Jeremías 23:1 - Bible in Tzotzil de Chenalhó with Deuterocanon

¹ “¡Ay, toj abul sbaic li jchabichijetic ti laj yulesic, ti la spuc sbaic batel yu'unic li jchijtac te ta sve'ubique!”, xi li Muc'ul Diose.

Bible in Tzotzil de Chamula

¹ Xi ta xal ta jamal ti Diose: “Mu xa ono'ox cha'bel ti jq'uel-chijetic ti sq'uelojic ti ta xch'ay batel ti tan puc ta xbat yu'un ti jchijtaque.”

Jeremías 23:1 Iomraidhean Croise

Jeremías 10:21

Yu'un li jchabichijetique muc bijicuc; muc ja'uc la sa'ic li Muc'ul Diose. Jech mu'yuc lec ibatic o; scotol li xchijtaquique la spuc sbaic batel.

Jeremías 12:10

Epal banquilal jcontrainvanejetic laj yulesic scotol li ts'usubaltic cu'une; solel la xpech'ilanic comel ta teq'uel li cosile. Xco'laj xchi'uc xocol banamil icom yu'unic li jc'upil osile.

Jeremías 13:17

Pero me mu xach'unique, ep chi'oc' ta mucul avu'unic. Ta xloc' ep ya'lel jsat; ta xc'uxub jsat ta oq'uel ta scoj li atoyobbailique, yu'un li xchijtac Muc'ul Diose ta xich'ic chuquel batel.

Jeremías 2:26

“Jech chac c'u cha'al chyal ta q'uexlal jun j'elec' me ivinaje, ja' jech chyalic ta q'uexlal ec li smomnich'nab Israele; chyalic ta q'uexlal li ajvaliletic, li banquilaletic, li paleetic, xchi'uc li j'alc'opetic yu'unique.

Jeremías 2:8

Li paleetique la xch'ayicun o ta yo'ntonic; li jchanubtasvanejetic sventa jmantale mu xa sna'icun; li banquilaletique solel la stoy sbaic o ta jtojol. Li j'alc'opetique ja' xa ic'otic ta j'alc'op yu'un li Baale, yu'un ja' te ibatic o ta stojol li diosetic ti mu'yuc stue.

Jeremías 22:22

Li ajvaliletic avu'une ta xcuchatic batel ta ic'; li boch'otic lec ac'anojane chucbil ta xbatic. Jech ec li vo'ote chava'ay tsots q'uexlal; toj biq'uit chacom ta scoj li yepal amule.

Jeremías 23:2

Ja' yu'un li Muc'ul Diose, ja' li Dios yu'un Israele, jech chal ta sventa li jchabichijetic ti ja' chchabibeic steclumale: “Vo'oxuc laj apuquic batel li jchijtaque; vo'oxuc laj asibtasic batel, yu'un muc xachabiic lec. Ja' yu'un ta xcac'boxuc atoj amulic ta scoj ti chopol avabtelique. Jech chcal vu'un li Muc'ul Diosune.

Jeremías 50:6

“Li jteclumale ja' jechic jech chac c'u cha'al ch'ayemal chijetic ti mu'yuc lec chabibil, ti ivovijesatic ta be yu'un li jchabichijetic yu'unique. Ich'ayatic comel ta vitsetic, jech te ixanovic batel ta vitsetic. Jech ich'ay o ta yo'ntonic bu icom li scoralique.

Ezequiel 13:3

Jech chal li Cajvaltic Diose: ¡Toj abul abaic, bol j'alc'opetic, vo'oxuc ti chanop ta ajol atuquic li c'usi cha'ac'bat avil acuyojique, ac'o me mu'yuc c'usi chavilic!

Ezequiel 34:1

La sc'opanun yan velta li Muc'ul Diose, jech laj yalbun:

Ezequiel 34:21

Li vo'oxuque laj anet'ic loq'uel ti bu baquic, ti mu'yuc stsatsalique; laj axul ta axulubic, jech ijatov batel avu'unic.

Ezequiel 34:31

Vo'oxuc li jchij c'otemoxuque; te lamaloxuc ta jobeltic cu'un, vu'un li Diosun avu'unique”, xi li Muc'ul Diose.

Ezequiel 36:38

Li lumetic ti jinemique ta xlic nojuc ta epal cristianoetic; ja' jech chc'otic jech chac c'u cha'al epal chijetic ti t'ujbilic xa ta sventa Dios c'alal yorail q'uin ta Jerusalene. Jech tsna'ic o ti vu'un Muc'ul Diosune’, uto”, xi li Diose.

Zacarías 10:3

Ja' yu'un jech chal li Muc'ul Diose: “Tsanem sc'ac'al co'nton ta stojol li jchabichijetique; ta xcac'be stoj smulic li j'uts'intavanejetique”, xi. Li Muc'ul Diose ta xchabi li xchijtaque, ja' li smomnich'nab Judae; ja' jech ta xc'ot yu'un jech chac c'u cha'al tsatsal ca' sventa pasc'op.

San Mateo 15:14

Mu xatuc'ulanic. Ja' ma'satetic ti tsc'an chac'beic yil be li xchi'ilic ta ma'satile. Pero me co'ol ma'satetic ta xic' sbaic batele, co'ol chbalch'ujic ochel ta vomlum —xut.

San Mateo 9:36

C'alal laj yil Jesús ti ep cristianoetic te stsoboj sbaique, toj abul sbaic laj yil. Yu'un jatsa bu tanpuquic jech chac c'u cha'al chijetic ti mu'yuc xchabiele.

San Juan 10:10

Li j'elec' chije ja' no'ox yabtel ta x'elc'aj, ta xmilvan, ta soquesvan. Yan li vu'une ja' tal cac'be xcuxlejalic, jech mu'yuc c'usi yan tsc'anic o.

San Juan 10:12

Yan li boch'o ja' no'ox ta sa' tojele, ti mu ja'uc yu'un li chijetique, c'alal chil chtal jti'vanej bolome, te tscomtsan li chijetique; ta xjatov batel ta anil. Jech te chlaj ta bolom li chijetique; te tanpuc chbatic o.

San Juan 10:8

Li boch'otic ba'yuc ono'ox li' oyique, ja' jlo'lavanejetic, ja' j'elec' chijetic. Pero mu x'ich'atic ta muc' yu'un li mero chijetique.