Jeremías 21:11 - Bible in Tzotzil de Chenalhó with Deuterocanon

¹¹ ‘Smomnich'nab ajvalil ta Judá: A'yo ava'yic c'usi chal li Muc'ul Diose:

Bible in Tzotzil de Chamula

^11-12 ‘A'yio la ava'i sc'opojel ti Diose, xavut ya'i ti buch'utic smacojic ta sventainel ti Judae, sts'unubal ti Davide. Xachi xavalbe ya'iique: Scotoluc c'ac'al va'ano aba ta pojvanej. Tic'o aba ta spojel ti buch'u mu x'ech' svocolic yu'un ti j'ilbajinvaneje, naca mi ta scojuc xchopolil ajol avo'nton xu' ta xlic tiluc sc'ac'al co'nton jech c'u cha'al junuc c'oc' ti mu'yuc buch'u xtub yu'une.

Jeremías 21:11 Iomraidhean Croise

Jeremías 13:18

“Jech xavalbe ya'ay li ajvalile xchi'uc li sme'e: ‘Biq'uit xavac' abaic; mu xa me xachotiic ta achotlebic; chotlanic xa no'ox ta lumtic, yu'un li acoronaic sventa ich'biloxuc o ta muq'ue yalem xa ta banamil.

Jeremías 17:20

Jech xavalbe ya'yic: ‘Ajvaliletic ta Judá xchi'uc acotolic jnaclumetic ta Jerusalén ti cha'ochic batel li' ta ti'coraltone, a'yo ava'yic c'usi chal li Muc'ul Diose.

Jeremías 21:12

Smomnich'nab ajvalil David, ja' jech chayalboxuc li Muc'ul Diose: Oc'ome liquesic me spasel li c'usitic tuq'ue; coltaic loq'uel ta sc'ob j'uts'intavanejetic li boch'o uts'intabilique. Mu me ta scojuc toj chopol avabtelic ti tstsan jech chac c'u cha'al c'oc' li sc'ac'al co'ntone, ti mu'yuc xa boch'o xu' tstu'p oe.

Jeremías 22:1

Jech laj yalbun li Muc'ul Diose: “Batan ta spasubmantal li ajvalil ta Judae; albo ya'ay li c'usi chacalbote.

Jeremías 22:18

Li Muc'ul Diose jech chal ta sventa li Joaquim xnich'on Josías, ajvalil ta Judae: “Me jutuc mu'yuc boch'o ta xoc'ta ti c'alal chchame. Mu'yuc boch'o ta xat yo'nton; mu'yuc boch'o jech ta xal: ‘¡Ay, quits'in! ¡Ay, quixlal! ¡Ay, cajval! ¡Ay, muc'ta ajvalil!’, mu'yuc boch'o xi.

Miqueas 3:1

Jech chcal: A'yo ava'yic, jpasmantaletic ta stojol smomnich'nab Jacob, banquilaletic ta stojol smomnich'nab Israel, ¿Me mu ja'uc oy ta aventaic spasel li c'usitic tuq'ue?