Jeremías 23:5 - Bible in Tzotzil de Chenalhó with Deuterocanon

⁵ Li Muc'ul Diose jech chal: “Ta to sta sc'ac'alil ta xcac' loc'uc jun sq'uelum David ti lec tuc' yo'ntone; ja' ta xlic ochuc ta ajvalilal. Ta sventa sbijil ta xlic spas mantal; lec tuc' ta xlic chapanvanuc li' ta banamil.

Bible in Tzotzil de Chamula

⁵ Xi ta xal ta jamal ti Diose: “Ta xc'ot ta pasel ti oy bu ta xvul ta loq'uel cu'un junuc sbats'i nitilul ti Davide, jun ajvalil ti oy sbijil ta xventainvane, ti xchiquintaj yu'un smelol ti chapanvaneje, ti oy stuq'uilal ta sbainel ti jteclume.

Jeremías 23:5 Iomraidhean Croise

2 Samuel 23:3

Li Dios yu'un Israele ic'opoj; li Jchabivanej yu'un Israele jech laj yalbun: ‘Li boch'o tuc' chchapan cristianoetique, li boch'o ta sventa Dios chventainvane,

Salmos 45:4

Ta sventauc xa no'ox alequil avutsil xapas canal. Ac'o vu'uc avu'un ta sventa ti puru melel c'usi oy ta avo'ntone, xchi'uc ta sventa ti biq'uit avac'oj abae xchi'uc ti tuc' c'usi chapase; ac'o vu'uc avu'un xapas c'usi toj xi'balic sba.

Salmos 80:15

ja' li sts'unben abats'ic'obe xchi'uc li sq'uelumtac ti vo'ot laj avac' ch'iuque.

Salmos 99:4

Muc'ul Dios, vo'ot li muc'ul Ajvalilote, toj ech'em avu'el. Ja' chac'an li c'usitic tuq'ue; vo'ot laj avac' li c'usitic tuq'ue; lec tuc', oy lec smelol c'usi laj apas ta stojol li smomnich'nabtac Jacobe.

Isaías 33:5

Ich'bil ta muc' li Muc'ul Diose yu'un te nacal ta toyol, yu'un ja' tsnojes ta c'usitic lec, ta c'usitic tuc' li Sione.

Isaías 4:2

Me la sta yoraile, li Muc'ul Diose ta xac' q'uelumajuc li sts'unube. Li sq'uelume ja' slequilal, yutsilalic chc'ot li israeletic ti cuxajtic to chcomique. Li sat c'usitic chloc' yu'unique ja' yich'elic ta muc' chc'ot.

Isaías 42:6

“Vu'un li Muc'ul Diosune, vu'un laj quic'ot, la jtsacbot lec ta ac'ob. Vu'un la jpasot, vu'un la jt'ujot sventa chacom ta sventainel li c'usi chapanbil cu'une. Vo'ot luz chac'ot yu'un li jujun lume.

Isaías 45:24

Jech chlic yalic ta jtojol: ‘Ja' no'ox ta sventa Muc'ul Dios ta jtatic coltael, ta jtatic c'uxubinel’, xiic. Li boch'otic chopol yo'ntonic ta jtojole, j'ech'el tsalbil chcomic o.

Isaías 52:13

Li cajtunele lec chbat yu'un scotol; ich'bil ta muc', lec muc' sc'oplal chc'ot.

Isaías 53:10

Li Muc'ul Diose jech la sc'an ti laj yac' ta uts'intaele, ti laj yac'be xcuch scotol vocole. Ta sventa ti ivu' yu'un laj yac' sba ta milbil matanal sventa mulile, jech ta to xil noxtoc c'u to yepal chbol li yu'untaque, ta xnatub lec yorail. Li c'usi chapanbil yu'un Muc'ul Diose, chc'ot ta pasel.

Isaías 53:2

Li Yajtunel Diose ich'i ta stojol Muc'ul Dios jech chac c'u cha'al q'uelum te'; laj yac' lec yibel ta taqui banamil, ma'uc toj c'upil sba, ma'uc toj yan xa o ta q'uelel, ma'uc yu'un xch'ay xa co'ntontic yu'un.

Isaías 9:5

Li snatil xonobic soldadoetic slapojic tal ta pasc'op ti xpojlajet no'ox tal yu'unique, xchi'uc li sc'u'ic bonajtic ta ch'ich'e, chich' chiq'uel, chich' ulesel o ta c'oc'.

Isaías 9:6

Yu'un ivoc' jun querem ta jtojoltic; lij'ac'bat jun nich'onil. Ja' ac'bil tsots yabtel sventa tspas mantal; ja' jech sbi ch-ac'bat: Ech'em Yutsil, Jbijubtasvanej, Tsatsal Dios, Totil Sbatel Osil, J'ac'-Jun-O'ntonal, xi sbi chc'ot.

