Jeremías 2:7 - Bible in Tzotzil de Chenalhó with Deuterocanon

⁷ Vu'un laj quic'oxuc tal li' ta yaxal banamil, yu'un ac'o ave'ic li c'usitic chloq'ue, li c'usitic toj lequic chac' sate; pero vo'oxuc tal asoquesic li cosile, laj abolibtasic o li jbanamile.

Bible in Tzotzil de Chamula

⁷ Laj quiq'uic talel ta ve'ebal banomil li'e, yo' ta stun ta slajesic ti sat te'etic yu'une, xchi'uc ti c'usitic lec ta xloc' x'ayane. Latalic ec un, c'ajomal no'ox laj asoquesic ti jlum jbanomile. Ta acojic, lic ibuc co'nton ta stojol ti muc' ta lum li'e, ti c'otem ta cu'une.

Jeremías 2:7 Iomraidhean Croise

Nehemías 9:25

Ja' i'och ta sc'obic li lumetic ti lec setbilic ta tsatsal coraltone xchi'uc li yaxal banamiletique. Xchi'uc laj yu'uninic ep naetic puru lequic c'usitic te oy, xchi'uc pozoetic, ts'usubtic, olivaetic, xchi'uc jsatinom te'etic. Ja' la slajesic scotol, lec noj xch'utic o, jech xcuxet no'ox yo'ntonic ta sventa li slequil avo'ntone.

Nehemías 9:26

“Pero la sa'boxuc sc'ac'al avo'nton, la stoy sbaic ta atojol; la sva'lupatinic comel li amantaltaque. La smilic li avaj'alc'optac ti jamal i'albatic smulique, xchi'uc ti i'albatic ti ac'o suticuc tal ta atojole. Toj ven chopol li c'usi la spasique.

Isaías 19:25

Yu'un li Muc'ul Dios ti ech'em svu'ele ta xac'be bendición li lumetique, jech yaloj: “Ta xcac'be bendición li Egipto ja' li lum cu'une, xchi'uc li Asiria ja' li yabtel coc jc'obe, xchi'uc li Israel ti t'ujbil cu'une”, xi.

Jeremías 16:18

Chib velta lec ta xcac'boxuc atoj li amulique xchi'uc li c'usi chopol apasojique, yu'un laj abolibtasic cosil ta sventa yan diosetic ti mu cuxuluque, ti toj chopolique; jech inoj cosil ta sventa li c'usitic toj chopol chquile”, xi li Muc'ul Diose.

Jeremías 3:1

Jech chal noxtoc li Muc'ul Diose: “Me oy jun vinic ta xicta sbaic xchi'uc yajnile, me imalij ta yan vinic li antse, ¿me chbat to yic' yan velta li vinique? ¿Me mu ja'uc no'ox tsoquesbe sc'oplal sjunul slumal me jech tspase? Ja' jech laj apas ec li vo'ote, Israel; xco'laj xchi'uc ep xa boch'o lamulivaj achi'uc. ¿Me chanop ti xu' to chasut tal ta jtojole?, xacutot vu'un li Muc'ul Diosune.

Jeremías 3:2

“Q'uelo batel lec avil li vitstique, nopo me lec; ¿me oy to bu junuc ti mu'yuc apasoj c'usi chopol tee? Xco'laj xchi'uc te chotolot ta ti'be yu'un chamala li boch'o chasc'upinote; ja' co'ol jech chapas jech chac c'u cha'al tspasic li arabetic ti chmacvanic ta be ta xocol banamile. Ta scoj amul, ta scoj achopolil isoc avu'un li alumale.

Jeremías 3:9

Yu'un mu tsotsuc sc'oplal laj ya'ay li c'usi c'otem ta pasele, jech la soques o li slumale, yu'un imulivaj ta scoj ti ibat yich' ta muc' li tonetic xchi'uc li te'etique.

Jeremías 32:23

Jech laj yich'ic, la sc'upinic ya'yic, pero muc xayich'icot ta muc'; muc xch'unic li mantaletic avu'une; muc ja'uc la spasic li c'usi laj avalbee. Ja' yu'un laj atacbe tal li vocol li' chich'ique.

