Jeremías 2:8 - Bible in Tzotzil de Chenalhó with Deuterocanon

⁸ Li paleetique la xch'ayicun o ta yo'ntonic; li jchanubtasvanejetic sventa jmantale mu xa sna'icun; li banquilaletique solel la stoy sbaic o ta jtojol. Li j'alc'opetique ja' xa ic'otic ta j'alc'op yu'un li Baale, yu'un ja' te ibatic o ta stojol li diosetic ti mu'yuc stue.

Bible in Tzotzil de Chamula

⁸ Ti paleetique, laj ta alel yu'unic ti ta sa'icune. Ti jtojobtasvanejetic yu'un ti jteclumale, mu'yuc laj yaq'uicun ta venta. Ti banquilaletique laj stoy sbaic ta scontrainelun. Ti j'alc'opetic une, c'ajomal no'ox oy ta ye ta sti'ic ta stoybel sc'oplal ti Baale. Bat snaban sbaic ta stojol ti c'usitic loc'tabile, ti mu'yuc c'usi xu' yu'unique.

Jeremías 2:8 Iomraidhean Croise

1 Reyes 18:22

Li Eliase jech laj yal noxtoc: —C'ajumal xa jtuc cuxulun, vu'un li yaj'alc'opun Muc'ul Diose; yan li j'alc'opetic yu'un Baale oy o'lol yo'bal (450) ciento.

1 Reyes 18:29

C'alal its'ebuj c'ac'ale, te x'avlajetic o; te xbitlajetic o, jech chac c'u cha'al jun chuvaj c'alal to ista yorail ti c'usi ora ono'ox chac'beic smoton li sdiosique. Pero mu'yuc boch'o xtac'ov; mu'yuc boch'o x'aybunuc li sc'opique.

1 Reyes 18:40

Li Eliase jech laj yalbe scotolic: —¡Tsaquic scotol li j'alc'opetic yu'un Baale! ¡Mu me xjatov junuc avu'unic! —xut. Li israeletique lic stsaquic. Li Eliase te laj yic' batel ta bevo' Cisón; te la smilan.

Job 35:10

Pero mu'yuc jech chalic: ‘¿Bu oy li Diose?, ja' li Boch'o la spasutique, ti chijyac'butic xcuxetel co'ntontic c'alal xco'laj xchi'uc ic' osil chquiltique,

Isaías 28:7

Jech noxtoc oy yantic ti jeche' xtamlajetic ta scoj poxe, ti jeche' sts'otlajet yacanic ta scoj c'usi tsotsic ta uch'ele. Li paleetic xchi'uc li j'alc'opetique jeche' xtamlajetic ta yacubel ec ta scoj li c'usi tsotsic ta uch'ele. Ivovij sjolic yu'un li pasem ya'lel ts'usube; jeche' xa sts'otlajet yacan chanovic. Xvovet cha'yic ti c'alal oy c'usi ch-ac'bat yilic ta xch'ulelique; mu'yuc xa smelol c'alal chalic c'u x'elan chcom li boch'o chchapanique.

Isaías 29:10

Yu'un li Muc'ul Diose stacojboxuc tal vayel ti toj pim chbate, smacojbe sat li j'alc'opetic avu'unique; xpixojbe ta poc' sat li boch'otic oy c'usi chil scuyojique.

Isaías 30:5

scotolic chyalic ta q'uexlal ta scoj li jun muc'ta lum le'e, ti mu'yuc stue, ti mu xcoltavan me jutuque, ti mu'yuc c'usi tstaic o yu'une. Ja' no'ox sventa chac' sbaic o ta q'uexlal, ja' no'ox sventa tsta svocolic o”, xi li Muc'ul Diose.

Jeremías 10:21

Yu'un li jchabichijetique muc bijicuc; muc ja'uc la sa'ic li Muc'ul Diose. Jech mu'yuc lec ibatic o; scotol li xchijtaquique la spuc sbaic batel.

