Jeremías 17:4 - Bible in Tzotzil de Chenalhó with Deuterocanon

⁴ Ta xcac' acomtsan li banamil cac'ojbote, yu'un ja' chbat tunan yu'un avajcontra te ta yan banamil ti mu xavotquine, yu'un laj avac' tsanuc sc'ac'al co'nton jech chac c'u cha'al c'oc' ti mu xtu'p oe”, xi li Muc'ul Diose.

Bible in Tzotzil de Chamula

⁴ Ta jech yepal ta xaten comel ti banomil laj cac'bot ta arextoe. Ta xcac' c'otan ta mosovil yu'un avajcontratac ta banomil ti bu mu xavojtiquine, yu'un til xa ti sc'ac'al co'nton jech c'u cha'al junuc c'oc' ti j'ech'el ta stsutsesote.”

Jeremías 17:4 Iomraidhean Croise

1 Reyes 9:7

ta jloq'uesoxuc batel li' ta banamil ti bu cac'ojboxuque, xchi'uc ta jloq'ues batel li ch'ulna ti ts'u'iltasbil cu'une. Ta xlic slabanoxuc yantic lumetic.

Nehemías 9:28

“Pero c'alal jun xa yo'ntonic avu'une, lic stoy sbaic ta atojol yan velta. Jech lic avac' ochicuc ta sc'ob yajcontraic noxtoc, lic yich'ic uts'intael. Ts'acal lic sc'anic coltael ta atojol yan velta. Pero ta sventa ti toj ech'em smuc'ul avo'ntone, laj ava'ibe tal sc'opic c'alal ta vinajel, ep ta velta laj acolta.

Isaías 14:3

Israel, c'alal tsta yorail yu'un Muc'ul Dios chac' acux ta sventa li tsots avocol, li tsots at-o'nton, xchi'uc li tsots mozoinel chavich' pasbele,

Isaías 30:33

Yu'un vo'one xa chapanbil ta sventa Asiria xchi'uc ajvalil yu'un li yavil muc'ta vocol ti mu albajuc c'u sjamlej, xchi'uc ti mu albajuc c'u snatil xchaque. Te tsanal o li c'oq'ue, yu'un toj ep si'il; ta yic'al ye no'ox Muc'ul Dios ta stsan; ja' ti chloc' ep azufre ta ye jech chac c'u cha'al nio'e.

Isaías 5:25

Ja' yu'un li Muc'ul Diose ilic sc'ac'al yo'nton ta stojol li steclumale; la stoy sc'ob ta stojolic sventa chac'be stoj smulic. Inic li vitsetique; li sbec'talique te icoman ta xoraltic jech chac c'u cha'al c'a'ep, pero li Muc'ul Diose muc ono'ox x'ech' o li sc'ac'al yo'ntone; te to stoyoj o li sc'obe.

Isaías 50:11

A'yo ava'yic, vo'oxuc ti chatsanic c'oc' avalojique, ti chavac'beic lec stajale; batanic ta atsanbil c'oc' atuquic, xchi'uc ta atsanbil toj atuquic. “Ja' jech chajpasboxuc ta jc'ob jtuc; mochol chac'otic ta tsatsal vocol”, xi li Diose.

Isaías 66:24

“Ta xtalic, ta xilic te telajtic sbec'tal scotol li boch'o la scontrainicune. Mu xcham o li xuvitalique, xchi'uc mu xtu'p o li c'oc' bu oyique. Scotol cristianoetic toj chopol ta q'uelel chilic”, xi li Muc'ul Diose.

Jeremías 12:7

“Laj xa jcomtsan li jnich'nabtaque; laj xa jip ta co'nton li cu'untac to'oxe. Laj xa caq'uic ta sc'ob yajcontraic li jun ta lum ti lec to'ox jc'anoje.

Jeremías 15:14

Ta jtic'ot ta mozoil yu'un avajcontra te ta banamil ti bu mu xavotquine, yu'un solel tsanem ta jyalel li sc'ac'al co'ntone, jech chaxchic'oxuc”, xi li Diose.

Jeremías 16:13

Ja' yu'un li vu'une ta jpucoxuc batel ta yan banamil ti bu mu'yuc ono'ox avilojique, xchi'uc ti mu'yuc ono'ox yilojic ec li amoltot ayame'ique. Te chatunic ta c'ac'al ta ac'ubal yu'un li yantic diosetique, jech mu'yuc ta jc'uxubinoxuc o’, uto”, xi li Muc'ul Diose.

