Jeremías 16:4 - Bible in Tzotzil de Chenalhó with Deuterocanon

⁴ Ta xchamic ta xc'uxul tsatsal chamel, ta milel, xchi'uc ta vi'nal. Mu'yuc boch'o chc'uxubaj yo'nton ta stojolic; mu'yuc boch'o tsmuc chpixic. Te no'ox busul chc'a'ic ta banamil jech chac c'u cha'al stso' chonbolometic. Li sbec'talique chtal ti'baticuc ta xulemetic xchi'uc ta chonbolometic ta te'tic”, xiyutun.

Bible in Tzotzil de Chamula

⁴ Ep ta tos jtsutsesvanej chamel xa'i xcham xlajic. Laj to ta alel ma' ti oy yoq'uitaelique, ti oy smuquelique, yu'un xi s'elan ta xc'otic ta stojolique: Q'uiil ta xcomic ta lumtic jech c'u cha'al tso' chon bolometic ti busul no'oxe. Leto, vi'nal xve' yu'unic. Ti sbec'tal stacopalique, xulemetic xchi'uc jti'oval chon bolometic xve' yu'unic.”

Jeremías 16:4 Iomraidhean Croise

2 Reyes 9:10

Li Jezabele ta xlaj ta ti'el ta ts'i' te ta yosilal lum Jezreel; mu'yuc boch'o ta smuc’, xi li Muc'ul Diose —xut. C'alal laj yal jech li j'alc'ope, la sjam li ti'nae; iloc' batel ta ora.

Salmos 78:64

Milbil ta espada ichamic noxtoc li paleetique; mu'yuc x'oc'taatic yu'un li me'on antsetic icom yu'unique.

Salmos 83:10

ti te ilajic o ta Endore, ti itun ta sventa xyaxal banamil li sbec'talique.

Isaías 18:6

Tanpuc chbat scotol ta te'tic; ja' xa sve'el chc'ot li mutetique xchi'uc li chonbolometique. Te ch-ech' yu'unic o q'uepelaltic li mutetique; te ch-ech' yu'unic o yorail vo'olaltic li chonbolometique”, xi.

Isaías 5:25

Ja' yu'un li Muc'ul Diose ilic sc'ac'al yo'nton ta stojol li steclumale; la stoy sc'ob ta stojolic sventa chac'be stoj smulic. Inic li vitsetique; li sbec'talique te icoman ta xoraltic jech chac c'u cha'al c'a'ep, pero li Muc'ul Diose muc ono'ox x'ech' o li sc'ac'al yo'ntone; te to stoyoj o li sc'obe.

Jeremías 19:7

Li' ta banamil ta jlilinbe c'usitic snopojic li Judá xchi'uc Jerusalene. Ta xcac' lajicuc ta milel yu'un li yajcontraique; ta xcac' ochicuc ta sc'ob li boch'o ta xcontrainatic yu'une. Li sbec'talique ta xcac'be sti' xulemetic xchi'uc jti'val chonbolometic.

Jeremías 21:6

Ta jmilan scotol li jnaclumetic li' ta lume, c'alal ta cristianoetic, ta ats'unub avovolic ta xlajic ta tsatsal chamel.

Jeremías 25:33

Toj ep boch'o ta xcham yu'un Muc'ul Dios c'alal me la sta sc'ac'alile; buyuc no'ox quilajtic chcomic c'alal ta jujujot sti'il banamil. Mu'yuc boch'o ta xoc'ta, mu'yuc boch'o ta stsob ta smuc; te no'ox tanpuc chcomic ta banamil jech chac c'u cha'al c'a'ep.

Jeremías 34:17

Ja' yu'un ja' jech chcal vu'un li Muc'ul Diosune: Ta sventa ti muc xach'unic c'usi laj cale, yu'un muc xacoltaic ta mozoil li achi'ilique, ja' yu'un vu'un ta jcolta tal pleito, vi'nal, xchi'uc ta tsatsal chamel ta atojolic; jech toj chopol ac'oplalic, toj q'uexlal abaic chcom ta stojol li yantic lumetique.

