Jeremías 2:21 - Bible in Tzotzil de Chenalhó with Deuterocanon

²¹ Vu'une la jts'unot jech chac c'u cha'al jpets lequil ts'usub, vo'ot sts'unubalot lequil ts'usub cu'un. Pero ¿c'u yu'un laj ac'atajes aba ta sts'unubal chopol ts'usub?

Bible in Tzotzil de Chamula

²¹ Bats'i lequil ts'unobil uva ti laj jts'unote, ti stuc xa no'ox yutsil sbec' ti uvae. Le' une, j'ech'el labat ta yoc un ti mu xacojtiquine

Jeremías 2:21 Iomraidhean Croise

Génesis 18:19

Vu'un la jt'uj ta sventa ac'o yalbe ya'yic xnich'nab xchi'uc smomnich'nab ti ac'o yich'ic ta muc' li chanubtasel cu'une, xchi'uc ti ac'o spasic scotol c'usitic lec xchi'uc c'usitic tuq'ue, yu'un jech chcac' c'otuc ta pasel scotol li c'usitic calojbe ono'oxe”, xi.

Génesis 32:28

Li vinique jech laj yalbe: —Mu xa ja'uc Jacob ta xcom abi. Israel xa abi ta xc'ot, yu'un laj atsal abaic xchi'uc li Diose xchi'uc li cristianoetique; tsalbil ic'ot avu'un —xi.

Salmos 44:2

Ta avu'el ta atsatsal laj anuts loq'uel scotol li muc'tic lumetique; laj avac'be stoj smulic, laj aloq'ues batel ta yosilalic. Ja' te laj avac' naclicuc li jmoltot jyame'cutic ta vo'onee.

Salmos 80:8

Yu'un vo'ot laj avich' tal li jtec' ts'usub te ta Egiptoe; laj anuts loq'uel li yantic lume, ja' te laj ats'un li ts'unubil laj avich' tale.

Salmos 80:9

Laj ach'uba lec li banamil sventa ats'usube. Li ts'usube i'ayin lec yibel; inoj xa lec yu'un li banamile.

Éxodo 15:17

Muc'ul Dios, Ic'uncutic batel ta naclej te ta ch'ul vitsetic avu'un, ja' ti bu t'ujbil avu'un sventa te chinaquicutique, ja' li lequil na ti pasbil ono'ox avu'une.

Isaías 1:21

Tuq'uil lum, ¿c'uxi lac'ataj ta jmulavil ants? Yu'un puru tuc' to'ox c'usi tspasic li boch'otic te nacajtique; puru lec to'ox yabtelic, pero tana puru jmilvanejetic xa te oy.

Isaías 27:2

C'alal ja'o sc'ac'alil jech chc'ot ta pasele, jech chal li Muc'ul Diose: “Q'uejintaic li ts'usubaltic ti toj c'upilic sbae.

Isaías 41:8

“Pero li vo'ote, Israel, lequil cajtunelot, vo'ot li smomnich'naboxuc Jacobe, vu'un la jt'ujoxuc, vo'oxuc sts'unubaloxuc li Abraham ti lec la jc'opan jba jchi'uque.

Isaías 5:4

¿Me oy to c'usi yan lec tsc'an ta jpas xana'ic ta ts'usubtic cu'une? ¿Me oy c'usi mu'yuc lec la jpas chava'yic li vu'une? Li vu'une la jmala ti ac'o yac' chi'ic sate, pero ¿c'u yu'un ti puru pojic isatine?

Isaías 60:21

“Li jnaclumetic avu'une tuc' yo'nton chc'otic o; sbatel osil chu'uninic o li yosilalique. Yu'un ja' sq'uelum li te' ti vu'un la jts'une; yu'un ja' yabtel coc jc'ob jtuc, ja' sventa ac'o vinajuc li jmuc'ul jtsatsale.

Isaías 61:3

Li boch'otic te oyic ta Sione, tal jc'atajesbe ta scoronaic li tan chac' ta sjolique; tal jc'atajesbe ta muil poxil sventa xcuxet no'ox yo'ntonic li at-o'nton cha'yique. Tal jc'atajesbe ta lequil natil c'u'il li svocol yo'ntonique, jech chlic albatuc sc'oplalic: “muc'tiquil tsatsal te' ti lec tuq'uique”, xi sc'oplalic, yu'un ja' sts'unben stuc li Muc'ul Diose; ja' sventa ac'o vinajuc li smuc'ul stsatsale.

