Jeremías 17:9 - Bible in Tzotzil de Chenalhó with Deuterocanon

⁹ “Li o'ntonale toj chopol, ja' no'ox ven jlo'lavanej ta scotol. ¿Me oy boch'o xa'ibe smelol le'e?

Bible in Tzotzil de Chamula

⁹ “Ti o'ntonale, mu'yuc xa c'usi jech yan ta lo'lavanej yu'un ti spajebal xchopolale. ¿Mi yu'un la oy buch'u sna' ti bu sq'ueloj batele?

Jeremías 17:9 Iomraidhean Croise

Génesis 6:5

Li Muc'ul Diose laj yil ti i'epaj smulic li cristianoetic ta banamile, xchi'uc ti ja' no'ox batem ta yo'ntonic o snopel li c'usitic chopole.

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

2 Samuel 11:15

Jech laj yal batel ta carta: “Ja' xavac' ta ba'yucbe li Urías ti bu toj tsots pleitoe. Te xacomtsanic ta anil stuc; te ac'o milatuc, ac'o chamuc”, xut batel.

Salmos 51:5

Li vu'une jpasmulilun ono'ox ti c'alal livoq'ue; jpasmulilun ono'ox c'alal lic xchi'inun tal li jme'e.

Salmos 64:7

Ta x'ac'batic tal flechaetic yu'un Dios ec; ta mucul ch-ac'batic tal, jech ch'ayel yo'nton chtaatic ec.

Proverbios 28:26

Li boch'o xu' no'ox yu'un stuc cha'ye ja' bol cristiano; yan li boch'o tstunes lec sbijil c'alal oy c'usi tspase, lec chbat yu'un.

Eclesiastés 9:3

Le'e ja' li c'usi toj chopol chc'ot ta pasel li' ta banamile, yu'un co'ol oy c'usi tstaic scotol. Li cristianoetique nojem ta c'usi chopol li yo'ntonique, nojem ta sbolil yo'ntonic ti jayib c'ac'al cuxulique, ts'acal chbatic c'alal ta ch'en.

Isaías 1:5

Staoj yav jtoybaoxuc o. ¿Bu xa jotucal abec'talic xu' chc'ot li nucule? yu'un tuch'emic xa sbejlijil ajolic; xlaj xtu'p xa avo'ntonic.

Isaías 1:6

Xlic ta yut avacanic c'alal to ta ajolic, me jutuc mu'yuc xa bu lec; tuch'emic, situbenic, chc'a'an xa, mu'yuc poxtabil, mu'yuc pixbil, mu'yuc bu c'unibtasbil jutuc ta aceite.

Isaías 6:10

Tsatsubtasbo yo'ntonic li jun lum le'e; macbo xchiquinic, macbo satic, yu'un mu me xa'yic, mu me xilic, mu me xc'ot ta yo'ntonic, jech mu me sutes yo'ntonic o ta jtojol, yu'un jech mu xcolic o cu'un”, xiyutun li Cajvaltique.

Jeremías 16:12

Pero li vo'oxuque toj ech'em no'ox chopol c'usi laj apasic jech chac c'u cha'al li atot ame'ique. Yu'un ja' bat apasic c'usi tsc'an avo'nton atuquic jujunoxuc; ja' muc xach'unic li c'usi laj cale.

Jeremías 7:24

Pero muc xch'unbicun, muc xich'bicun ta muc'; ja' ono'ox la spasic batel li c'usi tsc'an yo'ntonique. Ta scoj no'ox toj tsots yo'ntonic ep sbolil yo'ntonic ti jech lic sva'lupatinicun comele.

San Mateo 13:15

Yu'un stsatsubtasoj yo'ntonic li jun lum li'i. Toj tsots ta a'yel cha'yic, smuts'oj o satic, yu'un jech mu me xilic, jech mu xa'yic ta xchiquinic, jech mu xc'ot ta yo'ntonic, jech mu sutes yo'ntonic, yu'un jech mu me xcolic o cu'un’, xi li Diose, xi ono'ox li Isaiase.

San Mateo 15:19

Yu'un ta yut yo'nton cristiano ta xlic tal li c'usi chopol tsnope, li milvaneje, li mulivajele, li c'opanejbaile, li eleq'ue, li epalc'ope, li xchopolc'optael yantique.

Marcos 2:17

C'alal laj ya'ay li Jesuse, jech laj yalbe: —Li boch'otic tsotsique mu xtun yu'unic jpoxtavanej, ja' no'ox li boch'otic ipique. Li vu'une ma'uc tal quic' li boch'otic tuc' scuyoj sbaique; ja' tal quic' li jpasmuliletique —xi li Jesuse.

Romanos 1:21

Yu'un la sna'ic ti oy Diose, pero muc xich'ic ta muc' jech chac c'u cha'al Dios; mu'yuc bu la stojbeic ta vocol. Solel mu'yuc stu li c'usi la snopique. Icomic ta ic' osil ta scoj li sbolilique.

Romanos 7:11

Yu'un li mulile tsots laj yac' sujel ti c'alal ital li mantaletique, jech la slo'laun, jech ta sventa smantal Dios chibat ox ta ch'ayel.

Efesios 4:22

Ava'yojic ti tsc'an chajipic comel stalel li poco' cristianoe, ja' ti c'u to'ox xa'elanic ta vo'onee, yu'un ja' no'ox tsoquesvan, ja' no'ox chlo'lavan.

Hebreos 3:12

Jchi'iltac, q'uelo me abaic, mu me oyuc boch'o chopol yo'nton; mu me oyuc boch'o tsots yo'nton avu'unic, yu'un xu' chacomtsanic o li cuxul Diose.