Jeremías 18:23

Pero li vo'ote, Muc'ul Dios, ana'oj scotol c'u x'elan chapal yu'unic ti chismilicune. Mu me teuc no'ox xats'icbe li c'usi chopol tspasique; mu me xch'ay ta avo'nton li smulique. Ac'o yalicuc ta lum ta atojol; ac'bo xcuchic sc'ac'al avo'nton ti c'alal sta yorail cha'iline.

Jeremías 2:14

Li israeletique mu ja'uc mozoetic; muc teuc ivoq'uic ta sna mozo. ¿C'u yu'un ti chtal yich'ic chuquel batele?

Jeremías 21:12

Smomnich'nab ajvalil David, ja' jech chayalboxuc li Muc'ul Diose: Oc'ome liquesic me spasel li c'usitic tuq'ue; coltaic loq'uel ta sc'ob j'uts'intavanejetic li boch'o uts'intabilique. Mu me ta scojuc toj chopol avabtelic ti tstsan jech chac c'u cha'al c'oc' li sc'ac'al co'ntone, ti mu'yuc xa boch'o xu' tstu'p oe.

Jeremías 22:28

¿Me ja' jech ic'ot li Jeconías jech chac c'u cha'al bin ti voq'uem, ti mu'yuc xa stue, ti ja' jech chac c'u cha'al jun sets' ti mu'yuc xa boch'o tstuc'ulane? ¿C'u yu'un ti j'ech'el ijipatic o batel xchi'uc yalab xnich'nab ta yan banamil ti mu xotquinique?

Jeremías 5:19

C'alal me jech chlic yalique: ‘¿c'u yu'un jech la spasbutic scotol li Dios cu'untique?’, me xiique, jech xavalbe: ‘jech chac c'u c'alal laj acomtsanic li Muc'ul Dios ti latunic yu'un yantic diosetic li' ta alumalique, ja' no'ox jech chac' ac'o bat tunanic yu'un yanlum cristianoetic ta yan banamil noxtoc’, uto.

Jeremías 5:29

¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stojic ti jech tspasic li cristianoetic le'e?, xichi vu'un li Muc'ul Diosune.

Jeremías 7:20

Ja' yu'un jech chcal vu'un li Muc'ul Diosune, vu'un li Ajvalilune: Li sc'ac'al co'nton ta jmal li' ta banamile, ta jmal ta sba yac'ol cristianoetic, ta sba yac'ol chonbolometic, ta te', ta aq'uetic, xchi'uc ta sba yac'ol scotol li c'usitic chloc' li' ta banamile. Ta stsan jech chac c'u cha'al jun muc'ta tocalte', mu stac' tubel o”, xiyutun li Muc'ul Diose.

Lamentaciones 1:12

Vo'oxuc ti chajelovic li' ta bee, ¿me oy bu yan jech vocol chavilic jech chac c'u cha'al li jvocole? Yu'un li Muc'ul Diose laj yac'bun tsots jvocol, yu'un ilic sc'ac'al yo'nton ta jtojol.

Lamentaciones 5:2

Scotol li c'usi oy cu'uncutique ochem ta sc'obic li yanlum cristianoetique; li jnacutique yan cristiano xa snainoj.

Ezequiel 21:31

ja' te ta jloq'ues scotol li sc'ac'al co'ntone; ja' te chacac'bot acuch scotol, chacac'ot ta sc'ob li viniquetic ti toj xi'balic sba, ti ja' yabtel chmilvanique.

Ezequiel 7:24

Ta xquic' tal li cristianoetic ta banamil ti bats'i chopolique; ja' chtal sventainbeic snaic li achi'iltaque. Ta jpajesbe stoyobbailic li jtoybaetique; ta jsoquesbe o sc'oplal li vitsetic ti toybil yu'unique.

Deuteronomio 28:25

Xchi'uc chac' j'ech'el chaxpech'oxuc o ta teq'uel li avajcontraique. C'alal ja' to cha'ochic batel yu'un chbat apasic pleito achi'uquique, lec chapaloxuc; lec acholoj abaic ochel. Pero chajatovic sutel tal ta ora yu'unic. Solel tanpuc chajatovic batel ta anil acotolic. Ta xavaq'uic xi'icuc yantic ajvaliletic li' ta banamil.