Jeremías 20:4 - Bible in Tzotzil de Chenalhó with Deuterocanon

⁴ Yu'un jech yaloj li Muc'ul Diose: ‘Ta xcac' ti te chlic asibtas aba atuque xchi'uc ta xi'ic avu'un scotol li boch'o lec xac'opan aba achi'uque. Le'e te ta asat ta xlajic ta milel yu'un li avajcontraique. Jech noxtoc, scotol li jnaclumetic ta Judae ta xcac' ta sc'ob li ajvalil ta Babiloniae, jech chucbil chbatic ta Babilonia banamil, o me chich'ic milel comel.

Bible in Tzotzil de Chamula

⁴ Yu'un ti Diose xi ta xale: ‘Ta xc'ot ta pasel cu'un ti atuc no'ox ta xasibtas abae, xchi'uc ti ta xi'ic avu'un ti buch'utic lec xavil aba xchi'uque. Ta aba ta asat, ta xavil ta xlajic ta milel yu'un scontraic ti buch'utic lec xavil aba xchi'uque. Scotol ti jnaclejetic yu'un ti jteclum Judae, ta xcac' ech'el ta yoc ta sc'ob ti ajvalil yu'un ti Babiloniae yo' jech bec'bil ta xbatic ta Babilonia, mi mo'oje, espada xve' yu'unic.

Jeremías 20:4 Iomraidhean Croise

2 Reyes 25:7

Laj yal mantal noxtoc ti te ta sat Sedequías ac'o yich' c'ocbel sjol li xnich'nabe. Ts'acal lic sloq'uesbeic sbec' sat ec li Sedequiase. Chucul ta cadena laj yiq'uic batel ta Babilonia.

Salmos 73:19

Anil no'ox xu' chchamic; ta xi'el no'ox xu' chlajic, jech ta xch'ayic o batel.

Jeremías 13:10

Li chopol cristianoetic li'i, ti mu sc'an xa'ibicun jc'ope, ti ja' lec cha'yic o spasel li c'usi lec cha'ay stuquique, ti ja' bat yich'ic o ta muc', bat tunicuc yu'un, bat squejan sbaic ta stojol li yantic diosetique, ja' jech ta xc'otic jech chac c'u cha'al li achuc li'i ti mu'yuc xa c'usi stu oe.

Jeremías 13:19

Li lumetic ta Negueve setubilic xa; mu'yuc xa boch'o xu' chjelovic te. Scotol li judaetique ibatic xa ta yan banamil; chucbil ibatic, mu'yuc boch'o icom o.

Jeremías 19:15

“Li Muc'ul Dios ti tspas ta mantal scotol te ta vinajele, ja' li Dios yu'un Israele, jech ta xal: ‘Ta jtacbe tal tsots vocol li lum li'i xchi'uc li yantic lumetic li' ta spat xocone jech chac c'u cha'al jnopoj ono'oxe, yu'un solel stsatsubtasoj o yo'ntonic, mu sc'an xch'unic o li c'usi chcale’, xi li Muc'ul Diose”, xut.

Jeremías 20:6

Jech ec li vo'ote Pasur, chavich'ic chuquel batel ta Babilonia ajunulic ta na. Te chachamic o; te chavich'ic muquel achi'uc li boch'otic lec xac'opan aba achi'uc ti laj avalbe ya'yic c'usi chc'ot ta pasel ti mu meleluque’, xi li Muc'ul Diose”, xut.

Jeremías 25:9

a'yo ava'yic, ta jtac tal ta atojolic scotol jaychop cristianoetic te ta norte xchi'uc li cajtunel Nabucodonosor ajvalil ta Babiloniae. Ja' chtal yochentaic li avosilale xchi'uc li jnaclumetic li'i, xchi'uc li yantic lumetic li' ta spat xocone. Ta xcules o ta j'ech'el. Solel ta jyavnaijes o; j'ech'el chcac' o ta labanel, ta na'leel.

Jeremías 29:21

“Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chal ta sventa li Acab xnich'on Colaiase xchi'uc ta sventa li Sedequías xnich'on Maasías ti chayalboxuc ti vu'un ta jventa chc'opoj scuyojique: ‘Le'e ta xcac' ta sc'ob ajvalil Nabucodonosor ta Babilonia; te ta atojolic ta smilan.

Jeremías 46:5

“Pero oy c'usi chquil: Solel chlajic ta xi'el; tsutic xa ta sva'lupatic. Li boch'otic toj tsots yo'ntonique muc xvinaj c'uxi ibatic. Ijatovic batel ta anil, me jutuc mu xa sq'uel sva'lupatic; puru xi'el xa no'ox cha'yic ta jujujot.

Jeremías 52:24

Li banquilal soldado yu'un ajvalil ta Babiloniae la xchuc batel noxtoc li banquilal pale Seraiase xchi'uc li Sofoniase, ja' li xchibal banquilal palee, xchi'uc li oxib viniquetic ti tsots yabtelic ta xchabiic ch'ulnae.

Jeremías 6:25

Mu xa me xaloq'uic batel; mu xa me xaxanovic ta bebetic, yu'un xi'balic no'ox sba ta jujujot, yu'un li cajcontratique chapalic xa sventa chismilutic”, xiic.

1 Samuel 2:33

Pero ta to jcomtsan jun aquerem te ta scajleb jmoton, pero ja' no'ox chayac'bot avat avo'nton xchi'uc avocol. Scotol li boch'otic chvoc'an avu'unique ta yololalic no'ox chchamic.