Jeremías 22:3 - Bible in Tzotzil de Chenalhó with Deuterocanon

³ Jech ta xal: Lec me tuc' xachapanvanic li' ta avosilalique; tuc' c'usitic xapasic. Coltaic loq'uel ta sc'ob j'uts'intavanejetic li boch'otic uts'intabilique. Mu me xalo'laic; mu xavelc'anbeic c'usi oy yu'un li yanlumetique, li me'on ololetique, xchi'uc li me'on antsetique. Mu me xamalbeic xch'ich'al li boch'otic mu'yuc smulique.

Bible in Tzotzil de Chamula

³ Li' ti bu nacaloxuque, liquesic ta yabtelanel ti pojele, ti c'usi lec ta pasele. Tic'o abaic ta spojel ti buch'u ilbajinbilic yu'un ti j'ilbajinvaneje. Mu xavilbajinic ti nijil ta xcom ta q'uexlal avu'unic ti jyanlumetique, ti buch'u mu'yuc buch'u x'ayan yu'unique, xchi'uc ti me'unal antsetique. Mu xamilic ti buch'u jeche' cuch c'op no'ox ta stae.

Jeremías 22:3 Iomraidhean Croise

2 Samuel 23:3

Li Dios yu'un Israele ic'opoj; li Jchabivanej yu'un Israele jech laj yalbun: ‘Li boch'o tuc' chchapan cristianoetique, li boch'o ta sventa Dios chventainvane,

2 Reyes 24:4

xchi'uc ta scoj ti la smalbe xch'ich'al li boch'otic mu'yuc smulique. Yu'un inoj ta ch'ich' yu'un li Jerusalene, ja' yu'un li Muc'ul Diose mu xa sc'an spasbe o perdón yu'un smul.

Job 22:9

Jeche' xmeymun sc'ob isut avu'un li me'on antsetique; toj ep laj avuts'inta li me'on ololetique.

Job 24:9

Ta spojbeic sve'el noxtoc li me'on ololetique, ta spojbeic ta prentail yol li me'onetique.

Salmos 68:5

Ja' li Dios ti nacal ta xch'ulnae; ja' stotic c'otem li boch'otic mu'yuc xa stot sme'ique; ja' Jc'opojel yu'unic li me'on antsetique.

Salmos 82:4

Coltaic li boch'otic mu sna' spoj sbaique xchi'uc li boch'otic abul sbaique; loq'uesic ta sc'ob li boch'otic chopolique.

Salmos 94:21

ti jmoj tsnopic c'usi tspasbeic li boch'otic tuc' yo'ntone, ti chaq'uic ta milel li boch'o mu'yuc smule.

Salmos 94:6

Tsmilic li me'on antsetique xchi'uc li yanlumetique, xchi'uc tsmilic noxtoc li me'on ololetique.

Éxodo 22:21

“Li yanlumetique mu me xavuts'intaic, mu me xavutic, yu'un ja' jech yanlumoxuc ec ti c'alal te to'ox oyoxuc ta Egiptoe.

Éxodo 22:22

“Mu me xavuts'intaic li me'on antsetique xchi'uc li me'on ololetique,

Proverbios 23:10

Mu me xabat'ajesic li poco' ts'aquetic avu'unique; mu me xane'tbe yosil li me'on ololetique.

Proverbios 6:17

ja' li boch'o tstoy sba c'u x'elan sq'uel osile, ja' li boch'o puru epalc'op tspase, ja' li boch'o tsmil xchi'il ti mu'yuc smule,

Isaías 1:23

Li banquilaletic avu'une puru jbajmantaletic; ja' xa xchi'ilic j'eleq'uetic. Scotolic lec xa'yic xch'amel taq'uin; ja' tsa'ic c'u x'elan xu' ch-ac'bat smotonic. Mu'yuc tuc' chchapanic li me'on ololetique; tsmaquilanbeic ta be xchapanel li me'on antsetique.

Isaías 58:6

Li lequil ictaej ixim ti lec chquile, ja' ti ac'o atuch'beic yaq'uil li uts'intaele, ti ac'o aloq'uesbeic alal icatsil li boch'o ep yicats avac'ojbeique, ti ac'o acoltaic li boch'o chucbilique, ti ac'o alajesbeic sc'oplal scotol li c'usi chac' vocole,

Isaías 58:7

xchi'uc ti ac'o axut'beic jlec'uc avotic ec li boch'o chvi'naje, ti ac'o avic' ochel ta anaic li boch'o abul sba ti mu'yuc snae, ti ac'o avac'beic sc'u' li boch'o mu'yuc sc'u'e, xchi'uc ti mu xajalan abaic ta scoltael li achi'ilique.

