Jeremías 16:5 - Bible in Tzotzil de Chenalhó with Deuterocanon

⁵ Jech laj yalbun noxtoc li Muc'ul Diose: “Mu me xabat ta jbejuc na ti bu ta xat yo'ntonic ta x'oq'uique; mu me xbat apatbe yo'ntonic, yu'un li lum le'e laj xa jpojbe li jun yo'ntonique xchi'uc li c'anel, li c'uxubinel cac'ojbeique.

Bible in Tzotzil de Chamula

⁵ Xi laj yalbun ti Dios xtoque: “Mu xa'och batel ta na bu oyic ta me'inal ti oy buch'u chame. Mu xlic oc'an. Ma'uc ti utsuc xa xapat o'ntonal teye. Yu'un ti jteclum li'e, laj to ta alel ti jun yo'ntonic cu'une, ti oy xc'uxul co'nton yu'une, ti oy jyail jc'uxul ta stojole. Ti vu'un Diosune, mu stselbuj ti jc'ope.

Jeremías 16:5 Iomraidhean Croise

Salmos 25:6

Muc'ul Dios, na'o me li slequil avo'nton, xchi'uc li c'uxubinel avu'un ti mu'yuc slajebe.

Isaías 27:11

C'alal chtaquij li c'obc'ob te'etique, chlic c'asanuc ya'lel; te chtal li antsetique chtal stsobic sventa si'il sc'oq'uic. Yu'un li jun lum le'e mu sna'ic snopel, ja' yu'un li Jpasvanej yu'unique mu'yuc xa c'uxubinel, mu'yuc xa ts'icumal yu'un.

Jeremías 12:12

Ta scotol vitsetic ta xocol banamile te iloc'an tal jmilvanejetic, yu'un vu'un li Muc'ul Diosune xu' cu'un ta jmil scotol cristianoetic c'alal ta jujujot sti'iltac banamil, jech mu'yuc boch'o jun yo'nton chcom.

Jeremías 13:14

Ta jlilin scotolic jech chac c'u cha'al bin ti chich' cheq'uiel ta yan bine. Ta xcac' slilin sba stuquic c'alal ta totiletic, c'alal ta nich'naletic. Mu'yuc ta jts'icbe o smulic, mu'yuc bu abul sba chquilic, mu'yuc bu chc'uxubajic o ta co'nton; j'ech'el ta xculesic o’, uto”, xiyutun li Muc'ul Diose.

Jeremías 16:13

Ja' yu'un li vu'une ta jpucoxuc batel ta yan banamil ti bu mu'yuc ono'ox avilojique, xchi'uc ti mu'yuc ono'ox yilojic ec li amoltot ayame'ique. Te chatunic ta c'ac'al ta ac'ubal yu'un li yantic diosetique, jech mu'yuc ta jc'uxubinoxuc o’, uto”, xi li Muc'ul Diose.

Lamentaciones 3:17

Laj xa sc'oplal ti jun to'ox co'ntone; ich'ay o ta co'nton ti lec to'ox oyune.

Zacarías 8:10

C'alal mu'yuc to'ox chc'ot yorail le'e, mu'yuc stojol j'abtel viniquetic xchi'uc chonbolometic, xchi'uc mu'yuc boch'o jun yo'nton chloc' ch-och ta scoj li yajcontraique. Vu'un laj cac' ti ac'o scontrain sbaic li cristianoetique.

Deuteronomio 31:17

Tsots chlic ilincun yu'unic ta sventa ti jech tspasique. J'ech'el ta jcomtsanic o; j'ech'el ta jch'ayic o ta co'nton. Jech ep ta sta svocolic; ep c'usi chopol chc'ot ta stojolic. Ts'acal jech chlic yalic: ‘Ti vi x'elan toj ep jvocoltique, ¿me mu ja'uc ta scoj ti mu'yuc xa xchi'inojutic li Diose?’, xiic.

Apocalipsis 6:4

Te iloc' tal jcot tsajal ca'. Li boch'o scajlebinoje ja' ac'bil svu'el sventa ac'o socbe sjol cristianoetic li' ta banamil, yu'un jech ac'o lic smilan sbaic. I'ac'bat batel jun smuc'ta espada.