Jeremías 17:1 - Bible in Tzotzil de Chenalhó with Deuterocanon

¹ “Judá, li amule te ts'ibabil ta avo'nton; joch'bil lec ta pech'pech' ni' taq'uin, joch'bil lec ta sni' diamante ton. Ts'ibabil noxtoc ta xulubtac scajleb matanaletic avu'un.

Bible in Tzotzil de Chamula

¹ “Ti amule, Judá, ta jich'il ni' taq'uin ts'ibabil lec com ta ch'ojel. Ti ton s'elan oy ti avo'ntone, xchi'uc ti xulubtac ti altaretic avu'une, ch'ojbil lec ta ts'ibael ta jun ts'ub ts'ub ni' saquil xixib ton.

Jeremías 17:1 Iomraidhean Croise

Proverbios 3:3

Mu me xacomtsan li c'uxubinvaneje xchi'uc li yalel c'usitic melele. Pasilano jech chac c'u cha'al li boch'o te xojol o ta snuc' snats'e; te ts'ibabil ac'o comuc o ta avo'nton.

Proverbios 7:3

Te xojoluc o ta sbic'tal ac'ob; ts'ibao lec ta yut avo'nton.

Isaías 49:16

Q'uelavil, li' loc'tabilot o ta yut jc'ob; li' oy o ta co'nton li coraltonetic avu'une.

Jeremías 11:13

Yu'un li Judae toj ep diosetic yu'un jech chac c'u cha'al li lumetic ta yosilale. Li Jerusalene toj ep scajleb matanaletic yu'un jech chac c'u cha'al li xoraliltaque, yu'un ja' te ta xchic' pom ta stojol li dios Baale.

Jeremías 2:22

Ac'o me chapoc aba lec ta jaychopuc xavon, ac'o me chajux aba lec ta ton, pero ic' chaquilot o ta scoj li amule. Jech chcal jtuc vu'un li Muc'ul Diosune, vu'un li Avajvalicune.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

Jeremías 4:14

Jerusalén, ac'o ta poquel li sbolil avo'ntone, ja' no'ox jech xu' chacol. ¿Baq'uin to chaloq'ues ta atojol li c'usi chopol ta nopele?

Oseas 12:11

Ta Galaade puru chopol c'usi te oy; ja' yich'ojic ta muc' li c'usi cuybilic ta diose. Ta Gilgale puru vacaxetic ta smilic sventa smoton sdiosic, ja' yu'un li scajleb matanaletic yu'unique ta xc'ataj ta sbusleb tontic, ta sbusleb c'a'eptic”, xi li Diose.

Oseas 7:2

Mu snopic ti jna'ojbe scotol li smulique. Setubil chc'otic yu'un li c'usi tspasique, yu'un scotol c'ac'al oy ta jsat.

Oseas 8:11

“Li Efraine la spas ep scajleb matanaletic sventa chch'ay smul, pero ja' no'ox itun ta sventa la sta smul o.

Levítico 4:25

Li palee ac'o sts'aj sbic'tal sc'ob ta xch'ich'al li tentsune, ac'o sbon ta xulub scajleb xchic'ubil jmoton. Li scomelale te ac'o smal ta yoc li scajleb jmotone.

Zacarías 7:12

Solel la stsatsubtas yo'ntonic jech chac c'u cha'al tsatsal diamante ton, jech muc sc'an xa'ibeic o li sc'op xchi'uc li smantaltac Muc'ul Dios ti laj yac'be sna' li ba'yuc j'alc'opetic yu'une. Ja' yu'un tsots i'ilin li Muc'ul Dios ti tspas ta mantal scotol te ta vinajele,

2 Corintios 3:3

Lec xvinaj ti vo'oxuc jvuncutic c'otemoxuque, ti ja' la sts'iba stuc li Cristoe. Ja' no'ox ti vu'uncutic laj quich' cabtelcutic ta yaq'uel ta ilele. Muc ta tintauc la sts'iba; ja' la sts'iba ta sventa Ch'ul Espíritu yu'un cuxul Dios. Muc ta jpechuc ton la sts'iba; ta avo'ntonic la sts'ibaboxuc.