Jeremías 21:10 - Bible in Tzotzil de Chenalhó with Deuterocanon

¹⁰ Yu'un jnopoj xa o ti chcac'be tal svocol li lum li'i; mu'yuc lec c'usi chtal ta stojol. Yu'un ta ono'ox x'och ta sc'ob li ajvalil ta Babiloniae; ta xchic' ta c'oc'’, xi li Muc'ul Diose.

Bible in Tzotzil de Chamula

¹⁰ Loc' ayan xa ta co'nton ta joybij ta chopol ti oy ox c'usi lec ta sta ti jteclum li'e. Ta xcac'be ta yoc ta sc'ob ti ajvalil yu'un jteclum Babilonia ti ac'o sbain ta spajbel ti sc'ac'ale. Ti vu'un Diosune, mu stselbuj ti jc'ope.

Jeremías 21:10 Iomraidhean Croise

2 Crónicas 36:19

Jech noxtoc la xchiq'uic comel li ch'ulnae; la sjinesic comel li coralton yu'un Jerusalene. Laj yac'beic comel sc'ac'al li pasubmantaletic yu'unique, xchi'uc laj yulesic o comel li c'usitic toyolic stojole.

Salmos 34:16

Yan li boch'o chopol c'usi tspasique ja' chopol ch-ilatic yu'un li Muc'ul Diose, yu'un jech ac'o ch'ayuc o sc'oplalic ta banamil.

Jeremías 17:27

Pero me mu xach'unic ti tsc'an chavoc'bicun o li sc'ac'alil chacux avo'ntonique, ti tsc'an mu xacuchic ochel avicatsic ta sti' li coraltonetic ta Jerusalene, ta jtsanbe sc'ac'al li ti'coraltonetique xchi'uc scotol li naetic ta Jerusalene, me jutuc mu xtu'p o’, uto”, xi li Muc'ul Diose.

Jeremías 26:6

li ch'ulna li'i ja' jech ta jpasbe jech chac c'u cha'al la jpasbe ono'ox te ta Siloe. Ja' sq'uelubil ta xc'ot ta scotol yantic lumetic ti chopol sc'oplal chcom o li lum li'i’, uto”, x'utat yu'un li Muc'ul Diose.

Jeremías 33:5

Ja' ti chtal yich' contrainel yu'un li caldeaetique, ti nojem chcom ta animaetic yu'unique. Vu'un ta xcac' chamicuc ta sc'ac'al co'nton. Jech ta jmac jsat ta stojolic ta scoj ti toj chopol c'usitic tspasique.

Jeremías 34:2

“Vu'un li Muc'ul Diosun yu'un Israele jech chacalbot: Batan ta stojol li Sedequiase jech xc'ot avalbe: ‘Jech chayalbot li Muc'ul Diose: Li lum li'i ta xcac'be ta sc'ob li ajvalil ta Babiloniae; ta xchic' ta c'oc'.

Jeremías 34:22

Ta jtac sutel tal yan velta li' ta alumalique, yu'un ac'o tal scontrain, ac'o tal ochicuc, ac'o xchiq'uic ta c'oc'. Li lumetic li' ta Judae xocol ta jcomtsan, mu'yuc yajval chcom. Vu'un chcal jtuc, vu'un li Muc'ul Diosune”, xi.

Jeremías 38:17

Li Jeremiase jech laj yalbe li ajvalil Sedequiase: —Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chayalbot: ‘Me chavac' aba ta ora ta sc'ob li banquilaletic yu'un ajvalil ta Babiloniae, mu'yuc chachamic achi'uc li avalab anich'nabe; jech noxtoc li lum li'i mu'yuc ta xich' chiq'uel ta c'oc'.

Jeremías 38:18

Yan me mu xavac' aba ta sc'ob li banquilaletic ta Babiloniae, ta persa chich' chiq'uel ta c'oc' li lum li'i, ja' no'ox jech ec li vo'ote mu xu' avu'un chapoj aba ta sc'obic’, xi li Diose —xut.

