Jeremías 18:9 - Bible in Tzotzil de Chenalhó with Deuterocanon

⁹ Jech noxtoc ta ora no'ox xu' ta jva'an lec, ta jnacan lec li jun ta lum cristianoetic xchi'uc ajvalil yu'unique.

Bible in Tzotzil de Chamula

⁹ Nax to mu lic xi jol ta sva'anel, ta svolesel ti muc' ta lume, mi ja' ti ajvalile.

Jeremías 18:9 Iomraidhean Croise

Jeremías 31:28

Jech chac c'u cha'al ta sjunul co'nton la jbul loq'uel, la jines, laj yales ta lum, la jsoques, xchi'uc laj cac'be svocolique, ja' jech jun co'nton ta jva'an, ta jcha'ts'un noxtoc”, xi li Muc'ul Diose.

Jeremías 11:17

“Vu'un li Muc'ul Diosun ti ta jpas ta mantal scotol te ta vinajele; vu'un la jts'un li Israel xchi'uc Judae. Laj xa cal ti chcac'be tal svocolique, ja' ta scoj smul li smomnich'nabique, yu'un la sa'bicun sc'ac'al co'nton ta sventa ti ja' ta xchiq'uic pom ta stojol li dios Baale”, xi li Muc'ul Diose.

Jeremías 1:10

Vu'un ta xcac'bot tsots avabtel ta stojol muc'tic ajvaliletic xchi'uc ta stojol jujun banamil sventa chavuq'ues, sventa chabul loq'uel, sventa chavules, sventa chayavnaijes, xchi'uc sventa chava'an, sventa chats'un lec”, xiyutun.

Eclesiastés 3:2

Oy yorail chijvoc'; oy yorail chijcham. Oy yorail ts'unubajel; oy yorail sbulel.

Jeremías 32:41

Xcuxet no'ox co'nton ta jpasbeic c'usi lec; ta scotol jol co'nton ta xcac' naquiicuc o li' ta banamil”, xi li Muc'ul Diose.

Jeremías 31:38

A'yo ava'yic, jech chal li Muc'ul Diose: “Ta to sta sc'ac'alil ta xich' cha'va'anel lec li lum cu'une. Ja' to te chlic tal ta toyol q'uelub osil Hananeel c'alal to ti bu Chiquin Coralton sbie.

Jeremías 31:4

Israel, ta jcha'va'anot ta ach' jech lec chacom yan velta; xcuxet no'ox avo'nton chlic ac'otajan yan velta ta sepsep taq'uin.

Jeremías 30:18

Li Muc'ul Diose jech chal: “Ta to xcac' sutuc tal li smomnich'nabtac Jacob ti chucbilic batel ta yan banamile; ta to xlic c'uxubajuc ta co'nton li yosilalique. Li slumalique ta xich' cha'va'anel te ta yav ti bu to'ox oye, xchi'uc li pasubmantale ta xich' va'anel jech chac c'u cha'al ono'oxe.