Jeremías 16:12 - Bible in Tzotzil de Chenalhó with Deuterocanon

¹² Pero li vo'oxuque toj ech'em no'ox chopol c'usi laj apasic jech chac c'u cha'al li atot ame'ique. Yu'un ja' bat apasic c'usi tsc'an avo'nton atuquic jujunoxuc; ja' muc xach'unic li c'usi laj cale.

Bible in Tzotzil de Chamula

¹² Ti vo'oxuc ec une, xjelav to xchopolal ti c'usi laj apasique. Jc'ol to mu sta ti atot ame'ic laj ech'icuque. Ta jujun tal ochem yipal avu'unic ti pucujibemoxuque, ti batem avo'ntonic ta spasel ti c'usi chopole, ti mu'yuc xach'unic ta spasel ti c'usi laj cale.

Jeremías 16:12 Iomraidhean Croise

Génesis 6:5

Li Muc'ul Diose laj yil ti i'epaj smulic li cristianoetic ta banamile, xchi'uc ti ja' no'ox batem ta yo'ntonic o snopel li c'usitic chopole.

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

Eclesiastés 8:12

Ac'o me jeloven ta vo'vinic (100) velta tspasic c'usi chopol li jpasmuliletique, pero jal chcuxiic noxtoc. Jechuc, ja' no'ox ta jna' ti lec ono'ox chbatic li boch'o chich'ic ta muc' Diose, ti tspasbeic c'usi tsc'ane.

Eclesiastés 9:3

Le'e ja' li c'usi toj chopol chc'ot ta pasel li' ta banamile, yu'un co'ol oy c'usi tstaic scotol. Li cristianoetique nojem ta c'usi chopol li yo'ntonique, nojem ta sbolil yo'ntonic ti jayib c'ac'al cuxulique, ts'acal chbatic c'alal ta ch'en.

Jeremías 13:10

Li chopol cristianoetic li'i, ti mu sc'an xa'ibicun jc'ope, ti ja' lec cha'yic o spasel li c'usi lec cha'ay stuquique, ti ja' bat yich'ic o ta muc', bat tunicuc yu'un, bat squejan sbaic ta stojol li yantic diosetique, ja' jech ta xc'otic jech chac c'u cha'al li achuc li'i ti mu'yuc xa c'usi stu oe.

Jeremías 17:9

“Li o'ntonale toj chopol, ja' no'ox ven jlo'lavanej ta scotol. ¿Me oy boch'o xa'ibe smelol le'e?

Jeremías 18:12

Pero jech chastac'boxuc: ‘Altic tal avac' avocol, yu'un oy ta co'ntoncutic ta jpascutic o li c'usi jnopoj jujununcutique, ta jpascutic o batel li c'usi chopol tsc'an co'ntoncutique’, xayutoxuc”, xiyutun li Diose.

Jeremías 22:28

¿Me ja' jech ic'ot li Jeconías jech chac c'u cha'al bin ti voq'uem, ti mu'yuc xa stue, ti ja' jech chac c'u cha'al jun sets' ti mu'yuc xa boch'o tstuc'ulane? ¿C'u yu'un ti j'ech'el ijipatic o batel xchi'uc yalab xnich'nab ta yan banamil ti mu xotquinique?

Jeremías 7:24

Pero muc xch'unbicun, muc xich'bicun ta muc'; ja' ono'ox la spasic batel li c'usi tsc'an yo'ntonique. Ta scoj no'ox toj tsots yo'ntonic ep sbolil yo'ntonic ti jech lic sva'lupatinicun comele.

Jeremías 7:26

Pero muc xavich'ic ta muc', muc xach'unbeic li c'usi laj yalboxuque. Solel laj atsatsubtas avo'ntonic; ech'em to labatic jech chac c'u cha'al li amoltotaquique.

Jeremías 9:14

Ja' no'ox la spasic li c'usi ital ta yo'nton stuquique; ja' laj yich'ic ta muc' li baaletic jech chac c'u cha'al ichanubtasatic yu'un li stot sme'ique.

