Jeremías 22:6 - Bible in Tzotzil de Chenalhó with Deuterocanon

⁶ Yu'un li Muc'ul Diose jech chal ta sventa li spasubmantal ajvalil ta Judae: “Li vo'ote, ja' jechot chquil jech chac c'u cha'al vits ta Galaad, jech chac c'u cha'al jol vits ta Líbano. Pero chcal ta jamal ti chavich' yavnaijesele; mu'yuc boch'o te nacal chcom o.

Bible in Tzotzil de Chamula

⁶ Yu'un ti Diose xi ta xalbe sc'oplal ti muc' ta na yu'un ti ajvalil ta Judae: “Ti vo'ote, co'ol a'elan toyol vitsot yu'un Galaad, co'ol a'elan muc' ta vitsot yu'un Líbano ta xca'i. Tana une, ta jva'an jba ta yalel ti ta xac'ot cu'un ta sbajtical banomile, ti mu'yuc junuc jnaclej ta xcom ta atojole.

Jeremías 22:6 Iomraidhean Croise

Génesis 37:25

Ts'acal te ichotiic; ive'ic. C'alal sbats'ilic ve'ele, laj yilic te stsaletic tal ismaeletic liquemic tal ta Galaad. Te xcuchojic tal ta camello perfumeetic, bálsamo, xchi'uc mirra, yu'un chbat xchonic ta Egipto.

Salmos 107:34

Xu' yu'un tspaq'ues yaxal banamil ta scoj smulic li boch'otic te nacajtique.

Cantares 4:1

Cunin c'upil tseb, toj alac' aba, toj lec c'oc'ot. Li sbec' asate xco'laj xchi'uc stsumut ta q'uelel ta o'lol li velo apixoj oe; li stsotsil ajole xco'laj xchi'uc me'tentsunetic ti lec jmoj stsaletic yalel tal ta vitsetic ta Galaade.

Cantares 5:15

Li yacane ja' jech chac c'u cha'al oyetic pasbil ta mármol ton ti nacanbil lec ta bats'i c'anal taq'uine; ti c'u x'elan yutsil ta q'uelele ja' jech chac c'u cha'al ch'ut te'etic ta Líbano ti lec t'ujbile.

Isaías 27:10

Li slumalic ti lec setbil ta tsatsal coraltone, yav xa chcom o; li lum ti ep to'ox yajvale ictabil chcom o jech chac c'u cha'al xocol banamil ti mu'yuc yajvale. Ja' te chtal ve'uc vacaxetic; ja' chtal slo'ic li vomoletique, te chcux yo'ntonic.

Isaías 37:24

Ta sventa j'abteletic avu'un laj achopolc'opta li Cajvaltique. Jech laj anop: ‘Ta sventa epal caretaetic cu'un limuy tal ta jolvitsetic; limuy tal ti bu bats'i toyol li' ta Libanoe. La jts'etbe li ch'ut te'etic yu'unic ti lec natique xchi'uc li c'uc'tojetic yu'unic ti toj c'upilic sbae. Livul c'alal ta mero jolvitsetic yu'unic ti bats'i toyolique, xchi'uc livul c'alal ta toyolaltic yu'unic ti xco'laj xa xchi'uc ts'unubaltic yilele.

Isaías 6:11

Jech la jac'be: “¿Jayib c'ac'al chjalij le'e Cajval?”, xcut. Jech la stac'bun: “Ja' to me laj yich' vuq'uesel scotol li lumetique, xchi'uc me mu'yuc xa boch'o te nacal oe, xchi'uc c'alal me xocol xa scotol li naetique, xchi'uc c'alal me icom jech chac c'u cha'al xocol banamil li yosilalique;

Jeremías 21:11

‘Smomnich'nab ajvalil ta Judá: A'yo ava'yic c'usi chal li Muc'ul Diose:

Jeremías 21:14

Vu'un ta xcac' atoj amulic ta sventa ti c'u x'elan avabtelique; ta jchic' ta c'oc' li toyolal te'tic avu'unique, yu'un ac'o c'ac'uc scotol li c'usitic te oy ta spat xocone. Jech chcal vu'un li Muc'ul Diosune’, xi li Diose”, xut.

