Jeremías 22:9 - Bible in Tzotzil de Chenalhó with Deuterocanon

⁹ Jech ta stac'be sbaic: ‘Yu'un la scomtsanic li Muc'ul Dios yu'unique; ja' bat yich'ic ta muc' li yantic diosetique, ja' itunic yu'un’, xiic”, xi li Muc'ul Diose.

Bible in Tzotzil de Chamula

⁹ Xi ta stac'be sbaic une: ‘Yu'un mu'yuc la laj yaq'uic ta venta strate ti Ajvalil Dios yu'unic ti laj spas ta stojolique, yu'un lic la snijan xchiman sbaic ta yich'el ta muc' ti yan diosetique.’ ”

Jeremías 22:9 Iomraidhean Croise

1 Reyes 9:8

Li ch'ulna ti lec ich'bil ta muq'ue ta to xlic slabanic li boch'otic li' chjelovique. Toj ch'ayel chc'ot yo'ntonic jech chalic: ‘¿C'u yu'un jech la spasbe Muc'ul Dios li banamil li'i xchi'uc li ch'ulna li'i?’, xut sbaic.

2 Reyes 22:17

Yu'un la scomtsanicun; ja' bat xchiq'uic pom ta stojol li yantic diosetique. La sa'bicun sc'ac'al co'nton ta sventa li c'usitic la spasique. Ja' yu'un itsan sc'ac'al co'nton yu'un li banamil li'i; me jutuc mu xa xtu'p o.

2 Crónicas 34:25

Yu'un la scomtsanicun; ja' bat smilbeic smoton li yantic diosetique. La sa'bicun sc'ac'al co'nton ta sventa li c'usi la spasique, ja' yu'un ta xcac' tsanuc li sc'ac'al co'nton li' ta banamile; me jutuc mu xtu'p o.

Jeremías 11:10

Ja' xa bat xcha'tambeic xchopolil li smoltot syame'ic ta vo'one ti muc xch'unic c'usi laj calbeique; ja' bat yich'ic ta muc' li yantic diosetique, ja' itunic yu'un. Li smomnich'nabtac Israel xchi'uc Judae la soquesic li c'usi chapanbil cu'un ta sventa smoltot syame'ique.

Jeremías 11:3

Jech xavalbe: ‘Jech chal li Muc'ul Dios yu'un Israele. Chopol chcom o li boch'o mu xich' ta muc' c'usi chal li c'usi chapanbil cu'une.

Jeremías 16:11

Jech xavalbe: ‘Jech chal li Muc'ul Diose: Ja' ta scoj ti la scomtsanicun li amoltot ayame'ique. Ja' bat yich'ic ta muc' li yantic diosetique, ja' itunic yu'un; la squejan sbaic ta stojol. Vu'un la scomtsanicun; muc xich'ic ta muc' li mantaletic cu'une.

Jeremías 50:7

Te la snupic ta be li yajcontraique, te imilatic. Li yajcontraique jech laj yalic: ‘Mu'yuc jmultic li vu'utique; ja' stuquic staoj smulic ta stojol li Muc'ul Dios ti ja' slequil ve'ubique, ti ja' stsatsal yo'ntonic li smoltot syame'ic ta vo'onee’, xiic.

Jeremías 9:13

Jech chal li Muc'ul Diose: “Yu'un muc xich'ic ta muc' li jmantaltac laj cac'beique; muc xch'unic li c'usi laj cale, muc ja'uc la spasic batel.

Ezequiel 12:16

Jutuc xa no'ox ta xcac' colicuc ta milel ta espada, ta vi'nal, xchi'uc ta tsatsal chamel; yu'un jech ac'o c'ot yilic te ta yantic lum ti toj chopol c'usi la spasique. Jech chlic sna'ic ti vu'un Muc'ul Diosune, xi li Diose’, uto”, xiyutun.

Ezequiel 14:23

Jech te tspas ta jun avo'ntonic ti c'alal chavilbeic li stalelique xchi'uc li c'usitic tspasique. Jech chlic ana'ic ti muc alticuc no'ox laj cac'be svocolique”, xi li Muc'ul Diose.

Ezequiel 39:23

Jech chlic sna'ic yantic banamil ti ta scoj smulic laj yich'ic chuquel batel ta yantic banamil li israeletique, xchi'uc ti ta scoj la stoy sbaic ta jtojole. Jech la jnac' jsat ta stojolic; laj caq'uic ta sc'ob yajcontraic, jech ilajic ta milel ta espada.

Ezequiel 5:15

C'alal chacac'bot li tsots stojol amul ta sc'ac'al co'ntone, labal chayilicot, chasna'leicot, chaslabanicot, xchi'uc ta xi'ic avu'un scotol li yantic banamil te ta apat axocone. Vu'un chcal jtuc, vu'un li Muc'ul Diosune.

Deuteronomio 29:24

“Scotol li cristianoetic ta banamile jech chlic sjaq'uic: ‘¿C'u yu'un jech la spas Muc'ul Dios ta sventa li banamil li'i? ¿C'u yu'un ti tsots ilic sc'ac'al yo'nton ta stojole?’, xi chlic sjaq'uic.