile; te ta xvul cac'oxuc ti bu ono'ox laloq'uic batel cu'une’, xi li Diose.

Jeremías 30:3

Ta to sta sc'ac'alil ta xquic' sutel tal ta Israel xchi'uc ta Judá li jteclumale. Li' ta xquic' tal li' ta banamil yo' bu laj ono'ox cac'beic li amoltot ayame'ic ta vo'onee, jech ta xlic sc'upinic li osil li'i”, xiyutun.

Jeremías 30:10

“Jech chcal vu'un li Muc'ul Diosune: Smomnich'nab cajtunel Jacob, mu xavat avo'ntonic; smomnich'nab Israel, mu xaxi'ic. Yu'un vu'un ta jcoltaoxuc loq'uel tal achi'uc amomnich'nabic te ta namal banamil ti bu chucbiloxuc batele. Ta to xtal acux avo'ntonic li'i; jun avo'ntonic li' chanaquiic, mu'yuc boch'o xu' chtal sibtasoxuc.

Jeremías 31:8

A'yo ava'yic, ta to xquiq'uic loq'uel tal te ta banamil ta norte; ta xlic jtsobic tal c'alal to ta jujujot sti'il banamil. Jmoj chtal xchi'uquic li ma'satetique, li coxoetique, li antsetic ti oy xch'utique xchi'uc li boch'otic xcuxojic xae. Jmoj ep stsobetic tsutic tal.

Jeremías 32:37

A'yo ava'ay, ta to xlic jtsobic sutel tal ta scotol banamil ti bu la jpuquic batel ta scoj li sc'ac'al co'nton ti toj xi'bal sbae. Ta xquiq'uic sutel tal li' ta banamil, jun yo'ntonic li' ta xcac' naquiicuc yan velta.

Ezequiel 28:25

“Jech chcal vu'un li Muc'ul Diosun, vu'un li Avajvalicune: Ta xlic jtsob tal scotol li israeletic ti spucoj sbaic batel ta yantic banamile. Ja' ta sventaic ta xcac' ta ilel ta stojol yantic banamil ti vu'un Ch'ul Diosune. Ta xtal naquiicuc yan velta ta yosilalic ti bu laj ono'ox cac'be ta vo'one li cajtunel Jacobe.

Joel 3:7

A'yo ava'yic, vu'un ta xlic quiq'uic sutel tal ti bu laj achonic batele; ta xcac'boxuc atojic ec ti c'u x'elan laj apasique.

Isaías 11:11

C'alal me la sta sc'ac'alile, li Muc'ul Diose chlic stsob tal yan velta li steclumal ti c'u to yepal te comenic ta Asiria, ta Egipto, ta Patros, ta Etiopía, ta Elam, ta Sinar, ta Hamat, xchi'uc ta lumetic ta ti'ti' nabe.

Jeremías 16:14

Jech laj yalbun noxtoc li Muc'ul Diose: “Ta to xlaj sc'oplal ti jech chavalique: ‘Ja' ta sventa stsatsal Muc'ul Dios iloq'uic tal ta Egipto banamil li jmoltot jyame'tique’, ti xachiique.

Ezequiel 36:35

Ts'acal jech chlic yalic: Li banamil li'i yavnaijem to'ox, pero tana xco'laj xa xchi'uc ts'unubaltic ta Edén yilel. Li lumetic li'i soquemic to'ox, yavnaijemic to'ox; solel jeche' xch'ijan comenic, pero tana oy xa lec yajval, setbilic xa lec ta tsatsal coralton, xiic.

Miqueas 7:15

Ac'bo yilic sq'uelubiltac atsatsal, jech chac c'u cha'al laj apasbe c'alal laloq'ues tal ta Egiptoe.