Jeremías 23:2 - Bible in Tzotzil de Chenalhó with Deuterocanon

² Ja' yu'un li Muc'ul Diose, ja' li Dios yu'un Israele, jech chal ta sventa li jchabichijetic ti ja' chchabibeic steclumale: “Vo'oxuc laj apuquic batel li jchijtaque; vo'oxuc laj asibtasic batel, yu'un muc xachabiic lec. Ja' yu'un ta xcac'boxuc atoj amulic ta scoj ti chopol avabtelique. Jech chcal vu'un li Muc'ul Diosune.

Bible in Tzotzil de Chamula

² Ti Ajvalile, Dios yu'un ti Israele, xi ta xalbe ti jq'uel-chijetic ti sbainojic ta sventainel ti steclumale: “Tan puc xa bat avu'unic ti jchijtaque, jatav xa batel avu'unic, ti mi ja'uc laj atuc'ulanique. Ta jtuc'ulan lec un c'u s'elan xc'ot o ta stsitseloxuc ti mu'yuc slequil avabtel laj xa apasique. Mu lo'iluc no'ox ta xcal ma' ti Diosun une.

Jeremías 23:2 Iomraidhean Croise

Éxodo 32:34

Ja' lec batan xa; ic'o batel li achi'iltac yo' bu calojbote. Ja' ta stojobtasot batel li j'almantal cu'une. C'alal tsta yoraile, vu'un chcac'be stojol li smulique —xi.

Jeremías 10:21

Yu'un li jchabichijetique muc bijicuc; muc ja'uc la sa'ic li Muc'ul Diose. Jech mu'yuc lec ibatic o; scotol li xchijtaquique la spuc sbaic batel.

Jeremías 11:22

“A'yo ava'yic, ta xcac'boxuc atoj amulic. Li queremetique milbil ta xchamic ta espada; li bic'tal querem tsebetic avu'unique ta xchamic ta vi'nal.

Jeremías 13:17

Pero me mu xach'unique, ep chi'oc' ta mucul avu'unic. Ta xloc' ep ya'lel jsat; ta xc'uxub jsat ta oq'uel ta scoj li atoyobbailique, yu'un li xchijtac Muc'ul Diose ta xich'ic chuquel batel.

Jeremías 13:20

Toyo asatic, q'uelo avilic li boch'otic le' xtalic ta nortee. ¿Bu oy li chijetic ti la'ac'bat aventainic ti toj c'upilic sbae?’, uto”, xi li Muc'ul Diose.

Jeremías 13:21

“Jerusalén, ¿c'usi chapas me ta xlic sventainot li cristianoetic ti vo'ot atuc laj anopes ti lec xa chavil aba achi'uque? ¿Me mu'yuc ta xlic avocol jech chac c'u cha'al jun ants ti c'alal yorail xa chcuxe?

Jeremías 17:10

Vu'un li Muc'ul Diosune, xcotquin c'u x'elan yut yo'nton, jna'oj c'usi tsnop li cristianoe, yu'un jech ta xcac'be stojolic jujun li c'usi tspasique xchi'uc ti c'u x'elan yabtelique”, xi.

Jeremías 21:12

Smomnich'nab ajvalil David, ja' jech chayalboxuc li Muc'ul Diose: Oc'ome liquesic me spasel li c'usitic tuq'ue; coltaic loq'uel ta sc'ob j'uts'intavanejetic li boch'o uts'intabilique. Mu me ta scojuc toj chopol avabtelic ti tstsan jech chac c'u cha'al c'oc' li sc'ac'al co'ntone, ti mu'yuc xa boch'o xu' tstu'p oe.

Jeremías 23:34

“Me oy to jun j'alc'op, o me jun pale, o me jun achi'ilic ta xal li jbel c'op ‘icatsil yu'un Muc'ul Dios’ xie, ta xcac'be stoj smul sjunulic ta na.

Jeremías 44:22

Yu'un muc xa sts'ic yu'un laj ya'ay ti toj chopol c'usi chapasique, ja' yu'un li avosilalique la syavnaijes. Toj xi'bal sba ta q'uelel, chopol sc'oplal o; mu'yuc yajval icom o jech chac c'u cha'al li' ta orae.

Jeremías 5:29

¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stojic ti jech tspasic li cristianoetic le'e?, xichi vu'un li Muc'ul Diosune.

Jeremías 5:9

¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stoj li jun banamil ti jech tspase?

Jeremías 8:12

¿Me oy ta xq'uexovic ta sventa ti toj chopol c'usi tspasique? Mu'yuc q'uexlal cha'yic o; bats'i mu sna' xq'uexovic o ta j'ech'el. Ja' yu'un c'alal chcac'be stoj smulique, chyalic o ta lum; nomtic mochajtic chc'otic jech chac c'u cha'al li yantique’, uto”, xi li Muc'ul Diose.

Ezequiel 34:5

Jech ich'ayic batel ta be ta scoj ti mu'yuc xchabielique; la spuc sbaic batel ta buyuc no'ox, jech te ilajic ta ti'el ta chonbolometic ta te'tic.

Oseas 2:13

Ta xcac'be stoj ti jayib c'ac'al la xchic' pom ta stojol baaletique, xchi'uc ta sventa ti la sc'ac'ubtas sba lec ta staq'uinal xchiquin, ta snats' ti c'alal bat sta yajmultaque, yu'un la ch'ayun o ta yo'nton li vu'une”, xi li Muc'ul Diose.

Miqueas 7:4

Li boch'o lec yo'nton yu'unique ja' jech chac c'u cha'al ch'ix c'otem; li boch'o tuc' yo'ntonic yilele ja' jech xchopolilic jech chac c'u cha'al pimilal ch'ixtic. Pero tsta sc'ac'alil ta xich'beic stojol smulic, jech chac c'u cha'al laj yal li jq'uel-osiletic yu'unic ta toyol, ja' li j'alc'opetique. Jech chlic capijuc sjolic o.

Zacarías 10:3

Ja' yu'un jech chal li Muc'ul Diose: “Tsanem sc'ac'al co'nton ta stojol li jchabichijetique; ta xcac'be stoj smulic li j'uts'intavanejetique”, xi. Li Muc'ul Diose ta xchabi li xchijtaque, ja' li smomnich'nab Judae; ja' jech ta xc'ot yu'un jech chac c'u cha'al tsatsal ca' sventa pasc'op.

Zacarías 11:16

Yu'un ta to xcac' licuc jun jchabichij li' ta avosilalic ti mu'yuc ta yo'nton li chij chch'aye, ti mu xbat st'un tale, ti mu xpoxta ti bu yayijeme, ti mu'yuc ta yo'nton ti bu tsotsic toe. Ja' no'ox ta smil sti' ti bu lec jubene, c'alal ta svoy chc'uxbe.

San Mateo 25:36

C'alal t'analune, laj avac'bicun jc'u'. C'alal ipune, ay avu'lanicun. C'alal ochemun ta chuquele, ay aq'uelicun’, chcutic.

San Mateo 25:43

C'alal jxanubalune, muc xaviq'uicun ochel ta anaic. C'alal t'analune, muc xavac'bicun jc'u'. C'alal ipun xchi'uc c'alal ochemun ta chuquele, muc x'ay aq'uelicun’, chcut.

Santiago 1:27

Me ta melel lec xch'unoje, mu'yuc c'usi chopol tspas ta stojol li Jtotic Diose. Ja' no'ox jech tspas chac li'i: Ta sq'uel me'on ololetic xchi'uc me'on antsetic ti c'alal oy svocolique, xchi'uc mu soques sba ta sventa li c'usitic chopol li' ta banamile.