Jeremías 15:7 - Bible in Tzotzil de Chenalhó with Deuterocanon

⁷ Ja' yu'un li jnaclumetique ta jvij batel jech chac c'u cha'al solil trigo, ta jloq'ues o batel ta scotol lumetic ta avosilal; mu'yuc yalab xnich'nab ta jcomtsanic, ta xcules o ta j'ech'el, yu'un mu sc'an scomtsanic li chopol be stamojique.

Bible in Tzotzil de Chamula

⁷ Ti ateclumal ti oyic ta jujun lumetic yu'un ti muc' ta lume, co'ol s'elan sc'a'epal majbil trigo laj jtaniic loq'uel. Ti jteclumale, mi junuc yalab xnich'nabic laj quictabeic comel. J'ech'el laj jtubbe sc'oplalic, yu'un mu xictaic ta spasel ti c'usi chopole.

Jeremías 15:7 Iomraidhean Croise

San Mateo 3:12

Jech noxtoc li yic'aubil strigoe te xa stsacoj ta sc'ob, ta smes lec li yav smajubil strigoe. Li strigoe ta stic' ochel ta snail; yan li ste'ele ta xchic' ta c'oc' ti bu mu ono'ox xtu'p oe”, xi li Juane.

Jeremías 51:2

Ta jtac batel boch'o chbat ic'avanicuc, yu'un jech ac'o cuchaticuc batel ta ic', jech xocol chcom o li yosilalique; yu'un ta buyuc xa no'ox ta xtal yajcontraic c'alal me la sta sc'ac'alil chich'ic vocole.

Jeremías 5:3

Muc'ul Dios, li c'usi chasa'e, ja' ti oyuc boch'o melel c'usi chale. Laj avac'be nucul, pero mu'yuc c'ux laj ya'yic; laj avac'be tsots svocolic pero muc xbijubic o. Toj tsots la spas sbaic jech chac c'u cha'al ton; me jutuc muc sutes yo'ntonic o.

Isaías 41:16

C'alal chajipic muyel ta toyole, ta xcuchat batel ta ic'; ta xich' tanijel batel ta tsatsal ic'. Pero li vo'ote xcuxet no'ox avo'nton ta jtojol, vu'un li Muc'ul Diosune, jech toj jun avo'nton chava'ay ta sventa li Ch'ul Dios yu'un Israel.

Isaías 9:13

Pero li israeletique muc sutic tal ta stojol li Dios ti ja' chac' jtoj jmultique; muc ja'uc la sa'ic li Muc'ul Dios ti ech'em svu'ele.

Jeremías 18:21

Ja' yu'un ac'o chamicuc ta vi'nal; ac'o lajicuc ta milel li yalab xnich'nabique. Li yajnilique ac'o comicuc ta me'nal; ac'o mu'yucuc yol chcomic. Li viniquetic yu'unique ac'o chamicuc; li queremetic yu'unique ac'o milaticuc ta espada.

Salmos 1:4

Yan li boch'otic chopolique mu jechuc; ja' co'olic jech chac c'u cha'al solil trigo ti chcuchat batel ta iq'ue.

Zacarías 1:4

Mu me ja'uc xachanic jech chac c'u cha'al la spasic li amoltot ayame'ique, ja' li boch'otic jech i'albatic yu'un li ba'yuc j'alc'opetique: Jech chal li Muc'ul Dios ti tspas ta mantal scotol te ta vinajele: Comtsanic li chopol be atamojique xchi'uc ti chopol c'usi chapasique, x'utatic. Pero muc xch'unic, muc xich'icun ta muc' vu'un li Muc'ul Diosune.

Ezequiel 24:25

‘C'alal me la sta yorail ta jinesbeic o ta j'ech'el li c'usi toj tsots sc'oplal yu'unique, ti toj xcuxet no'ox yo'ntonic yu'une, xchi'uc ti toj ep sc'anojique, ta jpojbeic noxtoc li squerem stsebique.

Deuteronomio 28:41

Ch-ayin ep aquerem atsebic, pero mu'yuc te chachi'inic. Mu'yuc chabalinic yu'un chucbil chbatic scotol ta yantic banamil.

Ezequiel 24:21

‘Jech xavalbe ya'yic scotol li achi'iltaque: Jech chal li Muc'ul Diose: A'yo ava'yic, ta jsoquesbe o sc'oplal li ch'ulna cu'un ti tsots sc'oplal avu'unique, ti toj lec ac'anojique, ti lec to'ox avich'ojic ta muq'ue. Li aqueremic atsebic chcom avu'unique ta xcac' ta milel ta espada scotol.

Jeremías 9:21

“Li lajele i'och xa ta jna jc'ulebtic, ic'ot xa c'alal ta pasubmantaletic; ja' tal yules scotol li ololetic cu'untic te ta xoraltique, xchi'uc li queremetic te ta cuxub-o'ntonaletic yu'un lume.

Deuteronomio 28:32

Scotol li aquerem atsebique te ta asatic ta xich'ic aq'uel batel ta sc'ob yanlum cristianoetic. Ac'o me chac to aq'uelbe ava'yic sat, pero mu xa c'u xavutic o.

Deuteronomio 28:18

Mu'yuc lec chch'i avalab anich'nabic, xchi'uc c'usitic chats'unic, xchi'uc yol avacaxic, yol achijic, xchi'uc scotol ats'unub avovolic.

Ezequiel 36:12

Vitsetic ta Israel, te ta xvul cac' xanovicuc ta atojolic li jteclum cu'une. Te chlic yich' yosilic ta atojolic, vo'oxuc yu'unoxuc chac'otic o; mu'yuc xa bu chlic ati'beic yol xnich'onic.

Isaías 9:12

Chliquic tal ta sloq'ueb c'ac'al, ja' li siriaetique; chliquic tal ta smaleb c'ac'al, ja' li filistaetique. Jxoxel no'ox ta eil chac'beic li Israele. Pero mu ono'ox xpaj o sc'ac'al yo'nton li Muc'ul Diose; te to staoj yav sye'oj o sc'ob.