Jeremías 2:13 - Bible in Tzotzil de Chenalhó with Deuterocanon

¹³ Yu'un li jteclumale oy chib ti bu la sta smulic ta jtojole: la scomtsanicun, vu'un li bats'i nio'un yu'unique, xchi'uc la smeltsanic yavil vo' yu'un stuquic. Pero chaq'uem, solel mu sts'ani o ya'lel.

Bible in Tzotzil de Chamula

¹³ “Yu'un ti jteclumale, cha'tos ti xi laj stsob sba ti smule: laj svalopatin comel ti cuxul sat vo' yu'une, lic sjoc' yaviltac ya'al stuquic ti mu sts'an vo' yu'un ti joq'uetic ta scoj ti chajal ti yute.

Jeremías 2:13 Iomraidhean Croise

2 Reyes 22:17

Yu'un la scomtsanicun; ja' bat xchiq'uic pom ta stojol li yantic diosetique. La sa'bicun sc'ac'al co'nton ta sventa li c'usitic la spasique. Ja' yu'un itsan sc'ac'al co'nton yu'un li banamil li'i; me jutuc mu xa xtu'p o.

Salmos 36:9

Yu'un vo'ot te oy ta atojol li nio' sventa cuxlejale; ta axojobal no'ox ta xquilcutic saquil osil.

Eclesiastés 1:14

Laj cotquin scotol li c'usitic stac' pasel, stac' chanel li' ta banamile, pero altic no'ox, ch'ay c'ac'al no'ox. Ja' jech chac c'u cha'al me ta jc'an ta jnutstic iq'ue, mu'yuc c'usi ta jtatic o.

Eclesiastés 1:2

Jech laj yal li jchanubtasvaneje: Altic no'ox, solel mu'yuc stu o; jeche' no'ox scotol.

Eclesiastés 12:8

Vu'un li jcholc'opune jech chcal yan velta: ¡Altic no'ox, mu'yuc c'usi ta jtatic o! ¡Mu'yuc c'usi stu o scotol!

Eclesiastés 2:11

Ts'acal lic jq'uel lec scotol li yabtel coc jc'obe xchi'uc li yantic c'usitic toj vocolic ta pasel laj ca'ye. Te laj quil ti altic no'ox chac' jvocoltique, yu'un ja' no'ox jech chac c'u cha'al me ta jc'an ta jnutstic iq'ue, mu'yuc c'usi ta jtatic o li c'usi ta jpastic li' ta sba banamile.

Eclesiastés 2:21

Yu'un li boch'o tsots ch-abtej ta sventa sbijil, ti ta stunes scotol li sjol ti bu c'alal sna'e, pero ja' chich' comel li boch'o mu ja'uc i'abteje. Altic noxtoc, solel mu xloc' venta ti jech chc'ot ta pasele.

Eclesiastés 2:26

Yu'un li Diose ja' ta xac'be sbijil, ta xac'be lec sna', ta xac'be lec xcuxetel yo'nton li boch'o lec chil stuque. Yan li boch'o ta sa' smule ja' no'ox ta xac'be yabtel yu'un ac'o stsob ep sc'ulejal sventa ja' ac'o yich' ac'bel li boch'o lec chil stuc li Diose. Scotol le'e mu'yuc stu noxtoc; ja' jech chac c'u cha'al me ta jc'an ta jnutstic iq'ue, mu'yuc c'usi ta jtatic o.

Eclesiastés 4:4

Laj quil noxtoc, ti c'alal tsots chij'abtejutique ti c'alal lec chbat cu'untic li c'usi ta jpastique, ja' no'ox te ta xlic jti'-o'nta jbatic o. Scotol le'e mu'yuc stu; ja' jech chac c'u cha'al me ta jc'an ta jnutstic li iq'ue, mu'yuc c'usi ta jtatic o.

Isaías 1:3

Li vacaxe xotquin li yajvale; li buroe sna' bu yavil sve'el ac'bil yu'un li yajvale, pero li Israele mu sna'be smelol; li jteclum cu'une mu'yuc sbijilic o”, xi.

Isaías 1:4

Abul abaic, jpasmulil cristianoetic, pixiloxuc ta achopolilic, sts'unubaloxuc chopol cristiano, xnich'naboxuc jmulavil. Laj acomtsanic li Muc'ul Diose; laj asa'beic sc'ac'al yo'nton li Ch'ul Dios yu'un Israele; laj ava'lupatinic comel.

Isaías 12:3

Xu' chaloq'ues avuch'ic ta xcuxetel avo'ntonic ec li vo' te ta nio' yo' bu chlic tal coltaele.

