Jeremías 19:8 - Bible in Tzotzil de Chenalhó with Deuterocanon

⁸ Li lum li'i ta xcac' ta yavnaijesel xchi'uc ta labanel. Scotol li boch'o te ta xjelovique toj ch'ayel chc'ot yo'ntonic; ta slabanic ti solel vuq'uem scotol chilique.

Bible in Tzotzil de Chamula

⁸ Ta joybin ta sts'ijlajan banomil ti steclumalique. Ta xc'ot ta pasel ti ta xlic yac' xi'ele. Scotol ti buch'u ta x'ech'ic li'e, ch'ayal ta xc'ot yo'ntonic xchi'uc xi'el c'alal ta xilic lilijem ta j'ech'el ti jteclume.

Jeremías 19:8 Iomraidhean Croise

1 Reyes 9:8

Li ch'ulna ti lec ich'bil ta muq'ue ta to xlic slabanic li boch'otic li' chjelovique. Toj ch'ayel chc'ot yo'ntonic jech chalic: ‘¿C'u yu'un jech la spasbe Muc'ul Dios li banamil li'i xchi'uc li ch'ulna li'i?’, xut sbaic.

Jeremías 18:16

Ja' jech la soquesic o li yosilalique; puru labanel chich' o scotol c'ac'al. Li boch'o te ta xjelovique toj ch'ayel chc'ot yo'ntonic, tsjimulan no'ox sjolic.

Jeremías 25:18

Ja' bat cac'be yuch'ic li Jerusalene, li lumetic ta Judae xchi'uc li ajvaliletic, li banquilaletic yu'unique. Yu'un jech ac'o yavnaijicuc o; ac'o yich'ic labanel, na'leel, chopolc'optael jech chac c'u cha'al li' ta orae.

Jeremías 49:13

Vu'un li Muc'ul Diosune jamal chcal ta sventa jbi jtuc: Li lum Bosrae ta to xyavnaij; xco'laj xchi'uc xocol banamil chcom, mu'yuc stu chcom o, chopol sc'oplal chcom. Scotol li yantic lumetic yu'une j'ech'el chyavnaij o”, xi li Muc'ul Diose.

Jeremías 50:13

Ta scoj sc'ac'al co'nton ti mu'yuc xa boch'o te chnaqui oe, ti yavnaijem chcom o li Babiloniae. Li boch'otic te chjelovique toj ch'ayel chc'ot yo'ntonic, chlic slabanic ta scoj ti c'u x'elan tstoj smule.

Ezequiel 27:36

Li jchonolajeletic ta jujun lume ch-avanic ta xi'el ti c'alal chayilicote; i'ayin ep axi'elal cha'yic, yu'un sbatel osil j'ech'el lach'ay o batel,’ uto”, xiyutun li Diose.

Levítico 26:32

“Ta xcules o li alumalique. Li avajcontraic te chtal naquiicuque ch'ayel chc'ot yo'ntonic ti jech chc'ot ta pasele.

Miqueas 6:16

Yu'un ja' laj avich'be ta muc' smantal li Omrie, ja' laj achan c'u x'elan yabtel li smomnich'nab Acabe; ja' laj achan li c'usitic la spasique. Ja' yu'un ta jyavnaijesot o; na'lebilot chacom achi'uc li jnaclumetic avu'une. Chacuchbe o xq'uexlalic li jteclum cu'une”, xi li Diose.

Sofonías 2:15

Ja' jech chc'ot ta pasel ta stojol li jun lum ti toj xcuxet yo'ntone, ti toj jun to'ox yo'ntone, ti jech to'ox chal ta yo'ntone: “Vu'un no'ox jtuc, mu'yuc xa boch'o yan jech”, ti xi to'oxe. ¡C'uxi bat yavnaijuc, c'uxi ipas ta xch'en jti'val chonbolometic! Li boch'otic te chjelovique xpilajetic no'ox; yan xa xich' spasic ta slabanel.

Deuteronomio 28:37

Toj i'lal abaic chayiloxuc ti c'alal te oyoxuc ta slumalique. Chaslabanoxuc, chasbolc'optaoxuc li cristianoetic ta scotol lumetic bu chaspucoxuc batel li Muc'ul Diose.

Deuteronomio 29:22

Ti jayc'ol cristianoetic ta to xtalique, ja' li amomnich'nabtaquique xchi'uc li yanlum cristianoetic chtalic ta namal banamile, ta to xlic yilic li tsots vocole xchi'uc li tsots chameletic ta stac tal Muc'ul Dios li' ta banamile.