Jeremías 17:3 - Bible in Tzotzil de Chenalhó with Deuterocanon

³ xchi'uc ta tseltseltic ti bu oy li vits cu'une. Scotol li ac'ulejale ta xcac' batuc ta pojel ta scoj amul, ta scoj li toyol c'opojebaletic avu'un ta vitsetic ta scotol avosilale.

Bible in Tzotzil de Chamula

³ xchi'uc ti oyic ta volol te'tic ti oy ta yavil abtelaltique. Ta scoj ti amul une, ta xcac' que jti' ti ta xa'elc'anbat batel ti ac'ulejale, xchi'uc ti c'usitic toyol stojol q'uejbil avu'une, xchi'uc ta xchajic ta sa'el ti c'usitic oy avu'un ta toyol vitsetic ti oy ta sjunul ti avosilale.

Jeremías 17:3 Iomraidhean Croise

2 Reyes 24:13

Laj yich' batel scotol li taq'uinetic te ta xch'ulna Muc'ul Diose xchi'uc te ta spasubmantal ajvalile. Biq'uitic la slilin comel scotol li c'usitic chtun te ta ch'ulna ti pasbil ta c'anal taq'uin yu'un li ajvalil Salomone. Ja' ic'ot o ti jech ono'ox yaloj li Muc'ul Diose.

Salmos 78:58

Laj yaq'uic ilinuc Dios ta scoj li c'opojebaletic yu'unic ta vitsetique; laj yaq'uic it'ixajuc yo'nton ta scoj ti laj yich'ic ta muc' sloc'obal yan diosetique.

Isaías 27:9

Pero ta spasbe perdón yu'un smul; ja' xch'ayubil smul chc'ot me tspasic jech chac c'u cha'al li'i: Me tslilin scotol li scajleb smoton c'usi mu ja'uc diose, me tan chcom yu'un scotol li tonetique, xchi'uc me mu'yuc xa tsva'anic o li anbil chumante' ti yich'ojic ta muq'ue xchi'uc li scajlebtac xchic'ubil pome.

Jeremías 12:12

Ta scotol vitsetic ta xocol banamile te iloc'an tal jmilvanejetic, yu'un vu'un li Muc'ul Diosune xu' cu'un ta jmil scotol cristianoetic c'alal ta jujujot sti'iltac banamil, jech mu'yuc boch'o jun yo'nton chcom.

Jeremías 15:13

Israel, ta scotol li ac'ulejal xchi'uc li c'usi oy avu'une, xchi'uc scotol li c'usi oy ta avosilale, ta xcac' ta sc'ob avajcontra ta scoj amul. Me jutuc mu'yuc chavich' tojbel.

Jeremías 20:5

Jech noxtoc, li sc'ulejal lum li'i, xchi'uc scotol li c'usitic oy yu'une, xchi'uc li c'usitic ven toyolic stojole ta xcac' ta sc'ob li avajcontraique. Li sc'ulejal ajvaliletic ta Judae ta xcac' ta sc'ob li avajcontraique; ta spojic, ta xich'ic batel scotol ta Babilonia.

Jeremías 21:13

Jnaclumetic ta stenlejaltic, jnaclumetic ta ch'entic te ta soplejaltic, vu'un chajcontrainoxuc, vu'un li Muc'ul Diosune. Vo'oxuc ti jech chavalique: ¿Boch'o xu' yu'un chtal scontrainutic? ¿Boch'o xu' yu'un ch-och ta jnac'ubbailtic?, xachiic.

Jeremías 26:18

“Li Miqueas te ta Moresete ta sventa Muc'ul Dios laj yal c'usi chc'ot ta pasel ti c'alal ja'o yorail tiq'uil ta ajvalilal ta Judá li Ezequiase. Jech laj yal ta stojol scotol li xchi'iltaque: ‘Jech chal li Muc'ul Dios ti tspas ta mantal scotol te ta vinajele: Li Sione ja' jech ta xcom jech chac c'u cha'al banamil ti lec locbile; li Jerusalene puru ton xa te busajtic chcom; li vits li' ta ch'ulnae ta xnoj ta chopol ts'i'laletic’, xut.

Lamentaciones 1:10

Li sc'ulejal lum Jerusalene i'ich'bat scotol yu'un li yajcontrae; te sq'ueloj i'och yan lumetic ta ch'ulna yu'un. Ja' i'och li cristianoetic ti avaloj mu xu' ch-ochic yo' bu chatsobvane.

Ezequiel 16:39

Chacac'ot ta sc'obic li ac'upil vinictaque; ta svuq'uesic scotol li toyol c'opojebaletic xchi'uc ti bu chavac' aba ta stojol li yantic diosetique. Ta sloq'uic scotol li ac'u' apoq'ue xchi'uc scotol li c'usitic c'upilic sba laj cac'bot sventa at'ujumale; solel jeche' cuxul t'anal chascomtsanoxuc.

Ezequiel 23:46

“Ja' yu'un jech chcal vu'un li Muc'ul Diosune: Vu'un ta xcac' stsob sbaic tal ta stojolic epal cristianoetic; ep ta xi'ic, xchi'uc ta xpojbatic batel c'usitic oy yu'unic.

Ezequiel 6:3

Jech xavalbe: ‘Vitsetic ta Israel, a'yic c'usi chal li Muc'ul Diose, ja' li Ajvalil cu'untique. Jech chalbe li muc'tic vitse, li bic'tal vitse, xchi'uc li bevo'etic ta soplejaltique: A'yo ava'ay, vu'un ta jtac tal pleito ta atojol; ta jines scotol li toyol c'opojebaletic te ta atojole.

Levítico 26:30

Ta jlilin li toyol c'opojebaletic avu'unique. Ta jines noxtoc li scajleb xchic'ubil pom avu'unique. Li abec'talic ti mu'yuc xa cuxule te jmoj ta jbusan ta sba yo' bu busul li sloc'obal adiosic ti mu cuxuluque yu'un chcac' ta ilel ti chopol chaquiloxuc oe.

Miqueas 3:12

Ja' yu'un vo'oxuc ta amulic ti xco'laj xchi'uc locbil banamil chcom li Sione, ti puru tontic xa te busul chcom ta Jerusalene, xchi'uc ti chpix ta chopol ts'i'laletic li vits yo' bu oy ch'ulnae.

Sofonías 1:13

Ja' yu'un ta xich'ic pojbel li c'usitic oy yu'unique, xchi'uc ta xich'ic jinesbel li snaique. Ta to spas snaic, pero mu'yuc ta snainic; ta sts'un sts'usubic, pero mu'yuc ta xuch'beic ya'lel”, xi li Diose.