Jeremías 22:24

Li Muc'ul Diose jech chalbe li Jeconías xnich'on Joacim, ajvalil ta Judae: “Vu'un ti cuxulune, ac'o me ja' jechot jech chac c'u cha'al yixtolal jbats'ic'ob ti ja' sventa jselloe, pero ta jipot loq'uel.

Jeremías 26:18

“Li Miqueas te ta Moresete ta sventa Muc'ul Dios laj yal c'usi chc'ot ta pasel ti c'alal ja'o yorail tiq'uil ta ajvalilal ta Judá li Ezequiase. Jech laj yal ta stojol scotol li xchi'iltaque: ‘Jech chal li Muc'ul Dios ti tspas ta mantal scotol te ta vinajele: Li Sione ja' jech ta xcom jech chac c'u cha'al banamil ti lec locbile; li Jerusalene puru ton xa te busajtic chcom; li vits li' ta ch'ulnae ta xnoj ta chopol ts'i'laletic’, xut.

Jeremías 4:20

Solel mu'yuc chquechaj o li tsatsal vocole; solel chich' soquesel o scotol li cosilaltique. Ta anil no'ox chich' vuq'uesel li carpanaetique, chich' jinesel scotol li jnatique.

Jeremías 4:7

Li leone loq'uem xa tal ta xch'en; li boch'o ta sjines jujun banamile sbats'il xa tal xanubal, loq'uem xa tal ta yosilal, yu'un chtal yules li avosilalic, li lumetic avu'unique; ta sjines comel, mu'yuc xa yajval chcom yu'unic o.

Jeremías 50:12

Li alumalic, li avosilalic ti bu lavoq'uique toj abul sba, yalem ta q'uexlal chcom. Ja' xa no'ox stuc ta scotol yantic lumetic ti xch'ijan, ti taquin, ti yavnaijem chcom oe.

Jeremías 7:34

Ta xcac' lajuc sc'oplal ta lumetic li' ta Judá xchi'uc ta xoraltic ta Jerusalén ti xvochetic no'ox, ti stse'inic no'ox ta xcuxetel yo'ntonique. Chlaj sc'oplal ti oy boch'o chmalij, ti oy boch'o tsa' yajnile, yu'un xch'ijan chcom o cu'un”, xi li Muc'ul Diose.

Jeremías 8:22

¿Me mu'yuc poxil te ta Galaade? ¿Me mu'yuc jpoxtavanej te? ¿C'u yu'un ti mu'yuc bu tsta xpoxilic li jchi'iltaque?

Jeremías 9:11

“Ta jc'atajes ta jbus no'ox ton li lum Jerusalene; yavil oq'uiletic ta xc'ot. Li lumetic ta Judae ta jc'atajes ta xocol banamil, mu'yuc xa boch'o te nacal chcom”, xi li Diose.

Miqueas 3:12

Ja' yu'un vo'oxuc ta amulic ti xco'laj xchi'uc locbil banamil chcom li Sione, ti puru tontic xa te busul chcom ta Jerusalene, xchi'uc ti chpix ta chopol ts'i'laletic li vits yo' bu oy ch'ulnae.

Zacarías 11:1

Líbano, jamo li ti'coraltonetic avu'une; ac'o c'ac'uc ta c'oc' li ch'ut te'etic avu'une.

Números 32:1

Li jchop liquemic ta Rubén xchi'uc ta Gade, toj bats'i ep xvacaxic xchi'uc xchijic. C'alal laj yilic ti toj lec sve'el xvacaxic xchijic te ta yosilal Jazer xchi'uc ta Galaade,

Deuteronomio 3:25

Ja' yu'un ta jc'anbot vocol ta atojol ti avac'uc jelovcun ec ta jot uc'um Jordane. Yu'un ta jc'an chquil ec li lequil osile, xchi'uc li toyolal te'tic ti toj c'upilic sba ta q'uelele, xchi'uc li Libanoe’, xcut.