Jeremías 34:20

Ta xcac' ochicuc ta sc'ob li yajcontraic ti tsc'an chmilatic yu'une. Li sbec'talique ta xlaj ta ti'el ta mutetic xchi'uc ta chonbolometic.

Jeremías 36:30

Ja' yu'un jech chcal vu'un li Muc'ul Diosune: Me junuc amomnich'nab mu'yuc ta xchoti ta spasubmantal li Davide. Li abec'tale te no'ox telel chcom ta xc'uxul c'ac'al xchi'uc ta siquil ac'ubal.

Jeremías 44:12

Li scomelal judaetic ti la sc'upinic batel, bat naquiicuc ta Egiptoe te ta x'ulic scotolic ta Egipto. Te ta xlajic ta milel, ta vi'nal c'alal ta muc' ta biq'uit. Jech mu'yuc xa stuic, labanbilic, bajbilic chcomic o.

Jeremías 44:27

Yu'un ta ono'ox xcac' tal tsots avocolic; muc alequilalicuc ta xcac' tal. Vo'oxuc ti te nacaloxuc ta Egiptoe chalajic ta milel, chalajic ta vi'nal, ja' to me la'ul acotolique.

Jeremías 7:33

Li sbec'talic li jun ta lum cristianoetic li'i ta xtal ti'aticuc ta mutetic xchi'uc ta chonbolometic; me jutuc mu'yuc boch'o ta sibtas batel.

Jeremías 9:22

Li sbec'talic boch'otic ichamique jeche' te telajtic icomic ta ba banamil jech chac c'u cha'al c'a'ep ti mu'yuc stue, mu'yuc boch'o chtal stsob o, jech chac c'u cha'al chbajan comel trigo yu'un li jtuch'trigoe”, chianic.

Lamentaciones 4:9

Ja' jutuc no'ox svocolic li boch'otic chchamic ta espadae; ja' toj tsots svocolic li boch'otic chchamic ta vi'nale, yu'un li stuquique ta c'unc'un ch-ochbajic batel ta be ta scoj ti mu'yuc bu sta c'usitic tstunique.

Ezequiel 24:21

‘Jech xavalbe ya'yic scotol li achi'iltaque: Jech chal li Muc'ul Diose: A'yo ava'yic, ta jsoquesbe o sc'oplal li ch'ulna cu'un ti tsots sc'oplal avu'unique, ti toj lec ac'anojique, ti lec to'ox avich'ojic ta muq'ue. Li aqueremic atsebic chcom avu'unique ta xcac' ta milel ta espada scotol.

Ezequiel 5:12

Li jnaclumetic avu'une jvoc' ta xchamic ta tsatsal chamel xchi'uc ta vi'nal te ta atojol. Li yan jvoq'ue ta xich'ic milel ta espada te ta apat axocon. Li yoxvoc'ale ta jpuquic batel ta xchanjotal xchiquin banamil. Ta jnutsic batel ta espada ta sva'lupatic.

Sofonías 1:17

Jech chal li Muc'ul Diose: “Ta xcac'be svocol li cristianoetique, jech xco'laj xchi'uc ma'satetic ta xanovic, yu'un la sa' smulic ta jtojol vu'un li Muc'ul Diosune. Li xch'ich'alique te no'ox ta xmal batel ta banamil jech chac c'u cha'al vo'; li sbec'talique ja' jech chbat jech chac c'u cha'al c'a'ep”, xi li Diose.

Deuteronomio 28:22

Jech noxtoc ta stacboxuc tal chamel ti ta ora no'ox chch'amaje, jech chachamic yu'un. Xchi'uc chtal tsatsal c'ac'ubel, xchi'uc chamel ti chc'ac'uban abec'talic yu'une. Xchi'uc chtal ep q'uepelaltic, xchi'uc xchamel atrigoic, xchi'uc ep yantic tsatsal chameletic. Ja' chayuts'intaoxuc, ja' to ti me la'ulic o yu'un acotolique.

Deuteronomio 28:26

Li abec'talique ti'bil ta mutetic ta xlaj, xchi'uc ta jti'val bolometic. Mu'yuc boch'o ta sibtasic batel.