Jeremías 21:12 - Bible in Tzotzil de Chenalhó with Deuterocanon

¹² Smomnich'nab ajvalil David, ja' jech chayalboxuc li Muc'ul Diose: Oc'ome liquesic me spasel li c'usitic tuq'ue; coltaic loq'uel ta sc'ob j'uts'intavanejetic li boch'o uts'intabilique. Mu me ta scojuc toj chopol avabtelic ti tstsan jech chac c'u cha'al c'oc' li sc'ac'al co'ntone, ti mu'yuc xa boch'o xu' tstu'p oe.

Jeremías 21:12 Iomraidhean Croise

2 Samuel 8:15

Li Davide ja' lic sventain scotol li israeletique. Lec tuc' ichapanvan; lec ibat scotol yabtel ta stojol li israeletique.

Job 29:17

Vu'un la jc'asbe sts'uts'upic li boch'otic chopolique; vu'un la jpojbeic li c'usi stsacojic xa'oxe.

Salmos 101:8

Ta jujun c'ac'al ta xcules li' ta cosilal li boch'otic chopolique; ta jpits loq'uel li' ta lum yu'un Muc'ul Dios li boch'otic chopol c'usitic tspasique.

Éxodo 18:13

Ta yoc'omal te lic chotluc li Moisese; la xchapanbe sc'opic li israeletique. Sbejel c'ac'al te oyic o ta stojol li Moisese.

Isaías 1:17

Ja' chanic spasel li c'usitic leque; ja' sa'ic li c'usitic tuq'ue; coltaic li boch'o uts'intabilique, tuc' xachapanic li boch'o mu'yuc stot sme'ique; va'ano abaic ta scoltael li me'on antsetique”, xi li Muc'ul Diose.

Isaías 1:31

Li boch'otic tsnop ti lec xu' yu'unique ja' jech chc'otic jech chac c'u cha'al taqui jobel; li yabtelique chc'ataj ta nich c'oc'. Xcha'chopal chlic tsanuc; mu'yuc xa boch'o xu' yu'un tstu'p o”, xi li Muc'ul Diose.

Isaías 7:13

Jech lic yal li Isaiase: “A'yo ava'ay, vo'ot smomnich'onot li muc'ta ajvalil Davide. ¿Me mu xu' o chava'ay ti chavac'be svocol li jchi'iltactique? ¿Me chac'an chavac'be svocol noxtoc li Dios cu'une?

Isaías 7:2

Li a'yej le'e bat yalbeic li ajvalil Acaz xchi'uc yalab xnich'nabe, ja' li smomnich'nab David ta vo'onee: “Li Siriaetique jmoj chtalic xchi'uc li efrainetique”, xutic. C'alal laj ya'yique, iniquic ta xi'el scotolic jech chac c'u cha'al chnic muc'tic te' ta tsatsal ic'.

Jeremías 17:4

Ta xcac' acomtsan li banamil cac'ojbote, yu'un ja' chbat tunan yu'un avajcontra te ta yan banamil ti mu xavotquine, yu'un laj avac' tsanuc sc'ac'al co'nton jech chac c'u cha'al c'oc' ti mu xtu'p oe”, xi li Muc'ul Diose.

Jeremías 21:5

Vu'un jtuc ta jtsacoxuc ta pleito ta jvu'el, jtsatsal, ta tsots sc'ac'al co'nton.

Jeremías 23:19

Li sc'ac'al yo'nton Muc'ul Diose ja' jech chac c'u cha'al tsatsal ic'al vo'; ja' jech chac c'u cha'al sutub ic', te sututet chc'ot ta stojolic li boch'o chopolique.

Jeremías 23:2

Ja' yu'un li Muc'ul Diose, ja' li Dios yu'un Israele, jech chal ta sventa li jchabichijetic ti ja' chchabibeic steclumale: “Vo'oxuc laj apuquic batel li jchijtaque; vo'oxuc laj asibtasic batel, yu'un muc xachabiic lec. Ja' yu'un ta xcac'boxuc atoj amulic ta scoj ti chopol avabtelique. Jech chcal vu'un li Muc'ul Diosune.

Jeremías 23:5

Li Muc'ul Diose jech chal: “Ta to sta sc'ac'alil ta xcac' loc'uc jun sq'uelum David ti lec tuc' yo'ntone; ja' ta xlic ochuc ta ajvalilal. Ta sventa sbijil ta xlic spas mantal; lec tuc' ta xlic chapanvanuc li' ta banamil.

Jeremías 36:7

Naca me jech chlic sc'opanic li Muc'ul Diose, jech xu' chlic scomtsanic li chopol be stamojic jujunique. Yu'un toj tsots ch-ilin, toj tsots liquem sc'ac'al yo'nton ta stojolic li Muc'ul Diose”, xut.

