Jeremías 17:5 - Bible in Tzotzil de Chenalhó with Deuterocanon

⁵ Jech chal noxtoc li Muc'ul Diose: “Ac'o bat stoj li boch'o tsvoc' sba loq'uel ta jtojol, ti ja' no'ox tspat yo'nton yu'un cristianoe, ti ja' te batem yo'nton tsc'an coltael yu'une.

Bible in Tzotzil de Chamula

⁵ Ti Diose xi ta xal xtoque: “Ta jbis ta cotol chaval ti buch'u yan yo'nton ta jtojole, ti viniquetic no'ox ta spat yo'nton ta stojole, ti utsuc xa ta xba snaban sba ta sa'el ti spojel scolele.

Jeremías 17:5 Iomraidhean Croise

Isaías 2:22

Mu me ja'uc xapat avo'ntonic yu'un li cristianoetique, yu'un ta ic' no'ox cuxulic, ¿C'usi stu ti ich'bilic ta muq'ue?

2 Crónicas 32:8

Li stuque yich'oj no'ox stsatsal ta sventa svinictac. Pero li vu'utique li' xchi'inojutic li Muc'ul Dios cu'untique, ja' chiscoltautic ta stsalel li cajcontratique”, xut. C'alal laj ya'yic c'usi laj yal li Ezequiase, itsatsub yo'nton scotolic.

Isaías 36:6

Jna'oj ti ja' apatoj avo'nton yu'un li Egipto ti ja' jech chac c'u cha'al jbej aj voch'eme, ti ta x'och ta sc'ob sjepelil me oy boch'o choq'ui sba oe, toj jelovel ta jot. Ja' jech ta xc'ot li boch'o ja' spatoj yo'ntonic ta stojol li faraón ta Egiptoe.

Salmos 62:9

Li cristianoetic ta banamile solel mu'yuc stuic o, ja' no'ox jechic jech chac c'u cha'al yic'al quetic; puru epalc'op no'ox oy ta yo'ntonic. C'alal jmojuc chich'ic bisel ta kilo scotolique, solel mu'yuc ol chc'otic; ja' ol to jutuc chcom li yic'al quetique.

Salmos 18:21

Yu'un ja' la jts'aclin o batel li be yu'une; mu'yuc la jch'ay ta co'nton li Dios cu'une.

Ezequiel 6:9

Li boch'otic cuxul chcomique te chlic sna'icun ta yantic banamil ti bu chucbilic batele. Te chlic sna'ic ti vu'un laj cac'be svocolic ta scoj ti imulivajic ta jtojol ta sventa ti laj yich'ic ta muc' yan diosetique. Te chlic q'uexovicuc stuquic ta scoj li xchopol talelic la spasic ta jtojole.

Oseas 1:2

Ja' jech la sliques ya'yej ta stojol Oseas li Muc'ul Diose, jech laj yalbe: “Bat ic'o jun jmulavil ants; ac'o ayinuc avalab anich'nabic achi'uc. Jech yalab jmulavil ants chc'otic. Yu'un li Israel banamile soquem o ta mulil yu'unic; svoc'oj sbaic o ta jtojol li israeletique, jech yalab jmulavil ants c'otemic”, x'utat.

Isaías 59:15

Li c'usi melele chtu'p xa o batel. Li boch'o mu sc'an spas c'usi chopole chich' elc'anbel c'usi oy yu'un. Ja' yu'un li Muc'ul Diose toj chopol laj yil, yu'un mu'yuc xa c'usi tuc' chich' pasel o.

2 Crónicas 16:12

C'alal balunlajuneb xcha'vinic (39) jabil xa'ox yochel ta ajvalilal li Asae, bats'i tsots isnup chamel xchibal yacan. Pero muc ja'uc la sc'anbe vocol li Muc'ul Diose; ja' ibat ta stojol jpoxtavanejetic.

Isaías 20:5

Li cristianoetique ep chi'ic, ep chch'ay yo'ntonic. Ep q'uexlal cha'yic ta scoj li Etiopía ti ja' to'ox spatoj yo'ntonic yu'une, xchi'uc li Egipto ti ja' to'ox stoyoj sbaic o xchi'uquique.

Jeremías 11:3

Jech xavalbe: ‘Jech chal li Muc'ul Dios yu'un Israele. Chopol chcom o li boch'o mu xich' ta muc' c'usi chal li c'usi chapanbil cu'une.