Jeremías 21:7 - Bible in Tzotzil de Chenalhó with Deuterocanon

⁷ Ts'acal ta xcaq'uic ta sc'ob Nabucodonosor xchi'uc ta sc'ob yantic yajcontraic li ajvalil Sedequías ta Judae xchi'uc li xchi'iltac ta abtele xchi'uc li boch'otic chcolic to ta chamel, ta milel, xchi'uc ta vi'nale. Te ta xmilatic o ta espada. Me jutuc mu'yuc xa ta xcoltaatic, mu'yuc abul sba ch-ilatic; me jutuc mu'yuc xa c'uxubinel. Jech chcal vu'un li Muc'ul Diosune.

Bible in Tzotzil de Chamula

⁷ Ts'acal to un, ti Sedequías ajvalil yu'un ti jteclum Judae, ti yaj'opisialtaque, ti yaj'ac'-letotaque, ti c'u to yepal cuxul comic ta jteclum ti mu'yuc xchamic ta tsots chamele, ti mu'yuc xlajic ta letoe, xchi'uc ti mu'yuc xlajic ta vi'nale, ta xcac' ochuc ta yoc ta sc'ob ti Nabucodonosore, xchi'uc ta stojol yan yajcontra ti j'ech'el ta stsutsesvane. Ta jpas ta stojolic ti mu jutebuc oy syail xc'uxul o'ntonal ti espada xve' yu'unique. Ti vu'un Diosune, mu stselbuj ti jc'ope.

Jeremías 21:7 Iomraidhean Croise

Isaías 27:11

C'alal chtaquij li c'obc'ob te'etique, chlic c'asanuc ya'lel; te chtal li antsetique chtal stsobic sventa si'il sc'oq'uic. Yu'un li jun lum le'e mu sna'ic snopel, ja' yu'un li Jpasvanej yu'unique mu'yuc xa c'uxubinel, mu'yuc xa ts'icumal yu'un.

Isaías 47:6

Li'ilin to'ox yu'un li jteclume; laj caq'uic ta q'uexlal li jun banamil t'ujbil cu'une. Ja' yu'un laj cac'bot ta ac'ob, pero me jutuc muc xac'uxubin; laj avac'be xcuch alal icatsil avu'un li moletique.

Jeremías 13:14

Ta jlilin scotolic jech chac c'u cha'al bin ti chich' cheq'uiel ta yan bine. Ta xcac' slilin sba stuquic c'alal ta totiletic, c'alal ta nich'naletic. Mu'yuc ta jts'icbe o smulic, mu'yuc bu abul sba chquilic, mu'yuc bu chc'uxubajic o ta co'nton; j'ech'el ta xculesic o’, uto”, xiyutun li Muc'ul Diose.

Jeremías 14:12

Ac'o me chicta yiximic, pero mu'yuc ta xca'ibe sc'opic. Ac'o me chac'bicun ep chic'bil matanal xchi'uc yantic jmoton, mu'yuc ta jtsacbeic. Yo'to chcaq'uic ta milel ta espada, ta vi'nal, xchi'uc ta tsatsal chamel”, xi li Muc'ul Diose.

Jeremías 15:5

“¿Me yu'un oy to boch'o chaxc'uxubinot, Jerusalén? ¿Me yu'un oy to boch'o chat yo'nton avu'un? ¿Me yu'un oy to boch'o tsjac' c'u yu'un ti mu xa junuc avo'ntone?

Jeremías 15:9

Li me'iletic ti oy vucub yolique, ta xlic alubicuc, ta x'ayin ep svocolic. Ta xlic yalicuc o ta q'uexlal, ta na'leel. Li sac osil to'ox chilique, ta xc'ataj ta ac'ubal. Me oy to boch'o chcom yu'unique, ta xcac' lajicuc ta milel yu'un yajcontraic”, xi li Muc'ul Diose.

Jeremías 19:7

Li' ta banamil ta jlilinbe c'usitic snopojic li Judá xchi'uc Jerusalene. Ta xcac' lajicuc ta milel yu'un li yajcontraique; ta xcac' ochicuc ta sc'ob li boch'o ta xcontrainatic yu'une. Li sbec'talique ta xcac'be sti' xulemetic xchi'uc jti'val chonbolometic.

Jeremías 20:4

Yu'un jech yaloj li Muc'ul Diose: ‘Ta xcac' ti te chlic asibtas aba atuque xchi'uc ta xi'ic avu'un scotol li boch'o lec xac'opan aba achi'uque. Le'e te ta asat ta xlajic ta milel yu'un li avajcontraique. Jech noxtoc, scotol li jnaclumetic ta Judae ta xcac' ta sc'ob li ajvalil ta Babiloniae, jech chucbil chbatic ta Babilonia banamil, o me chich'ic milel comel.

