Jeremías 2:5 - Bible in Tzotzil de Chenalhó with Deuterocanon

⁵ Jech chayalboxuc: “¿C'usi chopol la stabicun li amoltotaquic ta vo'one ti inamajic loq'uel ta jtojol, ti ja' ibatic ta stojol li yan diosetic ti mu'yuc stue, ti ja' jech mu'yuc stu ic'ot o xchi'uquique?

Bible in Tzotzil de Chamula

⁵ Xi ta xal ti Diose: “¿C'usi chopol laj stabeicun ti amolmuc'totic ta vo'ne ti laj xch'ac sbaic ta jtojole? Yu'un ti stuquique laj sts'acliic diosetic ti mu xcoltavane. Mu'yuc c'usi bal o c'otic ec un.

Jeremías 2:5 Iomraidhean Croise

2 Reyes 17:15

La sbajbeic li smantaltaque, xchi'uc li c'usi xchapanoj ono'ox xchi'uc li smoltotaquique, xchi'uc li c'usi albilic ac'o spasique. Ja' lic yich'ic o ta muc li yan diosetic ti mu'yuc stsatsalique, jech mu'yuc stsatsalic ic'otic o ec. Ja' la spasic batel jech chac c'u cha'al la spasic li yanlum cristianoetic te oy ta spat xoconic ti albilic yu'un Muc'ul Dios mu me jechuc spasique.

Salmos 115:8

Ja' jech c'otemic ec li boch'otic ja' yabtel tsmeltsanique, xchi'uc li boch'otic ja' spatoj yo'ntonic yu'une.

Isaías 29:13

Li Muc'ul Diose jech laj yalbun: “Li cristianoetic li'i, chtunic cu'un ta sc'opic no'ox; chiyich'icun ta muc' ta yeic no'ox, pero li yo'ntonique nom oy ta jtojol. Smantal no'ox cristiano chch'unic ti c'u x'elan chiyich'icun ta muc' yilele; nopbil no'ox yu'un cristiano li c'usi tspasique.

Isaías 44:9

Li boch'o tspasic sloc'obal diosetique mu'yuc stuic o ta j'ech'el. Li loc'ometic ti scuyojic ta diose mu'yuc stu o. Li boch'otic chich'ic ta muq'ue ja' ma'satetic, bol cristianoetic, ja' yu'un te chyalic o ta q'uexlal xchi'uquic.

Isaías 46:12

A'yo ava'yic, vo'oxuc ti toj tsots avo'ntonique, ti laj abajic comel li c'usitic tuq'ue; a'yo ava'yic.

Jeremías 10:8

Li stuquique bol cristianoetic no'ox c'otemic, mu'yuc sbijilic, yu'un mu xbijubtasatic jutuc yu'un li c'usitic pasbil ta te'e.

Jeremías 12:2

Vo'ot laj ats'un, jech iyal lec yisimic, ich'iic, xchi'uc isatinic. Li vo'ote nopol oyot ta yeic, pero li stuquique nom oyot ta yo'ntonic.

Jeremías 14:22

¿Me yu'un xu' chaq'uic tal vo' li yantic diosetique? ¿Me yu'un xu' chac' tal vo' stuc li vinajele? Mu'yuc, vo'ot no'ox atuc chavac' talel vo', vo'ot li Muc'ul Diosot cu'uncutique. Yu'un vo'ot chapas scotol, ja' no'ox ta jmalacutic li c'usi chapase.

Jeremías 2:31

Vo'oxuc ti cuxuloxuc li' ta orae, a'yo ava'yic c'usi chcal, vu'un li Muc'ul Diosune. ¿Me yu'un ja' jechun jech chac c'u cha'al xocol banamil? ¿Me ja' jechun jech chac c'u cha'al ic'al osil chavilic? Jteclumal, ¿c'u yu'un ti jech chavalique: ‘Mu'yuc boch'o sventauncutic, mu'yuc xa chisutcutic o tal ta atojol?’, ti xachiique.

Jeremías 2:4

Smomnich'nab Jacob, vo'oxuc li jaychopoxuc ta scotol sts'unubal Israele, a'yo ava'yic c'usi chal li Muc'ul Diose.

Jeremías 8:19

A'yo ava'ay, xvinaj to x'avetic tal ta oq'uel li jchi'iltac te ta namal banamile: “¿Me yu'un mu'yuc xa te oy ta Sión li Muc'ul Diose? ¿Me yu'un mu'yuc te oy li ajvalil yu'une?”, xiic. Li Muc'ul Diose jech chal: “¿C'u yu'un ti la sa'bicun sc'ac'al co'nton ta sventa ti ja' la yich'ic ta muc' li yan diosetic ti mu'yuc stue?”, xi.

Ezequiel 11:15

“Vo'ot xnich'on cristiano, li jnaclumetic ta Jerusalene jech chalbeic sc'oplal li achi'iltaque, li avuts' avalaltaque xchi'uc scotol li smomnich'nabtac Israele: ‘Le'e inamajic xa loq'uel ta stojol li Muc'ul Diose; vu'utic xa la jventaintic o li banamile’, xiic.

Ezequiel 14:5

Yu'un jech xu' ta jtijbe yo'ntonic li smomnich'nab Israel ti scomtsanojicun ta scoj li sloc'obal sdiosic yich'ojic ta muq'ue’, xi li Diose, uto.

Jonás 2:8

Li boch'otic ja' chich'ic ta muc' c'usitic cuybil ta diosetic ti mu'yuc stue mu xa junuc yo'ntonic ta atojol.

San Mateo 15:8

‘Li cristianoetic li'i, chiyich'icun ta muc' ta yeic no'ox; pero li yo'ntonique nom oy ta jtojol.

Hechos 14:15

—Viniquetic, ¿c'u yu'un jech chapasic? yu'un co'ol cristianoutic. Ti litalcutic li'i, ja' tal calcutic ava'yic ti tsc'an chacomtsanic yich'el ta muc' li c'usi mu'yuc stue. Tsc'an ja' chatalic ta stojol li cuxul Dios ti la spas vinajel banamile, xchi'uc li nabe, xchi'uc scotol li c'usitic oye.

Romanos 1:21

Yu'un la sna'ic ti oy Diose, pero muc xich'ic ta muc' jech chac c'u cha'al Dios; mu'yuc bu la stojbeic ta vocol. Solel mu'yuc stu li c'usi la snopique. Icomic ta ic' osil ta scoj li sbolilique.

Deuteronomio 32:21

Laj yaq'uic it'ixajuc co'nton ta sventa ti laj yich'ic ta muc' li c'usi mu ja'uc diose. Laj yaq'uic ilincun yu'un li sloc'obaltac sdiosique. Jech ec li vu'une ta xcac' it'ixajuc yo'ntonic, yu'un ja' ta xlic quic' li boch'otic muc ja'uc jteclum cu'une. Ta xcac' ilinicuc, yu'un ja' ta xquic' li boch'otic bol cristianoetic ch-ilatique.

1 Samuel 12:21

Mu me ja'uc xbat ats'aclinic li c'usi mu ja'uc Diose, ti mu xu' yu'un chascoltaoxuque, yu'un mu ja'uc mero Dios ta melel.