Jeremías 2:6 - Bible in Tzotzil de Chenalhó with Deuterocanon

⁶ Mu'yuc la sna'icun jutuc, mu'yuc jech laj yalic: ‘¿Bu oy li Muc'ul Dios ti la sloq'uesutic tal ta Egiptoe, ti laj yic'utic tal ta xocol banamil yo' bu mu'yuc c'usi x'ayin tee, ti mu'yuc boch'o naquiem, ti toj taq'uin, ti mu'yuc boch'o xu' chcuxi, xchi'uc ti mu boch'o sc'an xjelov ta xanubal tee?’, mu'yuc bu xiic.

Bible in Tzotzil de Chamula

⁶ Mi ja'uc tsots sc'oplal laj ya'iic ta sa'elicun, manchuc mi laj yilic ti chi'inbilic cu'un ti c'alal laj jloq'uesic talel ta jteclum Egiptoe, ti ech'ic cu'un ta sbajtical banomile, ti bu taq'uin ta j'ech'ele, ti bu ch'abal ti vo'e, ti naca lican ch'entique, ti bu lajel xal oe, ti mu'yuc buch'u nacal teye, ti bu mu junuc jxanvil ta x'ech'e.

Jeremías 2:6 Iomraidhean Croise

2 Reyes 2:14

Ja' la smaj o uc'um ta sc'u' li Elías te yich'oje, jech laj yal: “¿Bu oy li Muc'ul Dios yu'un Eliase?”, xi. C'alal la smaj li uc'ume, la svoc' sba ta jujujot, jech te ijelov o batel ta jot uc'um.

Job 3:5

Ja' lec ti lajuc yich' pixel o ta pimil ic'al osile; ja' lec ti lajuc yich' maquel ta pimil ic'al toque; ja' lec ti imacuc li c'ac'al ti chac' ep xi'ele.

Job 35:10

Pero mu'yuc jech chalic: ‘¿Bu oy li Diose?, ja' li Boch'o la spasutique, ti chijyac'butic xcuxetel co'ntontic c'alal xco'laj xchi'uc ic' osil chquiltique,

Salmos 23:4

Ac'o me chixanov ta yolon pimil toyolal te'tic, mu'yuc c'usi ta jxi'be, yu'un te achi'inojun. Ja' jpatoj co'nton yu'un li anamte'e xchi'uc li xlucaxte'ile.

Salmos 77:5

Ta to xvul ta co'nton c'u x'elan i'ech' tal li c'ac'al, li jabil ta vo'onee;

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Isaías 63:9

Scotol li svocolic to'oxe ja' la svocolin stuc scotol; ja' stuc ital scolta, muc yanuc boch'o la stac tal. Ta sventa slequil yutsil yo'nton la scolta, laj yic' tal, la stoy liquel; ja' jech la spasilanbe o scotol ora.

Isaías 64:7

Me junuc mu'yuc boch'o tsc'an vocol ta atojol; mu'yuc boch'o chac' persa tsa' li coltael avu'une. Ja' yu'un laj anac' asat ta jtojolcutic; ja' laj avac' yu'uninuncutic o li jchopolilcutique.

Jeremías 13:16

Ich'ic ta muc' li Muc'ul Diose, ja' li Dios avu'unique, yu'un yo'to mu'yuc chac' taluc ic' osil ta atojolic, yo'to mu'yuc chabosi avacanic ta ic'al osil te ta vitsetic, xchi'uc yo'to mu'yuc ta sc'atajes ta ven ic'al osil li sac osil amalaojic chtale.

Jeremías 2:2

“Batan, bat c'opano li lum Jerusalene; tsots xac'opan yu'un jech ac'o ya'ay lec, jech xavalbe: ‘Jech chayalbot li Muc'ul Diose: Ta to jna' c'u x'elan ti c'alal tsebot to'oxe, lec to'ox tuc' avo'nton ta jtojol. C'alal laj to'ox quic'ote, lec to'ox ac'anojun; te xana'pnun batel cu'un ta xocol banamil yo' bu mu'yuc c'usi xch'ie, xayutot’, uto.

