Jeremías 19:7 - Bible in Tzotzil de Chenalhó with Deuterocanon

⁷ Li' ta banamil ta jlilinbe c'usitic snopojic li Judá xchi'uc Jerusalene. Ta xcac' lajicuc ta milel yu'un li yajcontraique; ta xcac' ochicuc ta sc'ob li boch'o ta xcontrainatic yu'une. Li sbec'talique ta xcac'be sti' xulemetic xchi'uc jti'val chonbolometic.

Bible in Tzotzil de Chamula

⁷ Ti c'usi chapal xa yu'un ti Judae, xchi'uc ti Jerusalene, li' ta xc'ot ta soquel ta lilijel une. Ta xc'ot ta pasel cu'un ti ta stsutsesatic yu'un ti jtsutsesvanej jcontrainvaneje. Xulem xchi'uc jti'oval chonetic xve' yu'un ti sbec'tal stacopalique.

Jeremías 19:7 Iomraidhean Croise

2 Reyes 21:14

Ti c'u to yepal chcomic li jteclumale, ta jip o ta co'nton; ta xcac' ochicuc ta sc'ob yajcontraic, yu'un jech ac'o yich'ic pojbel scotol li c'usitic oy yu'unique.

Proverbios 21:30

Ta stojol Muc'ul Diose mu'yuc stu li jbijiltique, li c'usi lec jna'tique, xchi'uc ti lec jna' xijlo'ilaje.

Isaías 29:14

Ja' yu'un, ta sventa sq'uelubiltac jtsatsal ta jch'aybe yo'ntonic li cristianoetic le'e; ta jch'aybe sbijilic li boch'otic bijique; ta jch'aybe sjolic li boch'otic oy c'usi lec sna'ique”, xi.

Isaías 8:10

Chapanic li c'usi chanopique, te no'ox macal chc'ot ta be; sibtasvananic, mu xc'ot ta pasel, yu'un li' oy ta jtojolcutic li Diose.

Jeremías 15:2

Me jech chavich' jac'bele: ¿Bu chibatcutic u?, me xayutoxuque, jech xavalbe: jech chal li Muc'ul Diose: ‘Li boch'o sc'oplal chcham ta chamele, chcham o ta chamel; li boch'o sc'oplal chcham ta espadae, chcham o ta espada; li boch'o sc'oplal chcham ta vi'nale, chcham o ta vi'nal; li boch'o sc'oplal chucbil chbat ta yan banamile, jech chucbil chbat o’, uto.

Jeremías 15:9

Li me'iletic ti oy vucub yolique, ta xlic alubicuc, ta x'ayin ep svocolic. Ta xlic yalicuc o ta q'uexlal, ta na'leel. Li sac osil to'ox chilique, ta xc'ataj ta ac'ubal. Me oy to boch'o chcom yu'unique, ta xcac' lajicuc ta milel yu'un yajcontraic”, xi li Muc'ul Diose.

Jeremías 16:4

Ta xchamic ta xc'uxul tsatsal chamel, ta milel, xchi'uc ta vi'nal. Mu'yuc boch'o chc'uxubaj yo'nton ta stojolic; mu'yuc boch'o tsmuc chpixic. Te no'ox busul chc'a'ic ta banamil jech chac c'u cha'al stso' chonbolometic. Li sbec'talique chtal ti'baticuc ta xulemetic xchi'uc ta chonbolometic ta te'tic”, xiyutun.

Jeremías 18:21

Ja' yu'un ac'o chamicuc ta vi'nal; ac'o lajicuc ta milel li yalab xnich'nabique. Li yajnilique ac'o comicuc ta me'nal; ac'o mu'yucuc yol chcomic. Li viniquetic yu'unique ac'o chamicuc; li queremetic yu'unique ac'o milaticuc ta espada.

Jeremías 21:7

Ts'acal ta xcaq'uic ta sc'ob Nabucodonosor xchi'uc ta sc'ob yantic yajcontraic li ajvalil Sedequías ta Judae xchi'uc li xchi'iltac ta abtele xchi'uc li boch'otic chcolic to ta chamel, ta milel, xchi'uc ta vi'nale. Te ta xmilatic o ta espada. Me jutuc mu'yuc xa ta xcoltaatic, mu'yuc abul sba ch-ilatic; me jutuc mu'yuc xa c'uxubinel. Jech chcal vu'un li Muc'ul Diosune.

Jeremías 22:19

Ja' jech chich' muquel jech chac c'u cha'al jcot buro; ta xjochic loq'uel, te chbat yaq'uic ta pat coralton yu'un Jerusalén”, xi li Muc'ul Diose.

