Jeremías 19:4 - Bible in Tzotzil de Chenalhó with Deuterocanon

⁴ Yu'un li israeletique solel la syanijesic li banamil li'i. Li' la xchic'beic pom li yantic diosetic ti mu xotquinique, xchi'uc ti mu ono'ox xotquinic ec li smoltot syame'ique. Jech noxtoc li ajvaliletic ta Judae la snojesic ta xch'ich'al li boch'otic mu'yuc smulique.

Bible in Tzotzil de Chamula

⁴ Ti israeletique laj sjip laj stenicun comel. Yan o xa ta q'uelel yu'unic ti banomil li'e. Lic xchic'beic pom ti yan diosetic ti mu xojtiquinic jutebuque. Mi ja'uc yojtiquinojic ti stot sme'ic ta vo'nee, mi ja'uc ti ajvaliletic yu'un ti Judae. Buyuc no'ox laj smalbeic xch'ich'el ti buch'u jeche' muts'ul sba sat laj yich'ic milele.

Jeremías 19:4 Iomraidhean Croise

2 Reyes 21:16

Jech noxtoc li Manasese ep la smalbe xch'ich'alic li boch'otic mu'yuc smulique; solel noj ta ch'ich' c'alal ta sti'il-ti'il li Jerusalene. Ja' slecoj o li muliletic laj yac'be spas judaetique, jech toj chopolic c'usi la spasic ta stojol li Muc'ul Diose.

2 Reyes 23:10

La soques noxtoc li xchic'ubil xnich'nabic Tofel te ta stenlejaltic Hinome, yu'un jech mu'yuc xa boch'o chbat xchic' squerem, o me stseb ta stojol li sdiosic Moloque.

2 Reyes 24:4

xchi'uc ta scoj ti la smalbe xch'ich'al li boch'otic mu'yuc smulique. Yu'un inoj ta ch'ich' yu'un li Jerusalene, ja' yu'un li Muc'ul Diose mu xa sc'an spasbe o perdón yu'un smul.

Salmos 106:38

La smalbeic xch'ich'al li boch'o mu'yuc smule, ja' li xch'ich'al squerem stsebic ti la smilbeic smotonin li c'usi cuybil ta diosetic te ta Canaane, jech ibolib o ta scoj ch'ich' li yosilalique.

Isaías 59:7

Li yacanique ch-anilaj batel ta spasel li c'usi chopole; chbat smilic li boch'o mu'yuc smule, li c'usitic snopoj tspasique puru chopolic; puru soquesvanej, puru jinvanej tspasic ti bu chanovique.

Isaías 65:11

Yan vo'oxuc ti acomtsanojic o li Muc'ul Diose, ti lach'ay o ta avo'ntonic li ch'ul vits cu'une, ti laj avac'beic ve'lil xchi'uc ya'lel ts'usub smotonin li dios Gad xchi'uc Meníe, ti ach'unojic ti ja' chac' c'usitic lec ta jtatique,

Jeremías 1:16

Yu'un ta xcac'beic tsots svocolic ta scoj smulic, yu'un la scomtsanicun, ja' bat yich'ic ta muc' li yan diosetique; ja' bat xchiq'uic pom ta stojol li sdiosic ti spasoj ta sc'ob stuquique.

Jeremías 11:13

Yu'un li Judae toj ep diosetic yu'un jech chac c'u cha'al li lumetic ta yosilale. Li Jerusalene toj ep scajleb matanaletic yu'un jech chac c'u cha'al li xoraliltaque, yu'un ja' te ta xchic' pom ta stojol li dios Baale.

Jeremías 15:6

Li Muc'ul Diose jech chal: Vo'ot laj acomtsanun, laj ava'lupatinun comel. Ja' yu'un li' ta orae ta jye' jc'ob ta aba, ta xcac'bot tsots avocol, yu'un i'ech' xa co'nton avu'un.

Jeremías 16:11

Jech xavalbe: ‘Jech chal li Muc'ul Diose: Ja' ta scoj ti la scomtsanicun li amoltot ayame'ique. Ja' bat yich'ic ta muc' li yantic diosetique, ja' itunic yu'un; la squejan sbaic ta stojol. Vu'un la scomtsanicun; muc xich'ic ta muc' li mantaletic cu'une.

Jeremías 17:13

¡Muc'ul Dios, vo'ot smuc'ulot yo'nton Israel! Scotol li boch'o ta scomtsanicote ta xyalic ta q'uexlal. Li boch'otic ta svoc' sbaic ta atojole ta lumtic no'ox chich' ts'ibabel sbiic, yu'un la scomtsanic li lequil nio' ti mu x'ul oe.