Isaías 9:7

Li yabtel ta muc'ta ajvalilale, xchi'uc ti chac' jun o'ntonale mu'yuc spajeb o. Ja' chlic chotluc ta xchotleb li ajvalil Davide; ja' chlic sventain scotol. J'ech'el lec nacal chcom o, tsmeltsan lec scotol; chchapan lec, tstuq'uibtas lec, jech tspas li' ta ora xchi'uc c'alal to ta sbatel osil. Ja' jech tspas ta sventa ti bats'i lec yo'nton li Muc'ul Dios ti tspas ta mantal scotol te ta vinajele.

Jeremías 22:15

¿Me chanop ti ja' toj lec muc'ta ajvalilot, ti lec xa pixbil ta ch'ut te'etic anae? Li atote ¿me muc xve', me mu xuch' lec vo' ec ti c'alal li' cuxule? Li stuque lec tuc' la spas yabtel; lec c'usitic la spas, jech lec ibat.

Jeremías 22:3

Jech ta xal: Lec me tuc' xachapanvanic li' ta avosilalique; tuc' c'usitic xapasic. Coltaic loq'uel ta sc'ob j'uts'intavanejetic li boch'otic uts'intabilique. Mu me xalo'laic; mu xavelc'anbeic c'usi oy yu'un li yanlumetique, li me'on ololetique, xchi'uc li me'on antsetique. Mu me xamalbeic xch'ich'al li boch'otic mu'yuc smulique.

Jeremías 22:30

Jech chal li Muc'ul Diose: “Tsacbeic ta vun sbi li vinic li'i, jech chac c'u cha'al jun vinic ti mu'yuc xnich'one, ti mu'yuc c'usi lec tsta o ti jayib c'ac'al cuxule. Yu'un me junuc smomnich'on mu'yuc ta xchoti o ta xchotleb li ajvalil Davide; mu'yuc bu chlic spas ta mantal li Judaetique”, xi li Muc'ul Diose.

Jeremías 23:6

C'alal ja'o tiq'uil ta pasmantale, li Judae lec jun yo'nton; li Israele mu'yuc c'usi chal yo'nton. Ja' jech sbi chc'ot yu'unic: ‘Li Muc'ul Diose ja' tuq'uil jchapanvanej cu'untic’, xi sbi chc'ot”, xi.

Jeremías 29:11

Vu'un jna'oj jtuc li c'usi chapal cu'un ta aventaique; chapal cu'un sventa alequilalic, ma'uc sventa avocolic. Ts'acal chacac'boxuc li c'usi amalaojic ono'oxe.

Jeremías 30:3

Ta to sta sc'ac'alil ta xquic' sutel tal ta Israel xchi'uc ta Judá li jteclumale. Li' ta xquic' tal li' ta banamil yo' bu laj ono'ox cac'beic li amoltot ayame'ic ta vo'onee, jech ta xlic sc'upinic li osil li'i”, xiyutun.

Jeremías 30:9

Ja' xa no'ox chlic tunicuc cu'un, vu'un li Muc'ul Diosun yu'unique, xchi'uc li smomnich'on David ti chlic ochuc ta ajvalilal yu'unique”, xi li Muc'ul Diose.

Jeremías 31:27

Jech chal li Muc'ul Diose: “Ta to sta sc'ac'alil ta jboles lec sts'unubal cristianoetic xchi'uc chonbolometic te ta Israel xchi'uc ta Judá.

Ezequiel 21:27

J'ech'el ta jsoques o; j'ech'el ta jines o scotol, ja' to me ivul ta loq'uel li boch'o tuc' chchapanvan ti vu'un cac'ojbe yabtele”, xi li Muc'ul Diose.

Ezequiel 34:16

Li vu'une chbat jt'un tal li jchijtac ti ch'ayemique; chbat quiq'uic sutel tal ti bu stamojic batel yan bee. Ta jpixbeic li sc'asemalic li xtuch'emalique; ta jcoltaic ti bu alubenique. Yan li bu toj jubenic, toj tsots cha'ay sbaique, ta xcules. Li vu'une lec tuc' ta jchabi jech chac c'u cha'al tsc'an pasele.

Ezequiel 34:29

Ta xcac'beic lec yaxal osil ti toj lec ilbile. Jech mu'yuc xa bu chchamic ta vi'nal te ta yosilalic; mu'yuc xa bu abul sbaic ta labanel ta q'uexlaltasel yu'un li yantic banamile.

Ezequiel 45:8

Li banamil le'e ja' yosilic chcom li boch'otic ch-ochic ta banquilal yu'un israeletique. Jech mu xu' chlic yuts'intaic li jteclume, ja' yu'unic chcom o ec ti c'u smuc'tiquil chich'ic ta jujuchope.