Jeremías 32:30

Yu'un li Israel xchi'uc Judae ta sbic'talic ono'ox puru chopol c'usitic la spasic tal ta jtojol. Li Israele, mu'yuc c'usi yan la spasic ja' no'ox la sa'bicun sc'ac'al co'nton ta sventa li c'usi la spas ta sc'ob stuquique. Jech chcal vu'un li Muc'ul Diosune.

Ezequiel 20:24

Yu'un muc xch'unic li jmantaltaque; la sbajic li chanubtaseletic cu'une, xchi'uc la sbolibtasic li sc'ac'alil cuxub o'ntonale, ja' te laj yac' batel satic ta stojol li sloc'obal diosetic yu'un stot sme'ique.

Ezequiel 20:28

C'alal la jtiq'uic ochel ta banamil ti bu calojbeic ono'ox ta jamal chcac'beique, laj yilic ti oy lec bic'tal vitsetic, ti oy lec te'etic lec pimic sc'obc'obe; ja' te lic yaq'uic chic'bil matanaletic xchi'uc yantic matanaletic ti ep chisa'bun sc'ac'al co'ntone. Te la xchiq'uic pom noxtoc ti lec muic yiq'ue, xchi'uc te laj yaq'uic ya'lel ts'usubetic noxtoc.

Ezequiel 20:6

Ja'o yorail te laj calbeic ta jamal ti ta jloq'uesic tal ta Egipto banamile, ti ta xquiq'uic batel ta banamil ti bu jt'ujojbeique, ja' li jun banamil ti bu chloc' ep ya'lel chu' vacax xchi'uc pome, ti stuc no'ox toj c'upil sba ta scotole.

Ezequiel 23:35

“Ta sventa ti vu'un laj ajipun ta avo'ntone, ti laj ava'lupatinun comele, ja' yu'un paso ava'ay c'u x'elan stojol li c'usi tsc'an abec'tale xchi'uc li muliletic laj apase”, xi li Diose.

Ezequiel 36:17

“Vo'ot xnich'on cristiano, c'alal li' to'ox nacalic ta yosilal stuquic li israeletique, solel la sbolibtas sbaic ta sventa li c'usi la spasique. Ja' jech laj quilic jech chac c'u cha'al li c'usi toj chopol ti toj j'i'lal sbae.

Oseas 9:3

Muc teuc chanaquiic o ta sbanamil li Muc'ul Diose. Li Efraine persa tsut batel ta Egipto xchi'uc ta Asiria; te tsve'ic ve'liletic ti mu stac' chave'ique.

Miqueas 2:10

Ja' lec totsanic, xanovanic batel, yu'un mu ja'uc xcuxubil avo'ntonic li'i, yu'un isoc xa li banamile, ibolib avu'unic ta jyalel ta scoj li amulique.

Números 13:27

Jech laj yalbeic li Moisese: —Ay xa jq'uelcutic tal c'u x'elan li osil yo' bu laj atacuncutic batele. Ta melel ja' jun banamil ti ep ta xloc' ya'lel xchu' vacax xchi'uc pom jech chac c'u cha'al chloc' vo'e. Li sat c'usitic te ch'iemique, ja' jech chac c'u cha'al li'i.

Deuteronomio 21:23

pero li sbec'tale mu me teuc joc'ol chcom sjunul ac'ubal. Ac'o yich' muquel ta sc'ac'alil no'ox ti c'alal chchame. Yu'un li boch'o joc'ol ta te' chchame ja' ac'bil stoj smul yu'un Dios, jech mu me xasoquesbeic sc'oplal li avosilalic chayac'boxuc Muc'ul Diose.

Deuteronomio 32:9

Yu'un li c'usi ja' yu'un Muc'ul Dios ja' li boch'o t'ujbilic yu'une, ja' li smomnich'nabtac Jacobe.

Deuteronomio 6:18

Ja' me pasic li c'usitic tuq'ue xchi'uc li c'usitic lec chil Diose. Yu'un jech lec chabatic, xchi'uc jech chavich'ic li lequil osil ti yaloj ono'ox Muc'ul Dios chac'be jmoltotactic ta vo'onee.