Jeremías 11:16

Ja' to'ox jech sbi cu'un: Yaxal oliva, toj lec c'upil sba c'otem xchi'uc sat, xi to'ox sbi cu'un. Pero li' ta orae ta stsatsal chauc ta jchic'; ta jc'asanbe scotol li sc'obc'obe.

Jeremías 11:17

“Vu'un li Muc'ul Diosun ti ta jpas ta mantal scotol te ta vinajele; vu'un la jts'un li Israel xchi'uc Judae. Laj xa cal ti chcac'be tal svocolique, ja' ta scoj smul li smomnich'nabique, yu'un la sa'bicun sc'ac'al co'nton ta sventa ti ja' ta xchiq'uic pom ta stojol li dios Baale”, xi li Muc'ul Diose.

Jeremías 5:10

Ac'o tal ochentaatuc yu'un li yajcontrae; ac'o yich' soquesel li ts'usubtic yu'unique, ac'o me mu j'ech'eluc chlaj sc'oplal o. Ac'o slilinic loq'uel li sc'obc'obtac ts'usubtique, yu'un mu xa ja'uc cu'un.

Lamentaciones 4:1

¿C'uxi isoc li c'anal taq'uine? ¿C'uxi ich'ay xojobal li lequil c'anal taq'uine? Li xch'ul tanaltac ch'ulnae jatsa xa bu bejajtic batel ta chiquin xoraltic.

Ezequiel 15:2

“Xnich'on cristiano, ¿me tsots stu li yaq'uil ts'usub jech chac c'u cha'al yantic te'etique? ¿Me oy c'usi stu li sc'obc'ob jech chac c'u cha'al sc'obc'ob yantic te'etique?

San Mateo 21:33

“A'yo ava'yic yan lo'il. Oy jun vinic la sts'un ep ts'usub ta yosil. La set ta coral li sts'usube. La svom ton sventa yavil spits'ubil ya'lel. La spas jun toyol sq'uelubil osil. La sa'be yajval boch'otic ta sventainic li ts'usubtic yu'une, jech iloc' batel ta nom li yajvale.

Marcos 12:1

Li Jesuse oy c'usi la sloc'tabe ta lo'il li cristianoetique. Jech laj yalbe: “Oy jun vinic la sts'un ep sts'usub ta yosil. La set ta coral li sts'usube. La svom ton sventa spits'ubil ya'lel li sts'usube. La spas jun toyol sq'uelub osil. La sa'be yajval boch'o ta xchabiic li ts'usubtic yu'une, jech ibat ta nom li yajval ts'usubtique.

San Lucas 20:9

Li Jesuse lic yalbe lo'il li cristianoetique, jech laj yal: “Oy jun vinic la sts'un ep ts'usub ta yosil. La sa'be yajval boch'o ta xchabiic li ts'usubtic yu'une. Jech ibat ta nom li yajvale; ep c'ac'al te ijoc'tsaj.

San Juan 15:1

Jech to laj yal li Jesuse: “Vu'un bats'i smuc'ta aq'uil ts'usub c'otemun. Li Jtote ja' jchabits'usub.

Deuteronomio 32:32

Li stuquique ja' jechic jech chac c'u cha'al ts'usubetic ti c'a'emique. Ja' sts'unubal Sodoma xchi'uc Gomorra c'otemic, ja' no'ox tsloq'uesic ch'ail ts'usubetic xchi'uc venenoal ts'usubetic.

Deuteronomio 4:37

Ja' la xc'uxubin li amoltot ayame'ic ta vo'onee. Ja' la st'ujbe noxtoc li smomnich'nabtaquique. Ta svu'el la scolta loq'uel tal ta mozoil te ta Egipto banamil.

Josué 24:31

Li israeletique ja' no'ox itunic o yu'un Muc'ul Dios ti c'alal cuxul li Josuee xchi'uc ti c'alal cuxulic ec li moletic ti laj yilic li Josuee, xchi'uc ti laj yilic scotol c'usi la spas Muc'ul Dios ta stojolique.