Jeremías 22:2 - Bible in Tzotzil de Chenalhó with Deuterocanon

² Jech xavalbe: ‘Vo'ot ajvalil ta Judá, ti li' chotolot ta spasubmantal li Davide, xchi'uc li j'abteletic avu'une, xchi'uc scotol cristianoetic ti ch-ochic tal li' ta ti'coraltone, a'yo ava'yic c'usi chal li Muc'ul Diose.

Jeremías 22:2 Iomraidhean Croise

1 Reyes 22:19

Li Micaiase jech to laj yal: —A'yo ava'ay c'usi chal li Muc'ul Diose: Li Muc'ul Diose laj quil te chotol ta muc'ta chotlebal. Te xchi'uc scotol li soldadoetic yu'un te oy ta vinajele; te va'ajtic ta sbats'ic'ob xchi'uc ta sts'et.

Isaías 1:10

Banquilaletic ta Sodoma, a'yic c'usi chal li Muc'ul Diose; jnaclumetic ta Gomorra, tuc'ulanic lec li mantaletic yu'un Dios cu'untique.

Isaías 28:14

Vo'oxuc ti chapasic mantal te ta Jerusalene, ti ja' no'ox chalabanvanique, a'yo ava'yic c'usi chal li Muc'ul Diose.

Isaías 9:7

Li yabtel ta muc'ta ajvalilale, xchi'uc ti chac' jun o'ntonale mu'yuc spajeb o. Ja' chlic chotluc ta xchotleb li ajvalil Davide; ja' chlic sventain scotol. J'ech'el lec nacal chcom o, tsmeltsan lec scotol; chchapan lec, tstuq'uibtas lec, jech tspas li' ta ora xchi'uc c'alal to ta sbatel osil. Ja' jech tspas ta sventa ti bats'i lec yo'nton li Muc'ul Dios ti tspas ta mantal scotol te ta vinajele.

Jeremías 13:18

“Jech xavalbe ya'ay li ajvalile xchi'uc li sme'e: ‘Biq'uit xavac' abaic; mu xa me xachotiic ta achotlebic; chotlanic xa no'ox ta lumtic, yu'un li acoronaic sventa ich'biloxuc o ta muq'ue yalem xa ta banamil.

Jeremías 19:3

Jech xavalbe: ‘Ajvaliletic ta Judá, jnaclumetic ta Jerusalén, a'yo ava'yic c'usi chal li Muc'ul Dios ti tspas ta mantal scotol te ta vinajele, ja' li Dios yu'un Israele, jech chal: Ta jtac tal tsots vocol li' ta banamile; scotol li boch'o cha'yic c'usi tsots chc'ot ta pasele, tojtoj maquel chc'ot xchiquinic.

Jeremías 22:1

Jech laj yalbun li Muc'ul Diose: “Batan ta spasubmantal li ajvalil ta Judae; albo ya'ay li c'usi chacalbote.

Jeremías 22:4

Me chach'unic li c'usi chacalboxuque, jech staoj yav oy ajvaliletic avu'unic li' chchotiic ta xchotleb li Davide; cajal ta careta xchi'uc cajal ta ca' ch-ochic batel li' ta pasubmantal xchi'uc li j'abteletic yu'unique xchi'uc li yantic achi'iltaquique.

Jeremías 29:20

Ja' yu'un vo'oxuc ti la jloq'uesoxuc batel li' ta Jerusalén ti la jtacoxuc batel ta Babiloniae, ich'ic ta muc' li c'usi chcale’, xi li Muc'ul Diose.

Jeremías 34:2

“Vu'un li Muc'ul Diosun yu'un Israele jech chacalbot: Batan ta stojol li Sedequiase jech xc'ot avalbe: ‘Jech chayalbot li Muc'ul Diose: Li lum li'i ta xcac'be ta sc'ob li ajvalil ta Babiloniae; ta xchic' ta c'oc'.

Jeremías 36:30

Ja' yu'un jech chcal vu'un li Muc'ul Diosune: Me junuc amomnich'nab mu'yuc ta xchoti ta spasubmantal li Davide. Li abec'tale te no'ox telel chcom ta xc'uxul c'ac'al xchi'uc ta siquil ac'ubal.

Jeremías 7:2

“Bat va'lan te ta sti' jch'ulna, ja' jech xaval chac li'i: Jnaclumetic ta Judá, a'yo ava'ay acotolic c'usi chal li Muc'ul Diose, vo'oxuc ti cha'ochic tal, ti chtal avich'ic ta muc' li'i.

Ezequiel 34:7

‘Ja' yu'un, jchabichijetic, a'yo lec ava'yic li c'usi ta xcale.

Amós 7:16

Ja' yu'un, a'yo ava'ay c'usi chal li Muc'ul Diose. Li vo'ote jech chaval: ‘Mu xaval c'usi chc'ot ta pasel li' ta Israele; mu c'usi xaval ta sventa li smomnich'nab Isaaque’, xachi.

San Lucas 1:32

Ta to x'ich'at ta muc'. Ja' Xnich'on Dios ta vinajel, xi sbi chc'ot. Li Diose ta xac' ochuc ta ajvalilal jech chac c'u cha'al li smoltot David ta vo'onee.