Jeremías 15:8 - Bible in Tzotzil de Chenalhó with Deuterocanon

⁸ Ta xcac' epajuc me'on antsetic avu'un jech chac c'u cha'al yi' ta ti'nab. Ta o'lol c'ac'al ta jtacbe tal jmilvanej ta stojolic li me'iletique xchi'uc li yalabique. Ta anil no'ox ta jtac tal tsots at-o'nton xchi'uc xi'el te ta lum.

Bible in Tzotzil de Chamula

⁸ X'ech' to yepal jech c'u cha'al yi'al nab ti stuc xa me'unal antsetic xcha'q'uet laj quictabeic comele. Bats'i yutsil to xchi'il sc'opojel ti queremetic vul ta stojolic ti laj yich'ic milile, ti mu ts'icbaj ta xa'i svocol ti me'iletique. Ta jech yepal vul ta stojolic cu'un ti cuxul j'ilbajinvanej vocole, ti chamebal xa xal o yu'un ti xi'elale.

Jeremías 15:8 Iomraidhean Croise

Isaías 3:25

Li viniquetic avu'unique chmilatic ta espada scotol; li soldadoetic avu'unique chchamic ta pasc'op scotol.

Isaías 3:26

Li alumalique ta xlic oq'uicuc, ta xat yo'ntonic; j'ech'el jipbil ta xcomic o.

Isaías 4:1

C'alal me ic'ot sc'ac'alile, jayibuc xa no'ox viniquetic chcom; vucub antsetic chlic scontrain sbaic ta jun vinic, jech chalbeic: “Ac'anuc chquich'cutic li abie, ac'o me ta jventain jba jtuccutic; ta jmac ta jpix jba jtuccutic ta cabtelcutic. Ja' bal to xca'icutic me chmac jq'uexlalcutic avu'une”, xutic.

Jeremías 16:3

Vu'un li Muc'ul Diosune jech chcal ta sventa li bic'tal querem tsebetic chvoc' li' ta avosilalique, xchi'uc ta sventa li totil me'iletic ch-alaj chnich'najique.

Jeremías 18:21

Ja' yu'un ac'o chamicuc ta vi'nal; ac'o lajicuc ta milel li yalab xnich'nabique. Li yajnilique ac'o comicuc ta me'nal; ac'o mu'yucuc yol chcomic. Li viniquetic yu'unique ac'o chamicuc; li queremetic yu'unique ac'o milaticuc ta espada.

Jeremías 22:7

Ta jchapan lec boch'o chtal yulesot, lec chapal chtalic xchi'uc yabtejebic; ta sts'etic li lequil ch'ut te'etic avu'une, ta xchiq'uic ta c'oc'.

Jeremías 4:16

“Alic batel ta scotol lumetic xchi'uc ta Jerusalén ti talem jcontrainvanejetic ta namal banamile. Tsots ch-avanic tal ta scontrainel li lumetic ta Judae.

Jeremías 5:6

Ja' yu'un ta xloc' tal leonetic ta toyolaltic ja' ta xti'atic o; ta xloc' tal oq'uiletic ta xocol banamil, ja' ta x'ulesatic yu'un noxtoc. Te ta xmalaatic yu'un jti'val bolometic ta slumalic. Boch'ouc no'ox ta xloc' batel te ta xmilatic o, yu'un i'epaj li stoyobbailique; mu xa albaj c'u yepal li xchopolilique.

Jeremías 6:26

Jchi'iltac, lapic c'u'il sventa at-o'nton ti ch'ixlajan ta lapele. Balo abaic ta tan, ato avo'ntonic, oc'tao abaic, jech chac c'u cha'al li boch'o chcham xnich'on ti c'ajumal jun xnich'on oye, yu'un ta xa me xtal li jmilvanej ta jtojoltique.

Lamentaciones 5:3

Me'on ololuncutic xa, mu'yuc xa jtotcutic; li jme'cutique comenic ta me'on antsetic.

Ezequiel 22:25

Li j'alc'opetic avu'une ja' jechic jech chac c'u cha'al león ti tstsac ep sve'ele. Laj xa stsaquic ep cristianoetic; laj xa spojic ep c'ulejalil, xchi'uc c'usitic toj lequic. I'epaj xa me'on antsetic yu'unic te ta banamil.

Oseas 4:5

Ta c'ac'altic lec chavich' li vo'oxuque; ta ac'ubaltic chich' ec li j'alc'opetique, ta jtu'pbe o sc'oplal li ats'unubalique.

San Lucas 21:35

jech chac c'u cha'al li c'usi ch-och ta yoquile. Yu'un ja' jech chc'ot ta stojol scotol li cristianoetic ta sbejel banamile.