Jeremías 12:10

Epal banquilal jcontrainvanejetic laj yulesic scotol li ts'usubaltic cu'une; solel la xpech'ilanic comel ta teq'uel li cosile. Xco'laj xchi'uc xocol banamil icom yu'unic li jc'upil osile.

Jeremías 16:19

Muc'ul Dios, vo'ot jtsatsalot, vo'ot jchabivanejot cu'un; vo'ot jnac'ubbailot ti c'alal oy c'usi toj xi'bal sbae. Ta xtalic ta atojol scotol li yantic cristianoetic ta jujujot sti'il banamile, jech chayalboxuc: “Ta melel epalc'op no'ox c'usi la xch'unic li jmoltotaccutique; li diosetique altic no'ox, mu'yuc c'usi stu o.

Jeremías 18:18

Jech lic yalic li cristianoetique: “La'ic, la' jchapantic c'usi chcut ta jmiltic li Jeremiase, yu'un ta smantal Diose mu'yuc chal me oy ta xlaj sc'oplal ti oy paleetic chixchanubtasutique; mu'yuc ono'ox chlaj sc'oplal ti oy boch'o bijic sventa chisbijubtasutique, xchi'uc mu'yuc ono'ox chlaj sc'oplal ti oy j'alc'opetic chiyalbutic c'usi chal Diose. La', jnopbetic smul li Jeremiase; jyayijestic ta sventa jc'optic. Mu jtuc'ulanbetic li c'usi chale”, xiic.

Jeremías 2:11

Li yantic lumetique ¿me oy ta sjelta sdiosic? Ta melel muc ja'uc bats'i Dios. Pero vo'oxuc li cu'untacoxuque, laj xa acomtsanicun vu'un ti alequilalic c'otemune; ja' xa laj adiosinic li c'usi mu'yuc stue.

Jeremías 2:6

Mu'yuc la sna'icun jutuc, mu'yuc jech laj yalic: ‘¿Bu oy li Muc'ul Dios ti la sloq'uesutic tal ta Egiptoe, ti laj yic'utic tal ta xocol banamil yo' bu mu'yuc c'usi x'ayin tee, ti mu'yuc boch'o naquiem, ti toj taq'uin, ti mu'yuc boch'o xu' chcuxi, xchi'uc ti mu boch'o sc'an xjelov ta xanubal tee?’, mu'yuc bu xiic.

Jeremías 4:22

Jech chal li Muc'ul Diose: “Li jteclumale toj bolic ta jyalel, mu xiyotquinicun. Li calab jnich'nabe jeche' oyic ta banamil, mu'yuc sbijilic; mu xa'ibeic o smelol. Ja' no'ox bijic ta spasel li c'usi chopole, yan li c'usi leque ja' mu sna'ic spasel”, xi li Diose.

Jeremías 5:31

Li j'alc'opetique puru epalc'op c'usitic chalic; li paleetique ja' chaq'uic ta ch'unel li c'usi tsc'an yo'nton stuquique; li jteclumale toj lec cha'yic, jech tsc'an yo'ntonic ec. Pero ¿c'usi chapasic c'alal me la sta yorail ital avocolique?’, uto”, xi li Muc'ul Diose.

Jeremías 7:8

‘A'yo ava'yic, li vo'oxuque ja' no'ox chach'unic li c'usi mu meleluc, ti mu'yuc stue.

Jeremías 9:14

Ja' no'ox la spasic li c'usi ital ta yo'nton stuquique; ja' laj yich'ic ta muc' li baaletic jech chac c'u cha'al ichanubtasatic yu'un li stot sme'ique.