Jeremías 22:25

Chacac'ot ta sc'ob li boch'o tsc'an ono'ox chasmilicote xchi'uc ta sc'ob li boch'o toj ep ono'ox chaxi' yu'une, ja' li Nabucodonosor ajvalil ta Babiloniae xchi'uc li caldeaetique.

Jeremías 27:6

Ja' yu'un li banamiletic li'i laj xa cac'be ta sc'ob li cajtunel Nabucodonosor ajvalil ta Babiloniae; cac'ojbe ta sc'ob scotol c'alal ta chonbolometic.

Jeremías 32:4

Li ajvalil Sedequiase mu'yuc ta xcol loq'uel ta sc'ob li caldeaetique; persa ta x'och ta sc'ob li ajvalil ta Babiloniae, ta persa ta xchi'in sbaic ta lo'il.

Jeremías 34:3

Li vo'ote mu'yuc chacol loq'uel ta sc'ob; ta ono'ox xaxchucot, ta ono'ox xa'och ta sc'ob. Ta persa chavilbe aba asatic, ta persa chac'opan abaic; persa ono'ox ic'bil chabat ta Babilonia.

Jeremías 36:29

Jech xavalbe li ajvalil Joacime: ‘Jech chal li Muc'ul Diose: Vo'ot laj achic' li balbil vune; laj avut noxtoc li Jeremías ti c'alal la sts'iba ti ta persa ta xtal li ajvalil ta Babiloniae ti chtal syavnaijes li avosilalique, ti mu'yuc cristianoetic, ti mu'yuc chonbolometic ta xcom yu'une.

Jeremías 37:17

Li ajvalil Sedequiase laj yal mantal ti ac'o yiq'uic batel te ta spasubmantal li Jeremiase. C'alal ic'ot ta stojol ajvalil li Jeremiase, li ajvalile te lic sjac'be ta mucul stuc, jech laj yalbe: —¿Me oy c'usi yaloj li Muc'ul Diose? —xut. Itac'ov li Jeremiase: —Oy. Ta ono'ox xa'och ta sc'ob li ajvalil ta Babiloniae —xut.

Jeremías 50:17

“Li israeletique ja' jech chac c'u cha'al ch'ayemal chijetic ti nutsbilic ta leonetique. Ba'yuc iti'atic yu'un li Asiriae, ja'o iti'atic yu'un li Nabucodonosor ajvalil ta Babiloniae; ja' la slajesbe c'alal ta sbaquilic.

Lamentaciones 2:20

Muc'ul Dios, q'uelavil, ¿me oy boch'o jech apasojbe? ¿Me yu'un xu' ti ja' li' chlic sti' yolic li antsetique? ¿Me xu' te chchamic ta ch'ulna avu'un li paleetic xchi'uc j'alc'opetique?

Lamentaciones 2:22

Ta buyuc xa no'ox laj avac' taluc li jvocole; ja' jech ital jech chac c'u cha'al li boch'otic chbatic ta q'uel q'uine. Muc'ul Dios, c'alal chlic sc'ac'al avo'nton li vo'ote, me junuc mu'yuc boch'o cuxul chcom. Li boch'otic la jts'ites, la jchanubtas leque, ilajic ta milel yu'un li cajcontrataque.

Ezequiel 23:28

“A'yo ava'ay c'usi chcal vu'un li Muc'ul Diosune: Ta xacac'ot ta sc'ob li yantic lum ti abajoj xae, ti x'ibet xa avo'nton yu'une.

Ezequiel 7:9

Me jutuc mu'yuc bu ta jts'icbot, mu'yuc chac'uxubaj ta co'nton. Ta xcac'bot atoj ti c'u x'elan stojol tsc'an avabtele. Chc'ot ta atojol scotol li c'usitic toj chopolic laj apase, jech chana' o ti vu'un jtuc Muc'ul Diosun chacac'bot atoje.

Ezequiel 8:18

Lec oy ti jech tspasique. Ta jpas cabtel jchi'uc sc'ac'al co'nton ec. Mu'yuc ta jpasbeic o perdón; mu'yuc chc'uxubajic ta co'nton. Ac'o me tsots ch-avanic ta jchiquin, mu'yuc ta jtuc'ulanbeic o”, xiyutun li Diose.

Ezequiel 9:10

Ja' yu'un me jutuc mu'yuc abul sba chquilic; persa ta xcac'be stojic li c'usi chopol la spasique”, xiyutun.

Deuteronomio 28:50

Li cristianoetic ta xtal ta atojolique toj xi'balic sba; mu x'ich'vanic ta muc'. Mu xich' ta muc' li banquilaletic avu'unique, xchi'uc me jutuc mu'yuc chc'uxubinic li ololetique.