Jeremías 19:4

Yu'un li israeletique solel la syanijesic li banamil li'i. Li' la xchic'beic pom li yantic diosetic ti mu xotquinique, xchi'uc ti mu ono'ox xotquinic ec li smoltot syame'ique. Jech noxtoc li ajvaliletic ta Judae la snojesic ta xch'ich'al li boch'otic mu'yuc smulique.

Jeremías 21:12

Smomnich'nab ajvalil David, ja' jech chayalboxuc li Muc'ul Diose: Oc'ome liquesic me spasel li c'usitic tuq'ue; coltaic loq'uel ta sc'ob j'uts'intavanejetic li boch'o uts'intabilique. Mu me ta scojuc toj chopol avabtelic ti tstsan jech chac c'u cha'al c'oc' li sc'ac'al co'ntone, ti mu'yuc xa boch'o xu' tstu'p oe.

Jeremías 22:17

“Pero li vo'ote ja' no'ox batem ta avo'nton ti chatsob ep ac'ulejal ta sventa lo'lavaneje, ti chamalbe xch'ich'al li boch'o mu'yuc smulique, ti chavuts'inta, ti chalo'labe c'usi oy yu'un achi'iltaque”, xi li Muc'ul Diose.

Jeremías 26:16

Li banquilaletic xchi'uc scotol jteclume jech laj yalbeic li paleetique xchi'uc li j'alc'opetique: “Li vinic li'i mu'yuc smul ti chich' milele, yu'un ja' ta sventa Muc'ul Dios cu'untic ti jech tal yalbutique”, xutic.

Jeremías 5:28

Solel iju'p xchi'uquic o, xja'te-ja'te xa lec li snuculilique. Solel ijelov ta bis li smulique. Mu'yuc tuc' chchapanic li me'on ololetique; mu'yuc tscoltaic li me'onetique.

Jeremías 7:23

Ja' no'ox jech laj calbeic chac li'i: Ch'unic me li c'usi chacalboxuque, jech vu'un Diosun o avu'unic, jech vo'oxuc jteclumaloxuc o chac'otic ec. Ja' me pasic scotol li c'usi laj calboxuque yu'un jech lec chabatic, xcutic.

Jeremías 9:24

Li boch'o tsc'an lec muc' sc'oplale ja' ac'o muc'uc sc'oplal chc'ot ta sventa ti xiyotquinune, ti sna' ti vu'un jtuc Muc'ul Diosun, ti jc'uxubinvanejune, ti tuc', ti lec scotol c'usi ta jpas li' ta banamile, yu'un ja' toj lec chquil li boch'o jech tspase”, xi li Muc'ul Diose.

Lamentaciones 3:36

me mu'yuc tuc' chapanel chich' jun cristianoe, le'e mu sc'an jech li Cajvaltique.

Ezequiel 18:12

ti abul sba yu'un li me'onetic xchi'uc li boch'otic abul sbaique, ti ch-elc'aje, ti mu sutes li prentail yich'oje, ti ja' te chac' sat ta stojol li sloc'obal yantic diosetique, ti ja' tspas li c'usitic toj chopole,

Ezequiel 18:7

xchi'uc ti mu'yuc boch'o chuts'intae, xchi'uc ti tsutesbe prentail li j'iluvil yu'une, ti mu'yuc ch-elc'aje, ti chac'be sve'el li boch'o chvi'naje, xchi'uc ti chac'be sc'u' li boch'o mu'yuc sc'u'e,

Ezequiel 22:7

Li jnaclumetic avu'une mu xich'ic ta muc' li stot sme'ique. Abul sbaic ta uts'intael yu'unic li yanlumetic te nacalique, xchi'uc la spojbeic c'usitic oy yu'unic li me'on antsetique xchi'uc li me'on ololetique.

Ezequiel 45:9

“Vu'un li Muc'ul Diosun, vu'un li Avajvalicune, jech chcal: Banquilaletic ta Israel, xu' xa o li uts'intavanej xchi'uc li elec' chapasique. Ja' xapasic li c'usitic tuc' xchi'uc li c'usitic leque. Ta'lo xa spojbel yosilic li jteclumale.