Jeremías 17:20

Jech xavalbe ya'yic: ‘Ajvaliletic ta Judá xchi'uc acotolic jnaclumetic ta Jerusalén ti cha'ochic batel li' ta ti'coraltone, a'yo ava'yic c'usi chal li Muc'ul Diose.

Jeremías 18:15

Pero li jteclumale i'ul xa o xch'unojel yo'ntonic ta jtojol, ja' bat xchiq'uic pom ta stojol li diosetic ti mu'yuc stue; solel ch'ayemic o ta be. Ja' stamojic o batel li poco' be ta vo'onee; ja' li chucul be ti mu'yuc boch'o xotquine.

Jeremías 2:13

Yu'un li jteclumale oy chib ti bu la sta smulic ta jtojole: la scomtsanicun, vu'un li bats'i nio'un yu'unique, xchi'uc la smeltsanic yavil vo' yu'un stuquic. Pero chaq'uem, solel mu sts'ani o ya'lel.

Jeremías 2:17

¿Me mu jechuc lapasbatic ti c'alal laj acomtsanicun? vu'un li Muc'ul Diosun avu'unique, vu'un ti la jtojobtasoxuc tal ta bee.

Jeremías 2:19

Achopolilic no'ox chayac'boxuc atoj amulic; atoyobbailic no'ox chayac'oxuc ta vocol. Nopic me lec, q'uelo lec avilic ti toj chopol, ti acomtsanojicun vu'un li Muc'ul Diosun avu'unique, ti muc xavich'icun ta muq'ue. Jech chcal jtuc vu'un li Muc'ul Diosune, vu'un li Diosun ti ta jpas ta mantal scotol te ta vinajele.

Jeremías 2:30

Altic no'ox laj cac'be nucul li anich'nabique, yu'un muc xtuq'uibic o, muc xlecubic o. Vo'oxuc laj amilic ta espada j'alc'opetic avu'unic jech chac c'u cha'al chmilvan li leonetique.

Jeremías 2:34

Yatinoj ac'u' xch'ich'alic li me'onetic xchi'uc li boch'o mu'yuc smulique, ac'o me mu'yuc i'och ta elec' ta ana.

Jeremías 22:17

“Pero li vo'ote ja' no'ox batem ta avo'nton ti chatsob ep ac'ulejal ta sventa lo'lavaneje, ti chamalbe xch'ich'al li boch'o mu'yuc smulique, ti chavuts'inta, ti chalo'labe c'usi oy yu'un achi'iltaque”, xi li Muc'ul Diose.

Jeremías 22:3

Jech ta xal: Lec me tuc' xachapanvanic li' ta avosilalique; tuc' c'usitic xapasic. Coltaic loq'uel ta sc'ob j'uts'intavanejetic li boch'otic uts'intabilique. Mu me xalo'laic; mu xavelc'anbeic c'usi oy yu'un li yanlumetique, li me'on ololetique, xchi'uc li me'on antsetique. Mu me xamalbeic xch'ich'al li boch'otic mu'yuc smulique.

Jeremías 26:15

Pero na'o me ava'yic, me chamilicune, vo'oxuc chcom ta abaic xchi'uc jteclum xch'ich'al li jun vinic ti mu'yuc smule, yu'un ta melel tacbilun tal yu'un Muc'ul Dios ti tal cal ava'yic ta jamal li c'usi chc'ot ta pasele”, xut.

Jeremías 26:23

Ja' ay yiq'uic sutel tal li Uriase; te vul yac'beic ta sc'ob li ajvalil Joacime. Li Joacime la smil; te no'ox bat yac' ta muquel ta coman muquinaltic yu'unic”, xiic li moletique.

Jeremías 44:3

Ja' ta scoj ti toj chopol c'usi la spasique, jech laj yaq'uic ilincun, yu'un ja' bat yich'ic ta muc' li yantic diosetique; ja' bat xchic'beic pom ta stojol li yantic diosetic ti mu xavotquinique, me ja'uc li amoltot ayame'ic ta vo'onee muc xotquinic ec.

Jeremías 5:6

Ja' yu'un ta xloc' tal leonetic ta toyolaltic ja' ta xti'atic o; ta xloc' tal oq'uiletic ta xocol banamil, ja' ta x'ulesatic yu'un noxtoc. Te ta xmalaatic yu'un jti'val bolometic ta slumalic. Boch'ouc no'ox ta xloc' batel te ta xmilatic o, yu'un i'epaj li stoyobbailique; mu xa albaj c'u yepal li xchopolilique.

Jeremías 7:6

me mu xavuts'intaic li yanlumetique, li me'on ololetique, li me'on antsetique, me mu'yuc chamalbeic xch'ich'al li' ta banamil li boch'otic mu'yuc smulique, me mu'yuc chbat avich'ic ta muc' li yantic diosetic ti ja' no'ox chasa' avocolic yu'une,

Jeremías 7:9

Ja' no'ox cha'elc'ajic, chamilvanic, chamulivajic; oy c'usi chavalic ta jtojol ti mu meleluque. Chachic'beic pom li Baale; ja' chbat avich'ic ta muc' li yantic diosetic ti mu xavotquinique.