Jeremías 22:25

Chacac'ot ta sc'ob li boch'o tsc'an ono'ox chasmilicote xchi'uc ta sc'ob li boch'o toj ep ono'ox chaxi' yu'une, ja' li Nabucodonosor ajvalil ta Babiloniae xchi'uc li caldeaetique.

Jeremías 32:28

Jech chacalbot vu'un li Muc'ul Diosune: Li lum li'i ta xcac' ta sc'ob caldeaetic xchi'uc Nabucodonosor, ja' li ajvalil ta Babiloniae; ja' ta sventain o.

Jeremías 34:20

Ta xcac' ochicuc ta sc'ob li yajcontraic ti tsc'an chmilatic yu'une. Li sbec'talique ta xlaj ta ti'el ta mutetic xchi'uc ta chonbolometic.

Jeremías 46:26

Ta xcac' ochicuc ta sc'ob yajcontraic, ja' li ajvalil Nabucodonosor ta Babiloniae xchi'uc li svinictaque. Pero li Egiptoe ta to xlic tsatsubicuc ta ts'acal jech chac c'u cha'al ono'ox oyic ta ba'yuque, xichi vu'un li Muc'ul Diosune”, xi.

Jeremías 7:33

Li sbec'talic li jun ta lum cristianoetic li'i ta xtal ti'aticuc ta mutetic xchi'uc ta chonbolometic; me jutuc mu'yuc boch'o ta sibtas batel.

Jeremías 8:2

Te no'ox tanpuc chbat ta osilaltic ta sba ta sat li c'ac'al, li u, xchi'uc li c'analetique, yu'un ja' laj yich'ic ta muc', ja' itunic yu'un, ja' la sts'aclinic o, ja' la sjac'beic li c'usi tsjaq'uique, ja' la squejan sbaic ta stojol. Mu'yuc boch'o chtal stsobbe li sbaquilique, mu'yuc boch'o chtal smuc, te no'ox chch'ay batel ta banamil jech chac c'u cha'al c'a'ep.

Jeremías 8:8

¿C'u x'elan xu' jech chavalic: Li vu'uncutique lec bijuncutic, li' oy ta jc'obcutic li smantaltac Muc'ul Diose, ti xachiique? Yu'un li jts'ibajometic avu'unique laj xa stunesic ta sts'ibael puru epalc'opetic li slapisique; laj xa syanijesic ta ts'ibael li mantaletic cu'une.

Jeremías 8:9

Ja' yu'un li boch'o bijique ta xyalic ta q'uexlal, ta xniquic ta xi'el; ta x'ochic ta c'op-o'nton, yu'un la xa sbajic comel li jmantale. Ja' yu'un ¿bu tsta li sbijilique?

Lamentaciones 3:37

¿Boch'o xu' yu'un oy c'usi chac' c'otuc ta pasel me mu'yuc chal mantal stuc li Diose?

Levítico 26:17

Ta xlic jcontrainoxuc, jech tsalbil chac'otic yu'un li avajcontraique. Ja' chlic spasoxuc ta mantal li boch'otic chopol to'ox chavilique. Xchi'uc jech no'ox chajatovic batel, ac'o me mu'yuc boch'o chtal snutsoxuc.

Levítico 26:25

Ta jtac tal boch'otic chasmiloxuc; ja' spacol ta sventa ti mu xach'unic li c'usi chapanbil cu'une. Ac'o me chbat anac' abaic ta lumetic avu'unic, pero ta jtac tal chamel ta atojolic; xchi'uc chacac'oxuc o ta sc'ob li avajcontraique.

Romanos 3:31

Li' ta orae, ¿me xu' ta jnoptic ti ac'o jlajesbetic sc'oplal c'usi chal smantaltac Dios ta sventa li xch'unojel co'ntontique? ¡Mo'oj! Ja' to jech xu' ta xc'ot ta pasel cu'untic c'usi chal li smantal Diose.

Romanos 4:14

Ti ja'uc ta sventa ta jch'unbetic smantal Dios ti chij'ac'bat li c'usi albil sc'oplale, mu'yuc stu chc'ot xch'unojel co'ntontic ti jechuque. Jech noxtoc mu xu' chc'ot ta pasel chquich'tic li c'usi albil sc'oplale.

1 Samuel 17:46

Tana chayac'ot ta jc'ob li Muc'ul Diose jech xu' chajmilot; chajc'ocbot ajol. Li sbec'tal soldadoetic avu'unique ta xcac'be sti' mutetic ta vinajel xchi'uc jti'val bolometic. Jech ta sna'ic o scotol cristianoetic ta banamil ti oy jun Dios yu'un li israeletique.