Jeremías 38:23

Li Jeremiase jech to laj yalbe li ajvalile: —Scotol li avajniltac xchi'uc li anich'nabtaque ta x'ochic ta sc'ob li caldeaetique. Li vo'ote mu'yuc ono'ox chacol loq'uel ta sc'obic ec; ta persa ono'ox cha'och ta sc'ob li ajvalil ta Babiloniae, xchi'uc ta persa ono'ox ta xich' chiq'uel li lum li'i —xut.

Jeremías 38:3

Jech chal noxtoc li Muc'ul Diose: ‘Li lum li'i ta persa ono'ox ta x'och ta sc'ob yajsoldadotac ajvalil ta Babilonia; ja' ta sventain o’, xi li Muc'ul Diose”, xi li Jeremiase.

Jeremías 39:16

“Jech xatac ta albel li Ebed-melec etiope vinique: ‘Li Muc'ul Dios ti tspas tal mantal scotol te ta vinajele, ja' li Dios yu'un Israele, jech yaloj: A'yo ava'ay, ta ono'ox xcac' c'otuc ta pasel c'usi caloj ta sventa li lum li'i; ja' sventa svocol, mu ja'uc sventa lequilal. C'alal me ic'ot ta pasele, chavil lec ta asat.

Jeremías 39:8

Li caldeaetique laj yac'beic sc'ac'al li spasubmantal ajvalile xchi'uc scotol li naetic te ta lume, xchi'uc la sjinesic li coraltonetic yu'un Jerusalene.

Jeremías 44:11

‘Ja' yu'un jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: Nopbil xa cu'un ti ta xcac' tal avocolic, ti ta xcules o scotol li Judae.

Jeremías 44:27

Yu'un ta ono'ox xcac' tal tsots avocolic; muc alequilalicuc ta xcac' tal. Vo'oxuc ti te nacaloxuc ta Egiptoe chalajic ta milel, chalajic ta vi'nal, ja' to me la'ul acotolique.

Jeremías 52:13

La xchic' comel li ch'ulna yu'un Muc'ul Diose, xchi'uc li spasubmantal ajvalile, xchi'uc scotol li naetic ta Jerusalene xchi'uc li muc'tic naetique.

Ezequiel 15:7

Vu'un ta jcontrainic. Ac'o me chcolic to loq'uel ta c'oc', pero ta ono'ox xc'aq'uic ta yan c'oc' noxtoc. C'alal ta xlic jcontrainique, ja' to te chlic sna'ic o ti vu'un Muc'ul Diosune.

Ezequiel 24:11

Te ac'o comuc o ta ac'altic li xocol bine; te ac'o tsajubuc ta c'oc', ja' to jech xu' chloc' scotol li yic'ubale, jech xu' chc'ac' scotol.

Levítico 17:10

“Me oy boch'o ta sti' ch'ich', me israel, o me yanlum ti te co'ol nacaloxuc achi'uquique, ta jcontrain li boch'o jech ta spase. Ta jtu'pbe sts'unubal te ta atojolic.

Levítico 26:17

Ta xlic jcontrainoxuc, jech tsalbil chac'otic yu'un li avajcontraique. Ja' chlic spasoxuc ta mantal li boch'otic chopol to'ox chavilique. Xchi'uc jech no'ox chajatovic batel, ac'o me mu'yuc boch'o chtal snutsoxuc.

Amós 2:5

Ja' yu'un ta xcac'be sc'ac'al li Judae, jech ta xc'ac' o li pasubmantaletic ta Jerusalene”, xi li Diose.

Amós 9:4

Me chucbil chbatic yu'un li yajcontraique, te ta jtac batel milel ta espada ta stojolic noxtoc. Yu'un ta jq'uelbe o slajebic, mu'yuc ta jcoltaic”, xi li Diose.

Zacarías 1:6

Pero li jc'op xchi'uc li jmantaltac laj calbeic li cajtuneltac, ja' li j'alc'opetique, ic'ot ono'ox ta stojol li amoltot ayame'ique, jech isutic tal ta jtojol. La sna'ic ti vu'un Muc'ul Diosune, ti ja' jech la jpasbeic jech chac c'u cha'al stojol tsc'an li yabtelique xchi'uc li c'usitic la spasique’, uto”, xi li Muc'ul Diose.