Joel 3:19

Li Egiptoe yavnaijem ta xcom o, li Edome ta xcom jech chac c'u cha'al ta xocol banamil ti jeche' xch'ijan oe; ja' ta scoj ti laj yilbajinic li jnaclumetic ta Judae, xchi'uc ti la smalbeic xch'ich'al te ta yosilalic li boch'o mu'yuc smulique.

Levítico 19:15

“Mu me chopoluc xachapanvanic. Mu me ja'uc xapojic li me'one; mu me ja'uc xavich'ic ta muc' li jc'uleje. Tuc' me xachapanic li achi'iltaquique.

Amós 5:15

¡Contrainic li c'usitic chopole! ¡Ja' c'anic li c'usi leque! Tuc' me xachapanvanic. Oy yic'al jech xu' chlic to xc'uxubin scomelal smomnich'nab José li Muc'ul Dios ti tspas ta mantal scotol te ta vinajele.

Amós 5:24

Ja' ta jc'an jech chloc' ta atojolic c'usi tuc' jech chac c'u cha'al chloc' tsots vo'e, xchi'uc ja' ta jc'an jech chloc' jech chac c'u cha'al nio' li tuq'uil chapanel avu'unique.

Miqueas 3:11

Yu'un li jchapanvanejetic tee ta puru taq'uin chchapanvanic; li paleetique ta puru tojbil chchanubtasvanic; li j'alc'opetique ta taq'uin chalic li c'usi chc'ot ta pasele. Chalic ti ja' chcoltaatic yu'un Diose, jech chalic: “Li' xchi'inojutic li Muc'ul Diose; mu'yuc c'usi chopol chtal ta jtojoltic”, xiic.

Miqueas 6:8

A'yo ava'ay, cristiano, li Muc'ul Diose yalojbot xa li c'usi lec xu' chapase, xchi'uc sc'anoj xa ta atojol li c'usi ac'o apase: ja' no'ox tsc'an ac'o apas li c'usitic tuq'ue, ti oyuc yutsil slequil avo'ntone, xchi'uc ti biq'uit ac'o avac' aba ta stojol Dios avu'un ta sventa li c'usitic chapase.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

San Mateo 23:23

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un ja' no'ox tsots sc'oplal chava'yic ti chavaq'uic jun ta lajlajuneb li yaravenoe, li anise, xchi'uc li cominoe., Ja' acomtsanojic ti bu toj tsots sc'oplal ta smantal Diose; ja' ti tsc'an pasel c'usi tuq'ue, li c'uxubinvaneje, xchi'uc ti tsc'an jun co'ntontique. Le'e tsots sc'oplal tsc'an pasel, pero mu stac' comtsanel noxtoc li yantique.

Deuteronomio 10:18

C'ux ta yo'nton li me'on ololetic xchi'uc li me'on antsetique. C'ux ta yo'nton, chac'be sve'el, chac'be sc'u' li yanlumetic te nacal ta alumalique.

Deuteronomio 24:17

“Mu me xapasic c'usi mu tuc'uc ta stojol li yanlumetique xchi'uc ta stojol li me'onetic ti chamen xa stot sme'ique. Xchi'uc mu me xavich'beic ta prentail sc'u' spoc' li me'on antsetique.

Deuteronomio 24:7

“Me oy achi'ilic ta israelal sbats'il yelc'anel batel jun achi'ilic yu'un tsc'an tstic' ta mozoil, o tsc'an chchon batel ta taq'uine, le'e ac'o yich' chapanel ti ac'o chamuque yu'un jech ac'o uluc o li boch'o jech chopol tspas te ta atojolique.

Deuteronomio 25:1

“C'alal me oy boch'o tstsac sbaic ta c'ope, persa tsc'an chbatic ta stojol li jchapanvanejetique yu'un ac'o yich'ic chapanel. Li jchapanvanejetique ac'o yalic ta jamal li boch'o mu'yuc smule, xchi'uc ac'o yac'beic stoj li boch'o oy smule.

Deuteronomio 27:19

‘Ac'o ac'batuc stoj li boch'o chopol c'usi tspasbe jun yanlum cristianoe, me me'on ants, o me jun me'on olol’, ac'o xiicuc. ‘Jechuc’, ac'o xiicuc scotol li jchi'iltactique.

Santiago 1:27

Me ta melel lec xch'unoje, mu'yuc c'usi chopol tspas ta stojol li Jtotic Diose. Ja' no'ox jech tspas chac li'i: Ta sq'uel me'on ololetic xchi'uc me'on antsetic ti c'alal oy svocolique, xchi'uc mu soques sba ta sventa li c'usitic chopol li' ta banamile.