Ezequiel 22:26

Li paleetic avu'une laj xa soquesic li jmantale; laj xa sbolibtasic li ch'ulna cu'une. Li c'usi ts'u'iltasbil, xchi'uc li c'usi muc ts'u'iltasbiluque co'ol no'ox sc'oplal laj ya'yic; mu'yuc laj yaq'uic ta ilel ti bu lecubtasbil xchi'uc ti bu mu'yuc lecubtasbile. Mu'yuc tsots sc'oplal laj ya'yic li sc'ac'alil cuxub o'ntonale, jech isoc batel jc'oplal yu'unic.

Ezequiel 34:2

“Xnich'on cristiano, albo ta jamal smul li jchabichijetic ta Israele, jech xavalbe: ‘Jech chal li Muc'ul Diose, ja' li Cajvaltique, ¡Ay, toj abul abaic vo'oxuc li jchabichijoxuc yu'un Israel ti ja' no'ox chachabi aba atuquique! Li jchabichijetique ¿me mu ja'uc sc'oplal chchabi, tsa'be lec sve'el li chijetique?

Oseas 4:6

Li jteclumale laj yich'ic ulesel, yu'un muc sna'ic spasel c'usi lec. Ta sventa ti laj ajip comel li abijile, jech ta jipot loq'uel ta paleal ec. Ta sventa ti lach'ay ta avo'nton mantaletic cu'un, vu'un li Diosun avu'une, jech ta jch'ay ta co'nton ec li amomnich'nabtaque.

Habacuc 2:18

¿C'usi stu li loc'om ti lec xa meltsajem yu'un li boch'o tspase? ¿C'usi stu li c'usi loc'tabil ta unijesbil taq'uin ti ja' no'ox chlo'lavane? Li sloc'obal diosetic ti mu xc'opojique ¿c'u yu'un ti ja' xa spatoj yo'ntonic yu'un li boch'otic tspasique?

San Mateo 16:26

¿C'usi chloc' o yu'un jun cristiano me ja' chu'unin scotol c'usitic oy li' ta banamil, me ja' chch'ay li xcuxlejale? ¿C'usi xq'uexol xu' chac'be xcuxlejal li jun cristianoe?

San Lucas 11:52

“Toj abul abaic, vo'oxuc ti lec achanojic smantal Diose. Yu'un laj xa anac'beic sllavial li bijubtasele. Mu xa xu' cha'och atuquic ec, xchi'uc chamaquic ta be noxtoc li boch'otic tsc'an to ta x'ochique”, xi li Jesuse.

San Juan 16:3

Jech tspasic, yu'un mu xotquinic li Jtote, xchi'uc mu xiyotquinicun ec li vu'une.

San Juan 8:55

Pero li vo'oxuque mu xavotquinic. Li vu'une xcotquin. Me ta xcal ti mu xcotquine, j'epalc'op chic'ot ec jech chac c'u cha'al vo'oxuque. Pero ta melel xcotquin li Diose; ta jch'unbe li c'usitic chiyalbune.

2 Corintios 4:2

Jech ta jipcutic comel li c'usi mucul ta pasel ti q'uexlal sbae. Mu'yuc ta jtunes jbijilcutic sventa chilo'lavancutic; mu'yuc ta jyanijescutic li sc'op Diose. Ja' no'ox chcalcutic li c'usi melele, yu'un jech chcac'becutic yil scotol cristianoetic ti ja' melel c'usi chcalcutique, yu'un ta stojol Dios ta jpascutic jech.

Deuteronomio 33:10

Ja' ta xchanubtasic li Jacobe, ja' li Israele; ta xalbe ya'yic li ac'op amantale. Ja' ta xaq'uic ta atojol ta scajleb amoton li pom xchi'uc sts'unub yovolique.

1 Samuel 12:21

Mu me ja'uc xbat ats'aclinic li c'usi mu ja'uc Diose, ti mu xu' yu'un chascoltaoxuque, yu'un mu ja'uc mero Dios ta melel.

1 Samuel 2:12

Li xnich'nabtac Elie puru chopol viniquetic; muc xich'ic ta muc' li Muc'ul Diose,