Jeremías 19:3 - Bible in Tzotzil de Chenalhó with Deuterocanon

³ Jech xavalbe: ‘Ajvaliletic ta Judá, jnaclumetic ta Jerusalén, a'yo ava'yic c'usi chal li Muc'ul Dios ti tspas ta mantal scotol te ta vinajele, ja' li Dios yu'un Israele, jech chal: Ta jtac tal tsots vocol li' ta banamile; scotol li boch'o cha'yic c'usi tsots chc'ot ta pasele, tojtoj maquel chc'ot xchiquinic.

Bible in Tzotzil de Chamula

³ Xi xavale: ‘Ajvaliletic yu'un ti Judae, jnaclejetic yu'un ti Jerusalene, ts'etano ani' achiquinic ta ya'yiel ti xi ta xal ti Ajvalil ti scotol xu' yu'une, Dios yu'un ti Israele: Ta jtac talel muc'ul cuxul j'ilbajinvanej li'e. Ta xtub yiq'uic yu'un xi'el scotol ti buch'u ta xa'iique.

Jeremías 19:3 Iomraidhean Croise

Salmos 102:15

Jech xu' ta xlic yich'icot ta muc' li cristianoetic ta jujun lume; ta xlic yalic alequilal li ajvaliletic ta banamile,

Salmos 110:5

Li Cajvaltique te oy ta abats'ic'ob; ja' tstsal li ajvaliletic c'alal tsta yorail chlic sc'ac'al yo'ntone.

Salmos 2:10

Ja' yu'un, ajvaliletic, bijanic me; jpasmantaletic ta banamil, ch'unic me li tojobtasele.

Isaías 28:19

C'alal chtal jujun veltae, chaxjochoxuc o batel, yu'un ta jujun sob chtal; chtal ta c'ac'al, ta ac'ubal. C'alal ja' to no'ox chava'ibeic sc'oplale, chaniquic ta xi'el.

Jeremías 13:18

“Jech xavalbe ya'ay li ajvalile xchi'uc li sme'e: ‘Biq'uit xavac' abaic; mu xa me xachotiic ta achotlebic; chotlanic xa no'ox ta lumtic, yu'un li acoronaic sventa ich'biloxuc o ta muq'ue yalem xa ta banamil.

Jeremías 17:20

Jech xavalbe ya'yic: ‘Ajvaliletic ta Judá xchi'uc acotolic jnaclumetic ta Jerusalén ti cha'ochic batel li' ta ti'coraltone, a'yo ava'yic c'usi chal li Muc'ul Diose.

Jeremías 18:11

“Albo ya'yic li cristianoetic ta Judá xchi'uc li jnaclumetic ta Jerusalene, jech xavalbe: ‘Jech chal li Muc'ul Diose: A'yo ava'yic, oy c'usi chopol jnopoj ta jpas ta atojolic, jnopoj ti chacac'boxuc avocolique. Ja' yu'un comtsanic xa li chopol be atamojique, tuq'uibtasic li c'usi chapasique, lecubtasic li avabtelique’, uto.

Jeremías 19:15

“Li Muc'ul Dios ti tspas ta mantal scotol te ta vinajele, ja' li Dios yu'un Israele, jech ta xal: ‘Ta jtacbe tal tsots vocol li lum li'i xchi'uc li yantic lumetic li' ta spat xocone jech chac c'u cha'al jnopoj ono'oxe, yu'un solel stsatsubtasoj o yo'ntonic, mu sc'an xch'unic o li c'usi chcale’, xi li Muc'ul Diose”, xut.

Jeremías 25:29

Yu'un ta xa xlic cac'be stoj smul li lum ti xcuchojbicun jbie. ¿Me vo'oxuc xa chacolic ec? Mu'yuc ono'ox chacolic, yu'un ta jtac tal milel ta espada ta stojol li jnaclumetic ta scotol banamile’, xi li Muc'ul Dios ti tspas ta mantal scotol te ta vinajele.

Jeremías 35:17

Ja' yu'un jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: Ta xcac' taluc ta atojolic te ta Judá xchi'uc ta stojol jnaclumetic ta Jerusalén scotol li vocol ti caloj ono'ox chacac'boxuque. Yu'un la jc'opanoxuc pero muc xatac'ovic; laj quic'oxuc pero muc xavich'ic ta muc', xi li Diose’, uto”, xiyutun.

Jeremías 44:3

Ja' ta scoj ti toj chopol c'usi la spasique, jech laj yaq'uic ilincun, yu'un ja' bat yich'ic ta muc' li yantic diosetique; ja' bat xchic'beic pom ta stojol li yantic diosetic ti mu xavotquinique, me ja'uc li amoltot ayame'ic ta vo'onee muc xotquinic ec.

Jeremías 6:19

Banamil, a'yo ava'ay: Ta xcac' taluc vocol ta stojol li jun lum li'i, ja' stojol li c'usi chopol la spasique. Yu'un muc xch'unic li c'usi laj cale; la sbajic li chanubtasel cu'une.

Ezequiel 7:5

“Jech chcal vu'un li Muc'ul Diosune, vu'un li yajvalun scotole: Ta xtal tsots vocol ta atojol, mu'yuc spajebal.

San Mateo 10:18

Ic'bil chabatic c'alal ta stojol ajvaliletic xchi'uc ta stojol muc'tic ajvaliletic, pero vu'un ta jcoj, jech xu' te cha'yic o batel jc'oplal, xchi'uc jech xu' te cha'yic o batel yanlumetic noxtoc.

Apocalipsis 2:29

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique, xayutoxuc li Cajvaltique’, uto”, xiyutun.

1 Samuel 3:11

Li Muc'ul Diose jech laj yalbe: —Oy c'usi tsots ta jpas ta stojol li israeletique. Toj c'ux ta a'yel cha'yic li boch'otic ta xa'yique.