Daniel 9:24

‘Ja' lajuneb xchanvinic (70) xemuna chapanbil ti jech chc'ot ta pasel ta stojol li achi'iltaque xchi'uc li ach'ul lumale, yu'un jech chich' lajesbel sc'oplal o li c'usi chopole xchi'uc li muliletic chich' pasele. Jech ch'aybil chcom o li c'usitic mu'yuc lec pasbile; ja' chlic yich' pasel o li c'usitic tuc' ti mu'yuc slajebale. Jech chc'ot o ta pasel li c'usi laj avil ta ach'ulele xchi'uc li c'usitic laj ava'ibe sc'oplale; jech ts'u'iltasbil chcom o yan velta li ch'ulnae.

Oseas 1:11

Ja' yu'un li smomnich'nabtac Judá xchi'uc Israele ta xlic stsob sbaic yan velta; jun no'ox banquilal yu'unic ta xlic sva'anic. Buyuc no'ox banamilal oyic ta xtal stsob sbaic ta Jerusalén. Yu'un toj muc' sc'oplal li sc'ac'alil Jezreele.

Oseas 3:5

Ts'acal to ja'o chlic sutes yo'ntonic, chlic sa'ic li Muc'ul Dios yu'unique, chlic sa'ic li smomnich'on Davide, ti ja' ajvalil yu'unique. Ta slajebtic batel c'ac'ale ta xlic yich'ic ta muc' li Muc'ul Diose, jech ta xich'ic scotol li c'usitic ac'bilic yu'une.

Amós 9:11

“Me la sta sc'ac'alile, ta xlic jcha'meltsanbe li sna David ti bu soquemique. Ta jmacan ti bu jamajtique, ta jcha'pac'an ti bu t'olemique. Ja' jech ta jpas jech chac c'u cha'al pasbil ono'ox ta vo'onee.

Miqueas 5:3

Li' ta orae li Diose yictaoj comel li yu'untaque, pero ja' no'ox ti c'u sjalil sc'an xvoc' yol li ants ti sc'oplal tsvoq'ues jun olole. Jech chlic stsob sbaic tal yo' bu comen xchi'iltaquic li israeletic ti chucbilic batel ta yan banamile.

Zacarías 3:8

A'yo ava'ay banquilal pale Josué, a'yo ava'ay xchi'uc li achi'iltac ta paleal ti co'ol te chotoloxuc achi'uque, yu'un li vo'oxuque senyailoxuc no'ox, yu'un ta to xquic' tal li cajtunel, ti Ach' Sq'uelum xi sbie.

Zacarías 9:9

Cuxetuc no'ox avo'nton, lum Sión. Cuxetuc no'ox avo'nton q'uejinan, lum Jerusalén. A'yo ava'ay, ta xa xtal li ajvalil avu'une; tuc' yo'nton, lec xu' yu'un, biq'uit chac' sba. Cajal ta unin buro ta xtal; cajal ta xtal ta jcot yol me' buro.

San Mateo 2:2

Jech la sjaq'uic: —¿Bu voq'uem xana' li boch'o ta x'och ta ajvalilal avu'unic, vo'oxuc li judiooxuque? Yu'un laj quilbecutic tal sc'analil te ta sloq'ueb c'ac'al, jech litalcutic, tal quich'cutic ta muc' —xiic.

San Juan 1:45

Li Felipee la sta ta c'opanel li Natanaele, jech laj yalbe: —Laj xa jtacutic li boch'o ts'ibabil comel sc'oplal ta svun Moisese xchi'uc ta svun yantic j'alc'opetique. Ja' li Jesús xnich'on José te ta lum Nazarete —xut.

San Juan 1:49

Li Natanaele jech laj yalbe li Jesuse: —Jchanubtasvanej, vo'ot Xnich'onot li Diose. Vo'ot ti cha'och ta ajvalilal li' ta stojol israeletique —xut.

1 Corintios 1:30

Yu'un li vo'oxuque ja' ta sventa Dios ti oyoxuc xa ta stojol Cristo Jesuse. Ja' li boch'o laj yac' jna'betic c'u x'elan sbijil stuc li Diose. Ja' ti c'u x'elan tuc' co'ntontic chijyilutique, ti c'u x'elan chijlecubutic batele, xchi'uc ti c'u x'elan chijcole.

Hebreos 8:8

Pero c'alal laj yil ti muc xlecub o li steclumale, ja' yu'un jech laj yal: “Ta to sta sc'ac'alil oy c'usi yan ach' ta jchapan jchi'uc li smomnich'nab Israele xchi'uc li smomnich'nab Judae.

Apocalipsis 19:11

Laj quil ijam li vinajele; te laj quil jcot saquil ca'. Li boch'o scajlebinoje Xc'ot chc'opoj, Melel c'usi chal, xi sbi. Tuc' chchapanvan, tuq'uil pleito tspas.