Jeremías 4:4

Vinic antsetic ta Judá, jnaclumetic ta Jerusalén, ich'ic circuncisión ta avo'ntonic ta jventa vu'un li Muc'ul Diosune. Loq'uesic li c'usi macal o, li c'usi pixil o avo'ntonique; yu'un naca me stsan jech chac c'u cha'al c'oc' li sc'ac'al co'nton ta scoj amulique, yu'un mu'yuc boch'o xu' yu'un tstu'p o.

Jeremías 44:22

Yu'un muc xa sts'ic yu'un laj ya'ay ti toj chopol c'usi chapasique, ja' yu'un li avosilalique la syavnaijes. Toj xi'bal sba ta q'uelel, chopol sc'oplal o; mu'yuc yajval icom o jech chac c'u cha'al li' ta orae.

Jeremías 5:14

Ja' yu'un jech chal li Muc'ul Dios ti tspas ta mantal scotol te ta vinajele: “Ta sventa ti jech chc'opojic ta jtojole, ta xcac'bot ta ave li jc'ope; ja' jech chc'ot jech chac c'u cha'al c'oc'. Li achi'iltaque ja' jech chc'otic jech chac c'u cha'al si'; ja' ta xchic'atic o yu'un li c'oq'ue”, xi.

Jeremías 5:28

Solel iju'p xchi'uquic o, xja'te-ja'te xa lec li snuculilique. Solel ijelov ta bis li smulique. Mu'yuc tuc' chchapanic li me'on ololetique; mu'yuc tscoltaic li me'onetique.

Jeremías 7:20

Ja' yu'un jech chcal vu'un li Muc'ul Diosune, vu'un li Ajvalilune: Li sc'ac'al co'nton ta jmal li' ta banamile, ta jmal ta sba yac'ol cristianoetic, ta sba yac'ol chonbolometic, ta te', ta aq'uetic, xchi'uc ta sba yac'ol scotol li c'usitic chloc' li' ta banamile. Ta stsan jech chac c'u cha'al jun muc'ta tocalte', mu stac' tubel o”, xiyutun li Muc'ul Diose.

Jeremías 7:5

‘Me chatuq'uibtas atalelic xchi'uc avabtelique, me melel, me tuc' c'usi chapasbe li achi'ilique,

Lamentaciones 4:11

Yu'un tsots i'ilin li Muc'ul Diose, la sloq'ues tal scotol li sc'ac'al yo'ntone; jech la stsanbe tal sc'ac'al li Sione; la xchic'be o c'alal ta snacleb.

Ezequiel 22:31

Ja' yu'un ta jloq'ues sc'ac'al co'nton ta stojolic, ta x'ulic ta sc'ac'al co'nton, ta xcac'be xcuch stuquic li c'usi la spasique’, uto”, xiyutun li Muc'ul Diose.

Levítico 26:28

jech ec li vu'une ta jcontrainoxuc ec; ta xlic ep sc'ac'al co'nton avu'unic, jech chacac'boxuc to yan vucub velta stojol li amulique.

Nahúm 1:6

¿Me oy boch'o xcuch yu'un c'alal me i'iline? ¿Me oy boch'o lec va'al chcom c'alal me itsan sc'ac'al yo'ntone? Li sc'ac'al yo'ntone ta spuc sba batel jech chac c'u cha'al c'oc', jech ta x'unijan scotol li ch'entique.

Sofonías 1:18

Me la sta sc'ac'alil chlic sc'ac'al yo'nton li Muc'ul Diose, mu'yuc boch'o xu' tspoj sba ta c'anal taq'uin o me ta saquil taq'uin, yu'un sbejel banamil ta xchic' c'alal chlic sc'ac'al yo'nton li Muc'ul Diose; ta xchic' scotol li banamile. Ta jliquel no'ox xu' ch-ulic scotol li jnaclumetic li' ta banamile.

Sofonías 3:5

Pero li Muc'ul Diose tuc' c'usi tspas te ta lum, mu ja'uc tspas li c'usi muc tuc'uque. Ta jujun sob chac' ta ilel ti tuc' c'usi tspase; mu'yuc bu chquechan o spasel junuc velta. Pero li chopol cristianoe mu xotquin q'uexlal ta scoj li smule.

San Lucas 1:69

Yu'un la stacbutic tal Jcoltavanej cu'untic ti toj ech'em stsatsale; ja' te iloc' ta smomnich'on David, ja' li yajtunele.

Romanos 13:4

Yu'un ja' yajtunel Dios li ajvaliletique, ja' sventa alequilalic. Pero me chopol c'usi chapasique, xi'anic me, yu'un mu alticuc ti oy ta sc'ob yabtejebique. Yu'un ja' yajtunel Dios; ja' oy ta sventa chac'be stoj smul li boch'otic chopol c'usi tspasique.

Deuteronomio 32:22

Li sc'ac'al co'ntone tsanem jech chac c'u cha'al c'oc'. Ta to stsan batel c'alal to ta yavil animaetic. Ta xchic' li banamile xchi'uc li sat c'usi ch'iemique. Ta xac'be sc'ac'al li snaclebtac vitsetique.