Jeremías 21:9 - Bible in Tzotzil de Chenalhó with Deuterocanon

⁹ Li boch'o li' no'ox chcomic ta lume ta xlajic ta milel, ta vi'nal, o me ta chamel. Yan li boch'o ta xloc' batel, chbat yac' sbaic ta sc'ob li caldeaetic te setuojoxuque mu'yuc ta xcham, ja' chcuch to yu'un.

Bible in Tzotzil de Chamula

⁹ Ti buch'u li' ta xcom ta jteclume, ta xcham ta leto, mi ta vi'nal, mi ta jun muc' ta chamel. Ja'uc ti buch'u ta xbat snaban sba ta stojol ti caldeoetic ti yacal xa ta stsac ta leto ti jteclume, mu xchamic, ta to xc'ot ta pojel.

Jeremías 21:9 Iomraidhean Croise

Jeremías 14:12

Ac'o me chicta yiximic, pero mu'yuc ta xca'ibe sc'opic. Ac'o me chac'bicun ep chic'bil matanal xchi'uc yantic jmoton, mu'yuc ta jtsacbeic. Yo'to chcaq'uic ta milel ta espada, ta vi'nal, xchi'uc ta tsatsal chamel”, xi li Muc'ul Diose.

Jeremías 21:7

Ts'acal ta xcaq'uic ta sc'ob Nabucodonosor xchi'uc ta sc'ob yantic yajcontraic li ajvalil Sedequías ta Judae xchi'uc li xchi'iltac ta abtele xchi'uc li boch'otic chcolic to ta chamel, ta milel, xchi'uc ta vi'nale. Te ta xmilatic o ta espada. Me jutuc mu'yuc xa ta xcoltaatic, mu'yuc abul sba ch-ilatic; me jutuc mu'yuc xa c'uxubinel. Jech chcal vu'un li Muc'ul Diosune.

Jeremías 24:10

Xchi'uc ta jtacbe tal ta stojolic milel, vi'nal, xchi'uc chamel, ja' to me itu'p scotolic li' ta banamil ti bu cac'ojbeic xchi'uc li smoltotic ta vo'onee”, xi li Muc'ul Diose.

Jeremías 27:11

Yan li jun banamil ti chchuc ta snuc' li yabtejeb vacax chac' ajvalil ta Babiloniae ti chlic tunuc yu'une, te chcac' comuc o ta yosilal, te ch-abtej, te chnaqui o”, xi li Muc'ul Diose.

Jeremías 27:12

Vu'un li Jeremiasune, ja' jech lic calbe scotol ec li ajvalil Sedequiase, jech laj calbe: “Chuco ta anuq'uic li yabtejeb vacax yu'un ajvalil ta Babiloniae; tunanic yu'un xchi'uc li steclumale, jech cuxul chacomic.

Jeremías 27:13

¿Me yu'un ja' lec ti chacham ta pasc'op, ta vi'nal, xchi'uc ta chamel achi'uc scotol jchi'iltactic jech chac c'u cha'al yaloj Muc'ul Dios ta sventa li lum boch'o mu xac' sba ta sc'ob li ajvalil ta Babiloniae?

Jeremías 38:2

“Jech chal li Muc'ul Diose: ‘Li boch'o chcom to li' ta lume ta xcham ta milel, ta vi'nal, o me ta tsatsal chamel. Yan li boch'o ta xloc' batel chbat yac' sba ta sc'ob li caldeaetique, chich' iq'uel batel, ja' cuxul to chc'ot’, xi.

Jeremías 38:3

Jech chal noxtoc li Muc'ul Diose: ‘Li lum li'i ta persa ono'ox ta x'och ta sc'ob yajsoldadotac ajvalil ta Babilonia; ja' ta sventain o’, xi li Muc'ul Diose”, xi li Jeremiase.

Jeremías 39:18

Ta melel chajcoltaot, mu'yuc chalaj ta milel. Ja' no'ox chavich' iq'uel batel, yu'un laj apat avo'nton ta jtojol, xi li Muc'ul Diose’, uto”, x'utat li Jeremiase.

Jeremías 45:5

¿Me oy c'usi tsots sc'oplal chac'an ta aventa? Ja' lec mu xac'an, yu'un ta xcac' taluc tsots vocol ta stojol li boch'otic oy sbec'talique, pero li vo'ote ta xcac' ti cuxul chacom ti buyuc no'ox chabate’, xi li Muc'ul Diose”, xut.

Ezequiel 5:12

Li jnaclumetic avu'une jvoc' ta xchamic ta tsatsal chamel xchi'uc ta vi'nal te ta atojol. Li yan jvoq'ue ta xich'ic milel ta espada te ta apat axocon. Li yoxvoc'ale ta jpuquic batel ta xchanjotal xchiquin banamil. Ta jnutsic batel ta espada ta sva'lupatic.