Jeremías 23:4 - Bible in Tzotzil de Chenalhó with Deuterocanon

⁴ Ta jva'anbe jchabivanejetic yu'unic, yu'un ac'o chabiaticuc, jech mu'yuc xa xi'el cha'yic, xchi'uc jech mu xa xch'ayic junuc”, xi li Muc'ul Diose.

Bible in Tzotzil de Chamula

⁴ Ta xlic jva'anan jq'uel-chijetic ti q'uelbilic yu'une, yo' mu xa'iic xi'el. Scotolic mu'yuc c'usi sna'ic. Mu lo'iluc no'ox ta xcal ma' ti vu'un Diosun une.”

Jeremías 23:4 Iomraidhean Croise

Isaías 11:11

C'alal me la sta sc'ac'alile, li Muc'ul Diose chlic stsob tal yan velta li steclumal ti c'u to yepal te comenic ta Asiria, ta Egipto, ta Patros, ta Etiopía, ta Elam, ta Sinar, ta Hamat, xchi'uc ta lumetic ta ti'ti' nabe.

Jeremías 30:10

“Jech chcal vu'un li Muc'ul Diosune: Smomnich'nab cajtunel Jacob, mu xavat avo'ntonic; smomnich'nab Israel, mu xaxi'ic. Yu'un vu'un ta jcoltaoxuc loq'uel tal achi'uc amomnich'nabic te ta namal banamil ti bu chucbiloxuc batele. Ta to xtal acux avo'ntonic li'i; jun avo'ntonic li' chanaquiic, mu'yuc boch'o xu' chtal sibtasoxuc.

Jeremías 31:10

“Muc'tiquil lumetic, a'yo ava'yic c'usi chal li Muc'ul Diose; alic batel ta ti'ti' nab, jech xavalic: ‘Li Boch'o la spuc batel li israeletique ta stsob sutel tal yan velta, lec ta xchabi jech chac c'u cha'al ta xchabi xchij li jchabichije’, chianic.

Jeremías 33:26

jech xu' ta jsoques noxtoc li c'usi jchapanoj ta stojol smomnich'nab Jacob xchi'uc li cajtunel Davide. Jech mu'yuc chcac' ochuc ta ajvalilal smomnich'on sventa tsventainbe li smomnich'nab Abraham, Isaac, xchi'uc Jacob ti jechuque. Yu'un ta xquiq'uic ono'ox sutel tal li boch'otic chucbil ibatic ta yan banamile, ta xlic jc'uxubinic”, xi li Muc'ul Diose.

Ezequiel 36:11

Ta jboles ep jnaclumetic avu'unic, xchi'uc ta jbolesbe ep sts'unub yovolic. Ech'em to jech ta jboles jech chac c'u cha'al ta ba'yuc; ech'em to lec chbatic jech chac c'u cha'al ta sliqueb. Jech chana'ic o ti vu'un Muc'ul Diosune.

Levítico 26:9

Lec chaquiloxuc o. Ta xcac' bolanic, ta xcac' epajanic, xchi'uc j'ech'el te ta xcac' comuc ta atojolic li c'usi chapanbil cu'une.

Miqueas 4:4

Jun xa yo'nton te chotajtic chcuxic ta yolon ts'usubtic xchi'uc ta yolon higotic yu'unic. Mu'yuc xa boch'o chtal sibtasaticuc, yu'un jech chal stuc li Muc'ul Dios ti tspas ta mantal scotol te ta vinajele.

Miqueas 5:2

Vo'ot, Belén Efrata, biq'uitot ta scotol li jaychop sts'unubal Judae, pero ja' te ta xloc' ta atojol li Ajvalil yu'un Israele. Vo'one ono'ox sliquel tal sts'unubal.

Miqueas 7:14

Dios cu'un, chabio me lec li ateclumale, maco me lec ta ate' li achijtaque; yu'un stuc no'ox te nacalic ta toyolaltic, li yaxal banamil ta spat xocone yantic boch'otic te nacalic. Ac'o sa' sve'elic ta Basán xchi'uc ta Galaad, jech chac c'u cha'al laj ono'ox apasbeic ta vo'onee.

Sofonías 3:13

Li scomelal israeletique mu'yuc xa tspasic c'usi chopol; mu'yuc xa ch-epalc'opojic; mu'yuc xa chlo'lavanic xchi'uc li yeique. Jun yo'nton tsmac'lin sbaic; jun yo'nton chvayic; mu'yuc xi'el cha'yic”, xi li Diose.

Números 31:49

Jech laj yalbeic: “Vu'uncutic, li avajtuneluncutique, laj xa jq'uelcutic li soldadoetic ti c'u yepal jventainojcutic batele, pero mu'yuc c'usi la spas junuc. Lec ivulic scotolic.

San Juan 17:12

C'alal li' to'ox jchi'uquic ta banamile, vu'un la jchabi lec ta sventa avu'el ti c'u yepal laj avac'bune. Lec la jchabi; me junuc mu'yuc xch'ay cu'un. Ja' no'ox ich'ay li boch'o sve'el ono'ox ch'ayele, yu'un ja' ic'ot o ti jech ono'ox ts'ibabil comele.

San Juan 18:9

Ti jech laj yale yu'un ac'o c'otuc ta pasel ti jech ono'ox laj yalbe li Stote: “Ti jayib laj avac'bune me junuc muc xch'ay cu'un”, xi ono'ox.

1 Pedro 1:5

Ta sventa xch'unojel avo'ntonic ta stojol Dios, jech ta xchabioxuc ta svu'el yu'un jech xu' chataic li coltael xchapanoje; ja' to chayac'boxuc avilic ta slajebal c'ac'al.