Jeremías 16:6 - Bible in Tzotzil de Chenalhó with Deuterocanon

⁶ C'alal ta biq'uit ta muc' ta xchamic te ta avosilalic; mu'yuc boch'o chtal smuquic, mu'yuc boch'o ta x'oc'taatic yu'un, mu'yuc boch'o ta sboj sbec'talic, xchi'uc mu'yuc boch'o ta xjux stsotsil sjol ta sventaic.

Bible in Tzotzil de Chamula

⁶ Ta biq'uit ta muc' ta xlajic scotol ti jteclum li'e. Mi junuc ta xich'ic muquel pixel. Mi ja'uc ta xich'ic oq'uitael. Laj to ta alel ti oy buch'u xtuch'et o'ntonal ta stojole, ti utsuc xa syayijes sbae, ti xt'axbun xa ta loq'uel ti sjole.

Jeremías 16:6 Iomraidhean Croise

2 Crónicas 36:17

Ja' yu'un li Muc'ul Diose la stac tal ajvalil yu'un caldeaetic, vul smilic ta espada scotol li ch'ium queremetic yu'unic te oyic ta ch'ulnae. Me jutuc mu'yuc xa ts'icumal; c'alal ta querem ta tseb, ta moletic, ta syojoviltac vul smilic, yu'un i'ac'bat ta sc'obic scotol yu'un li Diose.

Isaías 22:12

Ja' jech sc'ac'alil chac' oc'anic li Muc'ul Dios ti ech'em svu'ele, chac' avat avo'ntonic, chac' ajux stsotsil ajolic, xchi'uc chac' alapic c'u'il ti ch'ixlajan ta lapele.

Isaías 24:2

Co'ol chich' pasbel scotol: paleetic xchi'uc cristianoetic; mozoetic xchi'uc yajvalic; me' quiaraetic xchi'uc sme'ajvalic; jmanulajeletic xchi'uc jchonolajeletic; boch'otic oy c'usi chq'uexic xchi'uc boch'otic chaq'uic ta q'uexel; boch'otic oy yilic xchi'uc boch'otic oy j'iluviletic yu'unic.

Jeremías 13:13

Li vo'ote jech xatac'be: ‘Jech chal li Muc'ul Diose: Ta xcac' yacubuc scotolic ta pasem ya'lel ts'usub li boch'otic li' nacalic ta banamile xchi'uc li ajvaliletique, ja' li smomnich'nab David ti sc'oplal ja' chchotiic ta spasubmantale, xchi'uc li paleetique, xchi'uc li j'alc'opetique, xchi'uc scotol li jnaclumetic ta Jerusalene.

Jeremías 16:4

Ta xchamic ta xc'uxul tsatsal chamel, ta milel, xchi'uc ta vi'nal. Mu'yuc boch'o chc'uxubaj yo'nton ta stojolic; mu'yuc boch'o tsmuc chpixic. Te no'ox busul chc'a'ic ta banamil jech chac c'u cha'al stso' chonbolometic. Li sbec'talique chtal ti'baticuc ta xulemetic xchi'uc ta chonbolometic ta te'tic”, xiyutun.

Jeremías 41:5

Ja'o italic jayibuc viniquetic ta Siquem, ta Silo, xchi'uc ta Samaria; ja' chanvinic (80) viniquetic ta scotolic, xjuxanoj tal yisimic, li'emic sc'u'ic, xtuch'anojic tal sbec'talic, yich'anojic tal matanaletic, xchi'uc pom sventa tal yaq'uic ta ch'ulna yu'un li Muc'ul Diose.

Jeremías 47:5

Li lum Gazae ta xjux sjol; li Ascalone mu xa xbac'. Vo'oxuc li scomelaloxuc muc'tic cristianoetic ta vo'onee, ¿baq'uin to chabojilan abec'talic sventa senyail ti oy avocolique?

Jeremías 48:37

Scotolic xjuxanoj sjolic xchi'uc yisimic; sbojanoj sbec'talic, xchi'uc slapojic c'u'il sventa at-o'nton.

Jeremías 7:29

¡Jerusalén, seto loq'uel li stsotsil ajole, jipo batel! ¡Bat oc'tao aba ta toyol vitsetic, yu'un li Muc'ul Diose laj xa sbaj, laj xa sjip li jnaclumetic avu'une; ilinem xa o ta stojolic!

Jeremías 8:2

Te no'ox tanpuc chbat ta osilaltic ta sba ta sat li c'ac'al, li u, xchi'uc li c'analetique, yu'un ja' laj yich'ic ta muc', ja' itunic yu'un, ja' la sts'aclinic o, ja' la sjac'beic li c'usi tsjaq'uique, ja' la squejan sbaic ta stojol. Mu'yuc boch'o chtal stsobbe li sbaquilique, mu'yuc boch'o chtal smuc, te no'ox chch'ay batel ta banamil jech chac c'u cha'al c'a'ep.

Levítico 19:27

“Mu me quepquepuc xaloc' li ajolique, xchi'uc mu me xatuch'beic sni'ni' li avisimique.

Levítico 19:28

“Mu me xayayijes abec'talic ta scoj me oy boch'o ichame. Mu me xats'ibta anuculilic sventa senyail. Jech chcal vu'un li Muc'ul Diosune.

Amós 6:11

Yu'un li Muc'ul Diose yaloj xa mantal ti ta xich' yavnaijesel, ti ta xich' lilinel scotol li muc'tic naetic xchi'uc li bic'tal naetique.

San Mateo 9:23

Li Jesuse te ic'ot ta sna li banquilal ta nail tsobobbaile. Laj yil te oy jupanej amaetic; ep cristianoetic te xvochetic ta oq'uel.

Deuteronomio 14:1

“Vo'oxuc li xnich'naboxuc Muc'ul Dios cu'untique, mu me xayayijes abec'talic, mu me xaloc' stsotsil ajolic ti c'alal oy boch'o chchame.

Apocalipsis 20:12

Laj quil te va'ajtic ta stuq'uil xchotleb Dios scotol li boch'otic chamenique. Te oyic c'alal ta muc', ta biq'uit. Jech laj yich' jamel li vunetique. Te laj yich' jamel yan vun noxtoc, ja' li vun sventa cuxlejale. Li boch'otic chamenique lic yich'ic chapanel jech chac c'u cha'al spasojic ti te ts'ibabil ta vunetique.

Apocalipsis 6:15

Li ajvaliletic ta banamile, li jpasmantaletique, li jc'ulejetique, li banquilal soldadoetique, li boch'otic tsots xu' yu'unique, li mozoetique, xchi'uc li boch'otic muc ochemicuc ta mozoile, la snac' sbaic ta nailch'entic, xchi'uc ta japjap ch'entic ta vitsetic.