Isaías 5:13

Ta sventa ti mu xa'ibeic smelol li jteclumale, jech ch-ic'atic batel ta yan banamil. Scotol li jteclumal xchi'uc li banquilaletic yu'unique te chchamic ta vi'nal xchi'uc ta taqui o'ntonal.

Isaías 55:2

¿C'u yu'un jeche' chalajes ataq'uinic yu'un li c'usi mu ja'uc ve'lile? ¿C'u yu'un chavixtan atojolic yu'un li c'usi mu xanojic yu'une? Ch'unic li c'usi chacalboxuque, jech chataic li lequil ve'lile, jech xu' chalajesic li c'usitic toj muique.

Isaías 63:8

Jech laj yal: “Le'e ja' jteclumal; ja' jnich'nab ti muc alticuc chislo'laicune”, xi. Ja' yu'un ja' Jcoltavanej ic'ot yu'unic.

Jeremías 1:16

Yu'un ta xcac'beic tsots svocolic ta scoj smulic, yu'un la scomtsanicun, ja' bat yich'ic ta muc' li yan diosetique; ja' bat xchiq'uic pom ta stojol li sdiosic ti spasoj ta sc'ob stuquique.

Jeremías 14:3

Li jc'ulejetique la staquic batel ta lup vo' li smozoique; ibatic ta bic'tal nabetic, pero mu'yuc la staic tal. Toj q'uexlal sba laj ya'yic, toj ven chopol laj ya'yic; solel smacoj xa sjolic sutel tal.

Jeremías 15:6

Li Muc'ul Diose jech chal: Vo'ot laj acomtsanun, laj ava'lupatinun comel. Ja' yu'un li' ta orae ta jye' jc'ob ta aba, ta xcac'bot tsots avocol, yu'un i'ech' xa co'nton avu'un.

Jeremías 17:13

¡Muc'ul Dios, vo'ot smuc'ulot yo'nton Israel! Scotol li boch'o ta scomtsanicote ta xyalic ta q'uexlal. Li boch'otic ta svoc' sbaic ta atojole ta lumtic no'ox chich' ts'ibabel sbiic, yu'un la scomtsanic li lequil nio' ti mu x'ul oe.

Jeremías 18:14

¿Me oy bu chavilic ch-ul o ta j'ech'el li tayo te ta toyol vitstic ta Libanoe? ¿Me oy chavilic ch-ul li muc'ul uc'um ti chlic tal ta vitstique?

Jeremías 19:4

Yu'un li israeletique solel la syanijesic li banamil li'i. Li' la xchic'beic pom li yantic diosetic ti mu xotquinique, xchi'uc ti mu ono'ox xotquinic ec li smoltot syame'ique. Jech noxtoc li ajvaliletic ta Judae la snojesic ta xch'ich'al li boch'otic mu'yuc smulique.

Jeremías 2:11

Li yantic lumetique ¿me oy ta sjelta sdiosic? Ta melel muc ja'uc bats'i Dios. Pero vo'oxuc li cu'untacoxuque, laj xa acomtsanicun vu'un ti alequilalic c'otemune; ja' xa laj adiosinic li c'usi mu'yuc stue.

Jeremías 2:17

¿Me mu jechuc lapasbatic ti c'alal laj acomtsanicun? vu'un li Muc'ul Diosun avu'unique, vu'un ti la jtojobtasoxuc tal ta bee.

Jeremías 2:26

“Jech chac c'u cha'al chyal ta q'uexlal jun j'elec' me ivinaje, ja' jech chyalic ta q'uexlal ec li smomnich'nab Israele; chyalic ta q'uexlal li ajvaliletic, li banquilaletic, li paleetic, xchi'uc li j'alc'opetic yu'unique.

Jeremías 4:22

Jech chal li Muc'ul Diose: “Li jteclumale toj bolic ta jyalel, mu xiyotquinicun. Li calab jnich'nabe jeche' oyic ta banamil, mu'yuc sbijilic; mu xa'ibeic o smelol. Ja' no'ox bijic ta spasel li c'usi chopole, yan li c'usi leque ja' mu sna'ic spasel”, xi li Diose.

Jeremías 5:26

Yu'un ivinaj xa ti oy boch'o toj chopolic te ta atojolic vo'oxuc ii cu'untacoxuque; ta xyacvanic ta mucul jech chac c'u cha'al boch'o tsyac mut, xco'laj xchi'uc ta st'inan syoquic sventa tsyaquic cristianoetic.

