Jeremías 16:3 - Bible in Tzotzil de Chenalhó with Deuterocanon

³ Vu'un li Muc'ul Diosune jech chcal ta sventa li bic'tal querem tsebetic chvoc' li' ta avosilalique, xchi'uc ta sventa li totil me'iletic ch-alaj chnich'najique.

Bible in Tzotzil de Chamula

³ Ti vu'un Diosune ta xcalbot ava'i c'usi ta xc'ot ta stojolic ti nich'oniletic ta xvoq'uic li' ta jteclume, xchi'uc ti totil me'iletic ti oy yalab xnich'nabique.

Jeremías 16:3 Iomraidhean Croise

Jeremías 15:8

Ta xcac' epajuc me'on antsetic avu'un jech chac c'u cha'al yi' ta ti'nab. Ta o'lol c'ac'al ta jtacbe tal jmilvanej ta stojolic li me'iletique xchi'uc li yalabique. Ta anil no'ox ta jtac tal tsots at-o'nton xchi'uc xi'el te ta lum.

Jeremías 16:2

“Mu me xasa' avajnil, mu me xvoc' aquerem atseb li' ta avosilalique.

Jeremías 16:5

Jech laj yalbun noxtoc li Muc'ul Diose: “Mu me xabat ta jbejuc na ti bu ta xat yo'ntonic ta x'oq'uique; mu me xbat apatbe yo'ntonic, yu'un li lum le'e laj xa jpojbe li jun yo'ntonique xchi'uc li c'anel, li c'uxubinel cac'ojbeique.

Jeremías 16:9

Vu'un li Muc'ul Diosun ti ta jpas ta mantal scotol te ta vinajele, xchi'uc vu'un li Diosun yu'un Israele, jech chcal: Ta xcac' lajuc sc'oplal li' ta avosilalic li q'ueojetic sventa q'uine, sventa xcuxetel o'ntonale, xchi'uc ta sventa q'uin nupinele; ta to xavil ta asatic jech chc'ot ta pasel ti c'alal cuxuloxuc toe.

Jeremías 6:21

Ja' yu'un li Muc'ul Diose jech chal: “Ta xcac' sbosiubil yacanic, jech ta xyalic ta lum, co'ol chchamic o c'alal ta totil me'iletic, c'alal ta alab nich'nabetic, c'alal ta boch'otic nopol nacajtic xchi'uquic, xchi'uc c'alal ta boch'otic lec sc'opan sba xchi'uquic”, xi.

Ezequiel 24:21

‘Jech xavalbe ya'yic scotol li achi'iltaque: Jech chal li Muc'ul Diose: A'yo ava'yic, ta jsoquesbe o sc'oplal li ch'ulna cu'un ti tsots sc'oplal avu'unique, ti toj lec ac'anojique, ti lec to'ox avich'ojic ta muq'ue. Li aqueremic atsebic chcom avu'unique ta xcac' ta milel ta espada scotol.