Jeremías 21:6 - Bible in Tzotzil de Chenalhó with Deuterocanon

⁶ Ta jmilan scotol li jnaclumetic li' ta lume, c'alal ta cristianoetic, ta ats'unub avovolic ta xlajic ta tsatsal chamel.

Bible in Tzotzil de Chamula

⁶ Ta jmil scotol ti jnaclejetic yu'un ti jteclum li'e, ti viniquetique, xchi'uc ti chon bolometique, ta xchamic ta xi'bal chamel.

Jeremías 21:6 Iomraidhean Croise

Génesis 6:7

Jech laj yal: “Ta jtu'pbe o sts'unubal ta banamil li cristianoetic la jpase, xchi'uc scotol chonbolometic, xchi'uc li chonetic ti xquilet ta banamil chanove, xchi'uc li mutetique. Xco'laj xchi'uc ti manchuc la jpase”, xi.

Isaías 6:11

Jech la jac'be: “¿Jayib c'ac'al chjalij le'e Cajval?”, xcut. Jech la stac'bun: “Ja' to me laj yich' vuq'uesel scotol li lumetique, xchi'uc me mu'yuc xa boch'o te nacal oe, xchi'uc c'alal me xocol xa scotol li naetique, xchi'uc c'alal me icom jech chac c'u cha'al xocol banamil li yosilalique;

Jeremías 14:12

Ac'o me chicta yiximic, pero mu'yuc ta xca'ibe sc'opic. Ac'o me chac'bicun ep chic'bil matanal xchi'uc yantic jmoton, mu'yuc ta jtsacbeic. Yo'to chcaq'uic ta milel ta espada, ta vi'nal, xchi'uc ta tsatsal chamel”, xi li Muc'ul Diose.

Jeremías 16:4

Ta xchamic ta xc'uxul tsatsal chamel, ta milel, xchi'uc ta vi'nal. Mu'yuc boch'o chc'uxubaj yo'nton ta stojolic; mu'yuc boch'o tsmuc chpixic. Te no'ox busul chc'a'ic ta banamil jech chac c'u cha'al stso' chonbolometic. Li sbec'talique chtal ti'baticuc ta xulemetic xchi'uc ta chonbolometic ta te'tic”, xiyutun.

Jeremías 20:4

Yu'un jech yaloj li Muc'ul Diose: ‘Ta xcac' ti te chlic asibtas aba atuque xchi'uc ta xi'ic avu'un scotol li boch'o lec xac'opan aba achi'uque. Le'e te ta asat ta xlajic ta milel yu'un li avajcontraique. Jech noxtoc, scotol li jnaclumetic ta Judae ta xcac' ta sc'ob li ajvalil ta Babiloniae, jech chucbil chbatic ta Babilonia banamil, o me chich'ic milel comel.

Jeremías 32:24

“Li' ta orae spasoj xa lec stec'ubic ta patpat coralton li caldeaetique yu'un tspojic li lume. Li israeletique ta xa x'ochic ta c'abal ta scoj pleito, vi'nal, xchi'uc ta tsatsal chamel. Ja' xa li' chc'ot ta pasel ti jech ono'ox avaloje.

Jeremías 33:12

Li Muc'ul Dios ti tspas ta mantal scotol te ta vinajele jech chal noxtoc: “Li banamil li'i ti xocol comen, ti mu'yuc cristianoetic, ti mu'yuc chonbolometic, xchi'uc ti soquem scotol li lumetique, ta xlic ayinuc vomol a'maletic, yu'un ja' te chaq'uic ve'uc xchijic li jchabichijetique.

Jeremías 34:17

Ja' yu'un ja' jech chcal vu'un li Muc'ul Diosune: Ta sventa ti muc xach'unic c'usi laj cale, yu'un muc xacoltaic ta mozoil li achi'ilique, ja' yu'un vu'un ta jcolta tal pleito, vi'nal, xchi'uc ta tsatsal chamel ta atojolic; jech toj chopol ac'oplalic, toj q'uexlal abaic chcom ta stojol li yantic lumetique.

Jeremías 36:29

Jech xavalbe li ajvalil Joacime: ‘Jech chal li Muc'ul Diose: Vo'ot laj achic' li balbil vune; laj avut noxtoc li Jeremías ti c'alal la sts'iba ti ta persa ta xtal li ajvalil ta Babiloniae ti chtal syavnaijes li avosilalique, ti mu'yuc cristianoetic, ti mu'yuc chonbolometic ta xcom yu'une.

Jeremías 42:22

Ja' yu'un a'yo ava'yic, ti bu lumal anopoj chbat naclanique ta melel te chachamic ta espada, ta vi'nal, xchi'uc ta tsatsal chamel”, xi li Jeremiase.