Lamentaciones 4:13

Ja' ta smul j'alc'opetic xchi'uc paleetic yu'unic, yu'un la smalbeic xch'ich'al te ta lum li boch'otic mu'yuc smulique.

Ezequiel 20:26

Laj cac' bolibicuc o ta scoj li matanaletic chaq'uique xchi'uc ta scoj li sba xnich'nabic chchiq'uic ta c'oc' ta sventa smoton sdiosique, yu'un jech ac'o niquicuc ta xi'el, jech chlic sna'ic ti vu'un Muc'ul Diosune’, uto.

Ezequiel 7:22

Yu'un ta jq'uej loq'uel jsat ta stojolic, jech ta xich' soquesel o li c'usitic lec oy cu'une, ja' li jch'ulnae. Yu'un ta x'och yac' sc'obic li j'eleq'uetique; ta xlic sbolibtasic o scotol.

Ezequiel 8:11

Ta stuq'uil li c'usi loc'tabilique te va'ajtic lajuneb xchanvinic (70) viniquetic, ja' li banquilaletic yu'un israeletique. Ja' te oy ta o'lol yu'unic li Jaazanías xnich'on Safane. Stsacanojic jujun xchic'ubil pom; te ta xchiq'uic pom ta stojol li c'usi loc'tabilique. Ic'uben no'ox xch'ayilal chmuy yu'unic li pome.

Daniel 11:31

‘Ta xlic yajsoldadotac ti lec tsotsique; ta sbolibtasic li ch'ulnae xchi'uc li coraltone, xchi'uc ta slajesbeic sc'oplal li milbil matanal chich' aq'uel ta stojol Dios scotol c'ac'ale. Ja' te ta xaq'uic ta ch'ulna li c'usi toj chopol chil Diose.

San Lucas 11:50

Jech vo'oxuc chcom ta aventaic scotol li xch'ich'al j'alc'opetic la smalic c'alal ilic li banamile, vo'oxuc ti li' cuxuloxuc ta orae.

Deuteronomio 13:13

me chava'yic ti ja' ta chch'ayes ta be li xchi'iltaquique, me ta sujic ta yich'el ta muc' yantic diosetic ti mu xavotquinique,

Deuteronomio 13:6

“Me oy achi'ilic ta voq'uel, o me aquerem atsebic, me avajnilic ti lec ac'anojique, o me yan achi'ilic ti bats'i lec ac'anoj aba achi'uquique, me ta sujoxuc batel ta mucul yu'un ac'o bat avich'ic ta muc' li c'usitic cuybilic ta diosetic ti mu xavotquinique xchi'uc muc xotquinic ec li atot ame'ique, mu me xach'unic.

Deuteronomio 28:20

“Li Muc'ul Diose ta stacboxuc tal tsots vocol ta atojolic me laj avictaic comel ta scoj ti chopol c'usitic chapasique. Scotol li c'usi chapasique, chopol chbat avu'unic scotol, xchi'uc ep chavat avo'ntonic ta sventa, yu'un tsoc scotol li avabtelique. Xchi'uc mu xa jaluc chbat; chavich'ic ulesel o acotolic.

Deuteronomio 28:36

“Li Muc'ul Diose chac' ti ac'o avich'ic chuquel batel c'alal ta ajvalil avu'unic ta yantic banamil ti bu mu xavotquinic oe, me ja'uc li amoltot ayame'ic ta vo'onee muc xotquinic ec. Te chavich'ic sujel ti ac'o tunanic yu'un li c'usitic cuybilic ta dios ti pasbilic ta te' xchi'uc ta tone.

Deuteronomio 28:64

Li Muc'ul Diose chaspucoxuc batel acotolic ta yantic banamiletic; ta jot sti', c'alal to ta yan to jot sti' chaspucoxuc batel. Te chc'ot avich'ic ta muc' li c'usitic muc ja'uc Diose, ja' ti pasbilic ta te' xchi'uc ta tone, ti muc xotquinic li amoltot ayame'ic ta vo'onee.

Apocalipsis 16:6

Yu'un li boch'otic la smalbeic xch'ich'al avu'untaque xchi'uc li avaj'alc'optaque laj xa avac'beic ch'ich' yuch'ic ec. Ja' jech stojol tsc'anic”, xi.

Jueces 5:8

“C'alal la sa'ic yan diosetic yu'unique, te tsacbilic o ta pleito. Me junuc smaquic, me junuc lanza, muc xvinaj te ta stojol li cha'vinic ta mil (40,000) israeletique.