Jeremías 2:23 - Bible in Tzotzil de Chenalhó with Deuterocanon

²³ Mu xu' jech chaval: ‘Mu'yuc jmul; mu'yuc chquich' ta muc' li baaletique’, mu xu' xachi. Q'uelo lec avil c'u x'elan atalel te ta stenlejaltique; tuc'ulano lec avil li c'usi apasoje. Ja' jechot jech chac c'u cha'al me' ca' ti buyuc no'ox xojet sjol ta anil c'alal chbaq'ue.

Bible in Tzotzil de Chamula

²³ ¿Mi xloc' no'ox ta alel avu'un ti xachi ta xaval une: ‘Laj to c'op un quere ma' ti jbonoj jba une, ti jnijanoj jchimanoj jba ta yich'el ta muc' ti diosetic ti mu'yuc c'usi xu' yu'unique’? A'yio ava'i c'u s'elan la'ech' talel ta stenlejaltic. Tuc'ulano avil scotol ti c'u s'elan laj apase, ti co'ol a'elan me' camello ti mu no'ox ta yocuc xbitet ta jujujote.

Jeremías 2:23 Iomraidhean Croise

Jeremías 7:31

La sva'anic noxtoc toyol scajleb matanal, Tofet, te ta stenlejaltic Ben-hinom, sventa te la xchic' squerem stsebic. Ja' la spasic li c'usi mu jechuc calojbeique, ti mu'yuc jech loq'uem ta jol ta co'ntone.

Proverbios 30:12

Oy boch'otic tsnopic ti toj lequique, pero mu'yuc scomtsanojic li xchopolilique.

Romanos 3:19

Scotol c'usi chal li smantaltac Diose ta jna'tic ti ja' sc'oplalic li boch'otic oy ta sc'obic li smantaltac Diose, yu'un jech macal ac'o c'otuc yeic scotolic, jech ac'o sna'ic ti scotol cristiano ta banamil chich'ic chapanbel smulic yu'un Diose.

San Lucas 10:29

Li vinique mu sc'an tsalel, jech laj yalbe li Jesuse: —¿Boch'o li jchi'ile? —xut.

Jeremías 31:22

¿Baq'uin to chacomtsan ti buyuc no'ox xaloc' xa'ech' jech chac c'u cha'al jun tseb ti buyuc no'ox xloc' x'ech'e? Yu'un li Muc'ul Diose oy c'usi ach' tsliques ta aventa li' ta avosilal ti mu'yuc bu jech xquiltique: jech chac c'u cha'al jun ants ti tsjoy smalale”, xi.

Jeremías 9:14

Ja' no'ox la spasic li c'usi ital ta yo'nton stuquique; ja' laj yich'ic ta muc' li baaletic jech chac c'u cha'al ichanubtasatic yu'un li stot sme'ique.

Jeremías 3:2

“Q'uelo batel lec avil li vitstique, nopo me lec; ¿me oy to bu junuc ti mu'yuc apasoj c'usi chopol tee? Xco'laj xchi'uc te chotolot ta ti'be yu'un chamala li boch'o chasc'upinote; ja' co'ol jech chapas jech chac c'u cha'al tspasic li arabetic ti chmacvanic ta be ta xocol banamile. Ta scoj amul, ta scoj achopolil isoc avu'un li alumale.

Proverbios 30:20

Li ants ti mu junuc yo'nton ta stojol smalale, c'alal slajel yo'nton ta ve'ele, ta suc' lec ye, jech chal: “Mu'yuc ve'emun”, xi.

Proverbios 28:13

Li boch'o ta smuc smule mu'yuc lec chbat; yan li boch'o jamal chal, xchi'uc me tscomtsane, ch'aybil chc'ot smul.

Salmos 50:21

C'alal jech laj apase, te no'ox ch'an xichi; laj anop ti ja' jech co'nton ec jech chac c'u cha'al avo'ntone. Pero tana ta asat chacalbot ava'ay lec li amule; chacac'bot avil c'u yepal.

Salmos 36:2

Tsnop ti lec no'ox oye; mu sc'an ac'o vinajuc, ac'o ilbatuc li c'usi chopol tspase.

Ester 8:16

Jech ec li judaetique sac xi to osil laj yilic, xcuxet xa yo'ntonic, ich'bil ta muc' laj ya'yic.

Jeremías 2:36

¿C'u yu'un ti asujoj no'ox aba ti naca xajelilan no'ox boch'o chascoltaote? Jech chac c'u cha'al layal ta q'uexlal yu'un li Asiriae, ja' jech chayal ta q'uexlal yu'un noxtoc li Egiptoe.

Jeremías 14:10

Li Muc'ul Diose jech chal ta sventa li israeletique: “Li jun lum li'i ja' no'ox lec cha'yic ti buyuc no'ox xloc' x'ech'ique; me jutuc mu'yuc bu chcuxic o, Jech mu'yuc lec chquilic ti jech tspasique. Li' ta orae ta jvules ta co'nton li c'usi chopol spasojique; ta xcac'be stoj smulic”, xi li Muc'ul Diose.

Jeremías 16:10

“C'alal chavalbe ya'yic li achi'iltaquique, jech chlic sjaq'uic: ‘¿C'u yu'un laj yac' mantal Muc'ul Dios ti chtal muc'ta vocol jech chac le'e? ¿C'usi chopol la jpastic? ¿C'usi jmul jtaojtic ta stojol li Muc'ul Dios cu'untique?’, xiic.

Oseas 1:2

Ja' jech la sliques ya'yej ta stojol Oseas li Muc'ul Diose, jech laj yalbe: “Bat ic'o jun jmulavil ants; ac'o ayinuc avalab anich'nabic achi'uc. Jech yalab jmulavil ants chc'otic. Yu'un li Israel banamile soquem o ta mulil yu'unic; svoc'oj sbaic o ta jtojol li israeletique, jech yalab jmulavil ants c'otemic”, x'utat.