Jeremías 5:31

Li j'alc'opetique puru epalc'op c'usitic chalic; li paleetique ja' chaq'uic ta ch'unel li c'usi tsc'an yo'nton stuquique; li jteclumale toj lec cha'yic, jech tsc'an yo'ntonic ec. Pero ¿c'usi chapasic c'alal me la sta yorail ital avocolique?’, uto”, xi li Muc'ul Diose.

Ezequiel 14:5

Yu'un jech xu' ta jtijbe yo'ntonic li smomnich'nab Israel ti scomtsanojicun ta scoj li sloc'obal sdiosic yich'ojic ta muq'ue’, xi li Diose, uto.

Ezequiel 47:1

Li vinique laj yic'un batel noxtoc ta yochebal li ch'ulnae; laj quil te chloc' vo' ta yolon li ti'na ta sloq'ueb c'ac'ale, yu'un li yeloval sjol ch'ulnae ja' sq'ueloj batel sloq'ueb c'ac'al. Li vo'e te chanov yalel ta xocon ch'ulna ta bats'ic'ob ta stuq'uil sur yu'un li scajleb smoton Diose.

Miqueas 2:8

Jech chal li Muc'ul Diose: “Li vo'oxuque chacontrainic xa li jteclumale; chapojbeic sc'u' noxtoc li boch'otic te chjelovique. Ja' jech chapasbeic jech chac c'u cha'al avajcontraic ti c'alal oy muc'ta c'ope.

Miqueas 6:3

Jech chal li Muc'ul Diose: “Jteclumal, ¿c'usi chopol laj calbot? ¿C'usi chopol la jpasbot? Tac'bicun tal ca'tic.

Zacarías 13:1

“Ta sc'ac'alil le'e ta xt'om jun nio' te ta stojol smomnich'nab David, xchi'uc ta stojol li jnaclumetic ta Jerusalene; ja' sventa spocubil smulic xchi'uc sbolilic.

San Juan 4:10

Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

San Juan 4:11

Li antse jech laj yal: —Tata, pero mu'yuc slupubil avu'un, yu'un toj nat li pozoe. ¿Bu chata li vo' chavac'bun ti chicuxi yu'un chavale?

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 7:37

Ta slajeb c'op, ta mero sc'ac'alil q'uin lic va'luc li Jesuse, tsots ic'opoj, jech laj yal: —Li boch'o oy taqui-o'nal cha'ye, ac'o taluc ta jtojol; ac'o tal yuch' li vo' ta xcaq'ue.

Deuteronomio 31:16

Li Muc'ul Diose jech lic yalbe li Moisese: “Li vo'ote po'ot xa chacham. Li achi'iltac li'i j'ech'el me chbolibic o yu'un li diosetic yu'un yanlum cristianoetic te nacajtic ta osil bu chbat yich'ique. Jech chiscomtsanicun o; ta soquesic o scotol li c'usi jchapanoj ta stojolique.

2 Pedro 2:17

Li jlo'lavanej jchanubtasvanejetique ja' jechic jech chac c'u cha'al nio' ti mu'yuc ya'lele, xchi'uc ja' jechic jech chac c'u cha'al toc ti cuchbil no'ox batel ta tsatsal iq'ue. Jech chapanbil xa sc'oplal ta xbatic ta yutil ic'al osil.

Apocalipsis 21:6

Jech laj yalbun noxtoc: “Ivu' xa scotol. Vu'un li sliquebune, vu'un li slajebune. Vu'un la jliques, vu'un ta jlajes. Li boch'o taquin yo'ntone, vu'un ta xcac'be yuch' li nio' sventa cuxlejale, smoton chcac'be.

Apocalipsis 22:1

Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

Apocalipsis 22:17

Li Ch'ul Espíritu xchi'uc li yajnil Ch'ium Chije jech chalic: “La' me ta ora”, xiic. Li boch'otic cha'yic li c'op li' ts'ibabile jech ac'o yalic ec: “La' me ta ora”, ac'o xiicuc. Li boch'otic taquin yo'ntonique ac'o talicuc ta stojol li Jesuse. Li boch'o tsc'ane smoton ch-ac'bat li vo' sventa cuxlejale.

Jueces 10:13

Vo'oxuc laj acomtsanicun; ja' laj avich'ic ta muc' li yantic diosetique. Ja' yu'un mu'yuc xa chajcoltaoxuc.

1 Samuel 12:10

Pero ts'acal lic sna'ic ti laj xa sta smulic ta stojol li Muc'ul Diose, ti laj xa scomtsanique yu'un ja' xa itunic yu'un li Baaletique xchi'uc li Astarote. Jech lic sc'anbeic vocol ti ac'o coltaaticuc loq'uel ta sc'ob li yajcontraique; laj yalbeic ti ja' xa no'ox chich'ic o ta muc' stuque.