Jeremías 16:9 - Bible in Tzotzil de Chenalhó with Deuterocanon

⁹ Vu'un li Muc'ul Diosun ti ta jpas ta mantal scotol te ta vinajele, xchi'uc vu'un li Diosun yu'un Israele, jech chcal: Ta xcac' lajuc sc'oplal li' ta avosilalic li q'ueojetic sventa q'uine, sventa xcuxetel o'ntonale, xchi'uc ta sventa q'uin nupinele; ta to xavil ta asatic jech chc'ot ta pasel ti c'alal cuxuloxuc toe.

Bible in Tzotzil de Chamula

⁹ Ti Ajvalilun ti scotol xu' cu'une, Diosun yu'un ti Israele, xi ta xcal ta jamale: Yu'un ti li' ta jteclume, ta jpas ta stojolic ti ts'ij xi liquel ti q'uejimoletic sventa muyubajel yu'un ti q'uine, xchi'uc ti q'uejimoletic sventa ti lecomajele. Ti va'i s'elan taje, ta xavilic ta aba ta asatic ti ta xc'ot ti c'ac'al ora avu'unique.

Jeremías 16:9 Iomraidhean Croise

Salmos 78:63

Chic'bil ta c'oc' ichamic li queremetic yu'unique; li tsebetic yu'unique mu'yuc bu spasic o q'uin nupinel xchi'uquic.

Jeremías 25:10

Ta jlajesbe o sc'oplal ti xcuxet no'ox yo'ntonic, ti stse'inic no'ox chc'opojique, ti oy boch'o chmalij, ti oy boch'o tsa' yajnilique, xchi'uc ti chbac' smulinoique, xchi'uc ti xojoban no'ox scandilique.

Jeremías 7:34

Ta xcac' lajuc sc'oplal ta lumetic li' ta Judá xchi'uc ta xoraltic ta Jerusalén ti xvochetic no'ox, ti stse'inic no'ox ta xcuxetel yo'ntonique. Chlaj sc'oplal ti oy boch'o chmalij, ti oy boch'o tsa' yajnile, yu'un xch'ijan chcom o cu'un”, xi li Muc'ul Diose.

Ezequiel 12:25

Yu'un vu'un chic'opoj jtuc, vu'un li Muc'ul Diosune, jech persa chc'ot ta pasel li c'usi chcale; mu xa epuc c'ac'al chjalij. Vo'oxuc li jtoyba israeloxuc ti cuxuloxuc li' ta orae, ta xavil ta asat atuquic ti chc'ot ta pasel li c'usitic laj cale, xi li Diose’, uto”, xiyutun.

Ezequiel 26:13

Ta jlajesbe sc'oplal ti xavochetic no'ox ta q'ueoje; mu'yuc xa bu chvinaj o chbac' li avarpaique.

Oseas 2:11

Ta jlajesbe sc'oplal o li xcuxetel yo'ntone, li q'uinetic yu'une, li q'uin c'alal ch-uninaj ue, xchi'uc li sc'ac'alil chcux yo'ntone, xchi'uc scotol li muc'tic q'uinetic yu'une.