Jeremías 21:5 - Bible in Tzotzil de Chenalhó with Deuterocanon

⁵ Vu'un jtuc ta jtsacoxuc ta pleito ta jvu'el, jtsatsal, ta tsots sc'ac'al co'nton.

Bible in Tzotzil de Chamula

⁵ Ti bu xa c'alal ti stilemal sc'ac'al co'ntone, lamal ta xc'ot ta atojolic cu'un ta scontraineloxuc.

Jeremías 21:5 Iomraidhean Croise

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Éxodo 9:15

Li vu'une xu' cu'un chacac'bot avil jvu'el, xu' cu'un chacac'bot atoj amul xchi'uc scotol achi'iltac ti jechuc ta jc'ane, jech ta x'ul o ats'unubal li' ta banamil ti jechuque.

Isaías 10:4

Mu'yuc xa c'usi xu' avu'unic; ja' no'ox te xamutste-mutsteic xchi'uc li yan jchuqueletique. Te chachi'inic ta lajel li boch'otic chamenic xae. Pero mu ono'ox xlaj o sc'ac'al yo'nton li Diose; te staoj yav sye'oj o sc'ob.

Isaías 5:25

Ja' yu'un li Muc'ul Diose ilic sc'ac'al yo'nton ta stojol li steclumale; la stoy sc'ob ta stojolic sventa chac'be stoj smulic. Inic li vitsetique; li sbec'talique te icoman ta xoraltic jech chac c'u cha'al c'a'ep, pero li Muc'ul Diose muc ono'ox x'ech' o li sc'ac'al yo'ntone; te to stoyoj o li sc'obe.

Isaías 63:10

Pero li stuquique la stoy sbaic ta stojol; laj yaq'uic ilinuc sjol yo'nton li ch'ul Diose, jech ic'atajic ta yajcontra, lic tsacaticuc ta c'op.

Isaías 9:12

Chliquic tal ta sloq'ueb c'ac'al, ja' li siriaetique; chliquic tal ta smaleb c'ac'al, ja' li filistaetique. Jxoxel no'ox ta eil chac'beic li Israele. Pero mu ono'ox xpaj o sc'ac'al yo'nton li Muc'ul Diose; te to staoj yav sye'oj o sc'ob.

Isaías 9:17

Ja' yu'un li Muc'ul Diose muc xc'uxubin li queremetic yu'unique; mu'yuc abul sba laj yil li me'on ololetic xchi'uc li me'on antsetique. Yu'un scotolic toj chopolic, bolibenic ta jyalel; scotolic puru chopol c'usi chloc' ta yeic. Pero li Muc'ul Diose muc ono'ox x'ech' o li sc'ac'al yo'ntone; te to staoj yav sye'oj o sc'ob.

Isaías 9:21

Li Manasese tscontrain li Efraine; li Efraine chac'be ec li Manasese. Jech noxtoc xcha'chopalic chbat scontrainic li Judae, pero mu ono'ox xpaj o sc'ac'al yo'nton li Muc'ul Diose; te staoj yav sye'oj o sc'ob.

Jeremías 32:17

Cajval, Muc'ul Dios, vo'ot laj apas li vinajel banamil ta avu'el ta atsatsal, ta avoc ta ac'obe. Mu'yuc c'usi tsots chava'ay li vo'ote.

Jeremías 32:37

A'yo ava'ay, ta to xlic jtsobic sutel tal ta scotol banamil ti bu la jpuquic batel ta scoj li sc'ac'al co'nton ti toj xi'bal sbae. Ta xquiq'uic sutel tal li' ta banamil, jun yo'ntonic li' ta xcac' naquiicuc yan velta.

Jeremías 36:7

Naca me jech chlic sc'opanic li Muc'ul Diose, jech xu' chlic scomtsanic li chopol be stamojic jujunique. Yu'un toj tsots ch-ilin, toj tsots liquem sc'ac'al yo'nton ta stojolic li Muc'ul Diose”, xut.

Jeremías 37:10

Ac'o me chatsalic scotol li soldadoetic yu'un caldeaetique, pero oy to ono'ox boch'o cuxul ta xcomic ti yayijemic xa avu'unique; ja' ta xliquic tal te ta scarpanaic, ja' chtal yac'beic sc'ac'al li lum li'i’, xi li Muc'ul Diose”, xut batel li j'almantaletic yu'un ajvalile.

Jeremías 6:12

Li snaic, li yosilic, xchi'uc li yajnilique ta xcac' batuc ta yan, yu'un ta xcac' jc'ob sventa ac'o yich' stojol smulic li jnaclumetic li' ta avosilalique, xichi vu'un li Muc'ul Diosune”, xi.

Lamentaciones 2:3

Ta yipal sc'ac'al yo'nton la slajesbe stsatsal li Israele. C'alal itsacat yu'un li yajcontraique, li Muc'ul Diose la sloq'ues batel li svu'el ta stojolique; xco'laj xchi'uc laj yac' tal c'oc' te ta stojol li Jacobe, jech la xchic' scotol li c'usitic la stae.

Ezequiel 39:3

Ts'acal ta jc'asbot li st'ilesubil aflecha te atsacoj ta ats'etc'obe; ta jipbot yalel li flechaetic te atsacoj ta abats'ic'obe.

Ezequiel 5:8

ja' yu'un, vu'un li Muc'ul Diosune ta xic'ataj ta avajcontra ec li vo'ote, Jerusalén. Ta sat scotol yantic banamil ta xcac' atoj amul.

Deuteronomio 4:23

Pero bijanic me. Mu me xch'ay ta avo'ntonic li c'usi la xchapan Muc'ul Dios ta atojolique. Mu me c'usi xapasbeic sloc'obal jech chac c'u cha'al laj yalboxuc Muc'ul Dios cu'untic ti mu xu' chapasique.

Deuteronomio 4:34

¿Me oy jech yan Dios la st'uj jun lum ta scotol yantic lumetic, xchi'uc ti la spas tsots senyailtac, xchi'uc sq'uelubiltac, xchi'uc muc'tic pleitoetique? Jac'o ava'yic me oy bu ivinaj tsots svu'el, xchi'uc me oy c'usi tsots la spas ti xi'balic sba jech chac c'u cha'al la spas ta atojolic te ta Egipto li Muc'ul Dios cu'untique.