Jeremías 2:8

Li paleetique la xch'ayicun o ta yo'ntonic; li jchanubtasvanejetic sventa jmantale mu xa sna'icun; li banquilaletique solel la stoy sbaic o ta jtojol. Li j'alc'opetique ja' xa ic'otic ta j'alc'op yu'un li Baale, yu'un ja' te ibatic o ta stojol li diosetic ti mu'yuc stue.

Jeremías 5:12

Li Israel xchi'uc Judae mu'yuc xa ta yo'ntonic li Muc'ul Diose, jech laj yalic: “Li Diose mu'yuc c'usi tspas. Mu'yuc c'usi chopol chtal ta jtojoltic; mu'yuc chquiltic pleito, mu'yuc chca'itic vi'nal”, xiic.

Jeremías 5:2

Oy boch'otic chalic ta jamal ta jbi ti chiyich'icun ta muc' vu'un li Muc'ul Diosune, pero altic chalic”, xi li Diose.

Jeremías 51:43

Li lumetic yu'une iyavnaijan; ipas ta xocol banamil, ta taqui banamil. Mu'yuc xa boch'o te chnaqui o; mu'yuc xa boch'o te chjelov o.

Oseas 12:13

Li Muc'ul Diose ta sventa jun j'alc'op la sloq'ues batel ta Egipto li israeletique, xchi'uc ta sventa jun j'alc'op la xchabi batel noxtoc.

Oseas 13:4

Li Muc'ul Diose jech chal: “Vu'un Muc'ul Diosun avu'unic ti c'alal lic jloq'uesoxuc tal ta Egiptoe. Mu'yuc yan dios avu'unic jech chac c'u cha'al vu'un; vu'un no'ox jtuc jcoltavanejun avu'unic.

Amós 2:10

Vu'un la jloq'uesoxuc tal ta Egipto banamil noxtoc. Vu'un la jbeiltasoxuc tal ta xocol banamil cha'vinic (40) jabil, yu'un jech ac'o avich'beic li yosil amorretique.

San Mateo 4:16

ja' li cristianoetic ti nacalic to'ox ta ic' osile laj xa yilic sac osil. Li boch'o oyic xa'ox ta sventa lajele xojoban xa luz ta stojolic”, xi ono'ox li j'alc'op Isaiase.

Deuteronomio 1:19

“C'alal lijloc'utic tal ta vits Horebe, tuc' lijtalutic ta vitsetic ta yosilal amorretic, ja' la jch'untic ti jech ono'ox yalojbutic li Muc'ul Dios cu'untique. La jxantic tal scotol li muc'ta xocol banamil ti toj xi'bal sba laj avilique, ja' to ti c'alal lijc'otutic ta Cades-barneae.

Deuteronomio 32:10

Te la sta tal ta xocol banamil, ja' te ta taqui banamil ti t'ajemic ta tsatsal iq'ue. La spet tal ta sc'ob; la xchanubtas lec. La xchabi tal lec, jech chac c'u cha'al lec ta xchabi yuninal sat.

Deuteronomio 8:2

Vuleso me ta avo'ntonic scotol c'u x'elan li be bu laj yic'oxuc tal cha'vinic (40) jabil ta xocol banamil li Muc'ul Dios cu'untique. Le'e ja' sventa la sbic'tajesoxuc, xchi'uc la sq'uelboxuc avo'ntonic, yu'un tsc'an tsna' me chac'an chach'unbeic, o me mu xac'an xach'unbeic li smantaltaque.

Jueces 6:13

Itac'ov li Gedeone: —Ay cajval, ti li'uc xchi'inojun li Muc'ul Dios chavale, ¿c'u yu'un toj ep chquich'cutic vocol ti jechuque? ¿Bu oy svu'el stsatsal li Diose? Li jmoltot jyame'cutic ta vo'onee jech ono'ox laj yalbuncutic: ‘Mu me xch'ay ta avo'ntonic ti ja' Muc'ul Dios la sloq'uesutic tal ta Egipto banamile’, xiyutuncutic. Pero tana li'i laj xa scomtsanuncutic li Muc'ul Diose; laj xa yac'uncutic ta sc'ob li madianetique —xut.