Jeremías 7:20

Ja' yu'un jech chcal vu'un li Muc'ul Diosune, vu'un li Ajvalilune: Li sc'ac'al co'nton ta jmal li' ta banamile, ta jmal ta sba yac'ol cristianoetic, ta sba yac'ol chonbolometic, ta te', ta aq'uetic, xchi'uc ta sba yac'ol scotol li c'usitic chloc' li' ta banamile. Ta stsan jech chac c'u cha'al jun muc'ta tocalte', mu stac' tubel o”, xiyutun li Muc'ul Diose.

Ezequiel 12:16

Jutuc xa no'ox ta xcac' colicuc ta milel ta espada, ta vi'nal, xchi'uc ta tsatsal chamel; yu'un jech ac'o c'ot yilic te ta yantic lum ti toj chopol c'usi la spasique. Jech chlic sna'ic ti vu'un Muc'ul Diosune, xi li Diose’, uto”, xiyutun.

Ezequiel 14:13

“Vo'ot xnich'on cristiano, me oy jun banamil tsa' smul ta jtojol, me solel ja' tspas o li c'usi tsc'an yo'ntone, ta xcac' jc'ob ta stojol; ta xculesbe scotol li ve'lil oy yu'une; ta jtacbe tal tsots vi'nal; ta jmilbe scotol li yajvaltaque xchi'uc li chonbolometic yu'une.

Ezequiel 14:17

“Jech noxtoc me ta jtac batel muc'ta pleito ta banamil le'e, me ta xcal mantal ti ac'o yich'ic milel scotol li jnaclumetique xchi'uc li chonbolometique,

Ezequiel 14:19

Jech noxtoc me ta jtac batel tsots chamel ta banamil le'e, me chcal mantal ti ac'o chamicuc ta sc'ac'al co'nton li cristianoetic xchi'uc li chonbolometique,

Ezequiel 14:21

“Ja' yu'un jech chcal vu'un li Muc'ul Diosun ti Yajvalun scotole: ¿C'u to x'elan c'alal me ta jtac tal ta Jerusalén li chanchop vocol ti toj xi'balic sbae; ja' li milel ta espadae, li vi'nale, li jti'val chonbolometique, xchi'uc li tsatsal chamel sventa ta xcules o scotol li jnaclumetique xchi'uc li chonbolometique?

Ezequiel 33:27

“Jech xavalbe ya'yic noxtoc: ‘Jech chal li Cajvaltique, ja' li Muc'ul Diose: Ta xcal ta jamal ta sventa jbi, scotol li boch'otic te to nacajtic ta lumetic ti jinesbilic xae ta xmilatic ta espada. Li boch'otic te oyic batel ta te'tique ta xlajic ta chonbolometic; li boch'otic snac'oj sbaic batel ta tsatsal nailch'entique ta xchamic ta tsatsal chamel.

Ezequiel 33:29

C'alal me la jyavnaijes, me la jc'atajes o ta xocol banamil li yosilalic ta scoj ti toj chopol c'usi la spasique, jech tsna'ic o ti vu'un Muc'ul Diosune, xi li Diose’, uto.

Ezequiel 7:15

Ta pat lume oy milel ta espada; ta yut lume oy tsatsal chamel xchi'uc vi'nal. Li boch'o ta pat lum oyic batele te chlajic ta milel. Li boch'o te oyic ta yut lume te chchamic ta vi'nal xchi'uc ta chamel.

Oseas 4:3

Ja' yu'un ta xlic yat yo'nton li banamile; ta xyavinicajic li boch'otic te nacalique. Li chonbolometic ta te'tique, li mutetic ta vinajele, xchi'uc li choyetic ta nabe ta xchamic.

Miqueas 3:12

Ja' yu'un vo'oxuc ta amulic ti xco'laj xchi'uc locbil banamil chcom li Sione, ti puru tontic xa te busul chcom ta Jerusalene, xchi'uc ti chpix ta chopol ts'i'laletic li vits yo' bu oy ch'ulnae.

Sofonías 1:3

Ta xcules li cristianoetique xchi'uc li chonbolometique; ta xcules li mutetique xchi'uc li choyetic ta nabe. Ta jbul loq'uel li chopol cristianoetique; ta xcules o scotol li cristianoetic li' ta sba banamile”, xi li Muc'ul Diose. Jech chal noxtoc li Muc'ul Diose:

San Lucas 21:24

Oy ta xmilatic ta espada. Oy chucbil chbatic ta yantic banamil. Li lum Jerusalén li'i chlaj ta pech'el ta teq'uel yu'un yanlum cristianoetic, ja' to me its'aqui sc'ac'alil yu'unique.