Lamentaciones 5:7

Li jtot jme'cutique la sa' smulic, jech ichamic; vu'uncutic la jcuchbecutic comel li smulique.

Ezequiel 20:30

“Jech xavalbe noxtoc li smomnich'nab Israele: ‘Jech chayalboxuc li Muc'ul Diose: ¿C'u yu'un ti chabolibtas abaic ec jech chac c'u cha'al la spas li atot ame'ique, xchi'uc ti mu junuc avo'ntonic ta jtojol ec ta scoj ti ja' batem avo'ntonic yich'el ta muc' li sloc'obaltac adiosique?

Amós 2:4

Jech chal noxtoc li Muc'ul Diose: “Ta sventa ti solel i'ech' ta bis smul li Judae, jech persa ta xcac'be stoj. Yu'un mu'yuc stu laj yilic li mantaletic cu'une; muc xch'unic li c'usitic caloje. La syanijesic ta scoj ti ja' laj yich'ic ta muc' li c'usitic cuybil ta diose; ja' la xchanic ec jech chac c'u cha'al la spasic li smoltot syame'ic ta vo'onee.

Malaquías 3:7

Yan li vo'oxuque laj acomtsanic xch'unel li jmantale. Ja' jech chapasic jech chac c'u cha'al la spasic li amoltot ayame'ic ta vo'onee. Mu xac'an xach'unic li c'usitic caloje. Ja' yu'un jech chacalboxuc vu'un li Muc'ul Diosune: Sutanic tal ta jtojol, jech chisut tal ta atojolic ec. Pero li vo'oxuque jech chavalic: ‘¿C'u x'elan xu' chisutcutic tal ta atojol?’, xachiic.

Marcos 7:21

Yu'un ta yut yo'nton cristiano ta xloc' tal li c'usi chopol ta snopique, me ta xmulivaj, me ta x'elc'aj, me ta xmilvan,

Deuteronomio 29:19

“C'alal me laj xa ava'yic scotol li c'usitic albil ono'ox chc'ot ta pasele, me oy boch'o chlic snop avu'unic ti toj lec cha'ay sbae, me jech chlic yale: ‘Li vu'une toj lec chbat cu'un scotol, manchuc me ta jpas li c'usi tsc'an co'ntone’, me xie. Le'e ja' ta scoj me layavnaijic acotolique.

Deuteronomio 9:27

Mu me xch'ay ta avo'nton li avajtuneltaque, ja' li Abrahame, li Isaaque, xchi'uc li Jacobe. Mu xavac' ta avo'nton smulic li jchi'iltac, ti toj toybaique xchi'uc ti toj jbajmantaletique.

2 Timoteo 3:13

Yan li boch'otic toj chopolique xchi'uc li jlo'lavanejetique, yo'to ech'em ta soquic o batel. Ta xlo'lavanic, pero jech lo'labil stuquic ec.

Hebreos 3:12

Jchi'iltac, q'uelo me abaic, mu me oyuc boch'o chopol yo'nton; mu me oyuc boch'o tsots yo'nton avu'unic, yu'un xu' chacomtsanic o li cuxul Diose.

Jueces 2:19

Pero c'alal icham li jchapanvanejetic yu'unique, lic soquicuc yan velta noxtoc. Ech'em to no'ox chopol la spasic jech chac c'u cha'al li stot sme'ic ta vo'onee. Ja' lic tunicuc yu'un li yantic diosetique; lic squejan sbaic ta stojol. Me jutuc muc scomtsanic spasel li c'usi chopole xchi'uc li xchopol talelique.

1 Samuel 15:23

Li boch'o tstoy sba ta stojole tsta smul jech chac c'u cha'al li jt'unule. Ja' co'ol xchi'uc li boch'o chich' ta muc' c'usitic cuybilic ta diose yu'un ja' tsbajbeic smantal li Diose. Ta sventa ti laj abajbe smantal Muc'ul Dios ec li vo'ote, ja' yu'un chasbajot ec li Muc'ul Diose; mu xa xac' coman ta ajvalilal”, xut.